Obsession - هوس

chapter 4

بارت ملياااان مشاااعر
enjoy
_________________________________________
بعد مرور شهر
المعيوف تعبت نفسيته بزياده و كل يوم يمر نفسيته تكون اسوء من اليوم الي قبله 
كان الجو ممطر و جميل
طلع المعيوف و هو يتنهد و قال : يارب أفرج همومي و اغسل قلبي من الحزن بقطرات المطر ذي
غلبته دموعه و قال : كانت تحب المطر ، لو هي معي الحين كان قعدت تلعب تحت المطر
_________________________________________
عند نيار
نيار : الله مططططر !
مسكت يد سعود و قالت : احب العب تحت المطر ! اتذكر ذا الشي
رفعت يدينها للسماء و دعت في قلبها : يارب اتذكر كل شي ، يارب اتذكر الشخص الي يمر صوته ببالي !
قعدت تلعب تحت المطر بعدها دخلت و تروشت و نشفت شعرها
فجأه جاها شغف ترسم اخذت لوحتها و ألوانها و قعدت ترسم ملامح رجال عشوائيه
دخل عليها سعود و قال : ترسمين مين ؟
نيار : محد ، ملامح عشوائيه
سعود : حركاات ! تحمست اشوفها
نيار : مطوله تحتاج يومين اقل شي
"after two days "
خلصت رسمتها اخييرا
الغريب انها كانت قريبه من ملامح المعيوف
سعود بقلق : تعرفينه ذا ؟
نيار : لا بس رسمت ملامح عشوائيه ليه ؟
سعود : لا بس احس مشبهه عليه
نيار : يمكن قد لمحناه بمكان،  مو مهم
صورت الرسمه و نزلتها في التيك توك
بعد ساعه فتحت التيك و لقت الكومنت كلها كذا : واه يشبه المعيوف ، يمامي كأنه المعيوف ! ، معيوفي لازم يشوفها ، جيجي شوووف ! لازم توريها المعيوف @جمال القرعاني !
نيار بهمس: مين المعيوف ذا ؟ اسمه مألوف !
[اوف ياخي تعبت من ذاكرتي ذي لازم ارجع اتذكر !]
دخلت قوقل و كتبت : المعيوف
طلع لها صوره و معلوماته
لاعب كوره في نادي الهلال السعودي ، حارس الفريق الأول 
قعدت تتصفح بصوره و هي متنكره كميه الشبه بين الرسمه و ملامحه
نيار بهمس : كيف يشبه كذا ؟ معقول اعرفه ؟ هو مشهور اكيد قد لمحته في التلفزيون او الجوال ، علزق خلاص لا تفكري !
_________________________________________
بعد مرور شهرين
كانت حاله المعيوف نفس ماهي و اسوء !
كان ما ياكل ولا يشرب غير قهوته و ما ينام غير ساعه او ساعتين
حنان و معها صحن شوفان : كل يا حبيبي اقل شي كل هذا الشوفان ! بتموت علينا
المعيوف بضيق : ابشري
اخذ منها الصحن و اكل كم لقمه و تركه
انسدح على رجل امه و قعدت تلعب بشعره
غرق بهواجيسه و امه تلعب بشعره
كان يفكر بسبب موتها معقول ماتت من ذا الحادث ؟
طيب ليه انا ما متّ معاها ؟ 
معقول بلقى غيرها ؟
كيف بتخطاها ؟
و غيرها من الاسئله الصعبه و الي اجاباتها مجهوله و مبهمه بالنسبه له
نام على رجل امه و هو يفكر
حنان تنهدت و قالت : الله يصلح حالك يا ولدي مرت ثلاثه شهور و للحين ما تقبلت وفاتها ؟ يارب هوّن عليه و على قلبه
طلعت من الغرفه و طفت الاضائه و قفلت الباب بهدوء
الساعه 3:00 الفجر
قام المعيوف و توضا و صلى العشا بعدها صلى الوتر و قعد يبكي و يدعي لها بأنهيار
المعيوف : يارب ارحمها و دخلها جنتك من غير حساب ولا سابق عذاب و خفف حزني و همومي يا الله ! يارب انا اعرف انك سميع و عليم يارب اسمع همي و امسح على قلبي ، يارب انفض الضيق من صدري لاني تعبت يا الله انت ادرى قد ايش تعبت بدونها ! مرت ثلاثه شهور و انا باقي بنفس مكاني من اول يوم ! يارب انك ترحمها و ترحمني ، يارب بس ابغاها تزورني بحلمي بس ابغى احضنها و اشم ريحتها حتى لو حلم ! يارب ساعدني يا الله !
بكى بقوه و هو فعلا تعب يتمنى بس يلمح طيفها ! وصل لمرحله اشترى نفس عطرها و يعطر مخدته بالعطر عشان يحس انها معاه
بكى و بكى لين رجع نام و هو يشاهق بألم يحس حلقه يعوره من قوه الغصه
كان فعلا منهار و يحتاج احد يسنده شخص غير ياسر ! خلاص حفظ كلام ياسر و اهله
فتح جواله و دق على جمال
المعيوف بغصه : جيجي احتاجك
جمال : بسم الله عليك معيوفي فيك شي ؟
المعيوف بسخريه : نفس الموضوع
جمال : لا تستخف بزعلك ! ترا بالنهايه كانت حبيبتك اكيد بتزعل و ما تتخطاها بسرعه
المعيوف : تعال خذني
جمال : من عيوني
فعلا جا و أخذه و راحو مكان فاضي مافيه اي مخلوق
جمال : تكلم اصرخ قول اي شي بس لا تسكت
المعيوف صرخ بقهر : ليه مو راضيه تطلعين منيي!! صرت مريض بسببك !! ليه ما تجين عندي ! حتى خيالك و طيفك ما يبغوني !!! نياري ليه احسك مو ميته ! نيار تعبت تعبت من البكى عيوني تنفخت و هالاتي كثرت صرت زي المدمنين ! نيار انا تعبان بدونك ! تعبت ياسر و نواف و صالح و جيجي كلهم تعبو معي صرت استحي اكلمهم حتى ! تعبت امي و عزام و مروى كلهم تعبو مني ! ليه احس قلبي بيطلع من مكانه ! لييييه لييييه !!!! اعرف انه قضاء الله و قدره بس مو قادر مو قادر اكمل بدونك بدون صوتك و كلامك بدون عبطك و استهبالك !! لييييه اخذتي روحي معك ؟ رجعي لي روحي يا روحي!!!
جلس على الارض بعد ما غلبته دموعه للمره الالف !
المعيوف بدموع : كم مره بكيييت كم ؟ اهخ اشوف كل واحد محاوط حبيبته و اتمناك معي يا حبيبتي انتي ! معقول ما استاهل هذا الشي البسيط ؟ وحشتيني والله العظيم اني احبك اكثر من نفسيي يا عيوني! تدرين ان حتى ضحكتي معك كانت غييير ؟ تدرين انك أجمل بنت شفتها ؟ كنت اتمنى اقول الكلام ذا قدامك عشان اشوف خجلك و خدودك الحمرا و ابوسهم و تقولين لي عبود ! بس للاسف رحتي قبل نعيش اللحظات الي تخيلتها
أنهى كلامه بابتسامه حزينه مع دموع
جمال حضنه بقوه و هو حزييين على حال صديق طفولته ! خلاه يبكي بحضنه لين هدأ
جمال بمزح : تبغى تبوس خدودها اجل ؟
المعيوف بخجل : جمال كل تراب !
جمال : اييييه هذا معيوفيي ، بعدين وش الي تعبتنا ؟ تعبك راحه يا حبيبي انت خوينا بالاصح اخونا
المعيوف اكتفى بأنه يشد على حضنه
جمال : يلا يلا نروح لياسر ينتظرنا بالاستراحة من اول
المعيوف : يلا بس ابغى مويا اغسل وجهي
أعطاه مويا غسل وجهه و طلعو السياره متوجهين للاستراحة
قعدو يلعبون فيفا و يفلونها كالعاده !
بس ذي المره المعيوف بدأ يتفاعل معاهم! حل جيجي فاده شوي على الاقل احسن من الكتمان 😕
_________________________________________
قام اليوم الثاني
المعيوف : يووووه نمت بالاستراحه؟ ما حسيت
قام صلى صلواته و طبعا قعد يدعي لها من كل قلببببه و بكل حب
قام سوا قهوته و حس لازم يفطر ف سوا له ساندوتش خفيف و اكله بعد القهوه و قعد على جواله 3 ساعات
حس بالطفش و هو يلفلف التيك توك الي كله تصاميم له و للاعبين
المعيوف بتذمر: وش الملل ذا ؟
قرر يسوي شي مع انه يعرف ان جوالها ضاع مع الحادث بس قرر يدق عليها ايه بيدق على نيار اكيد ما بترد بس ليه ما يجرب ؟
دق عليها
My beautiful wife 💍💙
بس الغريب انها ردت !!
نيار : الو ؟
_________________________________________
كيف بس القفله ؟
حدث غير مخطط بس حسيته بيكون رهييييب !
البارت كله مشاعر شغلت اغنيه ما بلاش حق حماقي و شغلت كل الاغاني الحزينه عشان اتأثر و اكتبه كويس 😭😭
اكتبو ارائكم و اقتراحاتكم في الكومنت عشان نتناقش فيها
ما ذكرت سعود كثير عشان ما اغثكم هههههههههههه
تجاهلوا الأخطاء الإملائية