طلعو من المستشفى بكل سعاده
تبدل قلقه عليها لسعاده خياليه
نيار تثاوبت و قالت : جاني نوم
المعيوف بضحكه : نامي و بكره نعلم اهلنا
نيار مدت له جوالها و قالت : خذ علم صحباتي في القروب و قولهم لا يعلمون احد لين اعلم اهلي
المعيوف اخذ جوالها و قال: كتبت بناات انا حامل !!! لا تعلمون احد باقي ما علمت اهلي
نيار بضحكه : يمه تعرف اسلوبي !!
المعيوف : حافظظظك
نيار : خلاص اص بنام
المعيوف : حتى في السياره !
نيار بتذمر : قلنا اص
عند رهى و ياسر
رهى : ما كاننا طولنا على ما نوصل ؟ وين موديني انت ههههههه
ياسر : اصبري ياخي بتخربين المفاجأه
رهى : وش اسوي انا فضوليه طيب هههههههه
ياسر : باقي 10 دقايق بس
رهى : اشوا
بعد 10 دقايق اخيرًا وصلو للمكان المطلوب
نزلو من السياره
ياسر قرب لرهى و مسك يدها و شابكها ف يده لاول مره يمسك يدها كذا
رهى حست بتوتر و رعشه من الخجل ! مو متعوده على التواصل الجسدي ابدًا ولا تفضله بس ما تعرف ليش ما تتضايق من لمسات ياسر ابدًا
ابتسمت بحب و قامت تجري و هي تسحبه و قالت : يلا متحمسه اشوف المفاجأه
ياسر ضحك عليها و قال : متاكد بتعجبك
فجأه وقفت بمكانها لما شافت دباب و خوذتين و مضمار
رهى بحماس : كيف عرفت اني احب السباقات !!!
ياسر : اعرف كل شي يخصك
رهى حضنته بحماس و قالت : يلاااا بسرعه متحمسه
ياسر ضحك و قال: يلا البسي الخوذه تعالي وراي
لبس خوذته و طلع الدباب و هي نفس الشي
رهى حضنته من ورا بخفه
ياسر : امسكيني زين
رهى : معليك ماسكه
ياسر زاد السرعه عشان تشد على حضنه
رهى حضنته بقوه و قالت : حممااااسس
بعد ما خلصو جولاتهم بالدباب
رهى حضنته و قالت : شكرًا ياسر ! مرا فرحتني
ياسر : باس راسها و قال انا دايمًا موجود عشانك يا حُبي
رهى ركضت للسياره بخجل
ياسر ضحك و قال : ابغى اعرف لين متى بتهربين ؟
في السياره
ياسر : ترا ما خلصنا باقي مكان
رهى : وين بنروح كمان ؟
ياسر : شوفو هذا المكان نقدر نلغيه يعني براحتك بس ودي اعرفك على زوجه المعيوف او بالاصح اكثر وحده اعاندها و اكثر وحده ساعدتني اعترف لك هههههههههههههه
رهى : مو منجدك اكييد مستحيل الغيه و ابغى اتعرف عليها !!
ياسر : متاكد بتحبينها
رهى : وش اسمها ؟
ياسر : نيار
رهى : اعرفها قد كلمتني عنها ابرار
ياسر : كويس اجل
ياسر دق على المعيوف و قال : معيوفي
المعيوف بسعاده : هلا يسور
ياسر بضحكه: جايك بعد ساعه انا و زوجتي خل النوامه الي عندك تقوم تتجهز
المعيوف : حياكم البيت بيتكم
ياسر : يلا سلام
المعيوف : سلام
رهى شغلت اغنيه قلب خواف
و بدات تغني و تناظر ياسر لما جا بارت :
بالله قلّي وش حياتي بدونك
ياوين ابلقى من يشابهْك الأوصاف
جيتك مقيّدني هواي لسجونك
إحبسني بين ألفك وحنّية الكاف
وصلو بيت المعيوف
نزلو و رهى مسكت يد ياسر و شدت عليها بتوتر اما ياسر ف ابتسم لها بلطف و قال : شدعوه متوتره ! اعرفها ذي بتدق الميانه من اول دقيقه ههههههههه
رهى : برضو يوتر !
ياسر ضحك و قال : معليك ثقي فيني
دق الباب بهدوء و فتح لهم المعيوف بابتسامه و قال : حي الله ام غرسان
رهى : الله يحييك
ياسر بضحكه : افا تجحد ابو غرسان !
المعيوف : لا شدعوه ! انا اجحد يسور !
دخلو و نيار جالسه على الكنبه
قامت سلمت على رهى و قالت : اوب اوب والله تعرف تختار يا ابو شوشه !!
ياسر بتذمر : ياخي احترمي اني مع زوجتي طيب ههههههههه
نيار : لا زوجتك بتتعود على مزحي ، عاد الله يعينك علي يا عمري انتي
رهى : لا دامك تجلدينهم ف تعجبينيي 👌🏻
نيار : كفو عليك تعالي عندي و امشي نترك السلق ذول ههههههه
ياسر : لا اله الا الله ! توك متوتره والحين جحدتيني !
المعيوف : صدمتني صراحه هههههههه
رهى : ايه وش اخبارك وش علومك ؟
نيار : والله توي عرفت اني حامل و مو قادره استوعب من الفرحه
رهى : الله ! كيوووت
ياسر بصدمه : حامل ؟ من متى !! ليش ما علمتوني يا كلاب !
المعيوف : تونا جايين من المستشفى
ياسر : بصير عم يعني ؟ مو مصدق ! مبرووك
نيار : تأثر اكثر مني الحساس ذا ههههههههههه
رهى : شدعوه كيوت والله
نيار : توك جاحدته مسرع غيرتي رأيك هههههههههههه
ياسر : الحب الحب هههههههههه
نيار : تنزلي فيفا ؟ من زمان ما جلدتك
ياسر : تم ، نلعب فريقين كل واحد مع زوجته
نيار : تمممم
رهى : انا مدريد
ياسر : لا برشلونه
نيار : لا انا ابغى مدريد
المعيوف : مستحيل العب بمدريد !
رهى : خلاص نلعب الدوري الانجليزي
ياسر : السيتي اكييد
نيار : الارسنال و اتحداكم تفوزون !
رهى : نشوف مين يفوز بس
المعيوف : شادينها ذولي ههههههه
ياسر : ايه صح بتروح الاتحاد ؟
المعيوف : للاسف ايه
ياسر : قلت ل جمال ؟
المعيوف : ايه مرا زعل بس بالنهايه قام يحفزني قلك هههههههه
ياسر : جمال ياخي هههههههههه
نيار : اقول يلا بنبدا ترا
بدا القيم الي كله حماس و هياط من الطرفين
كل واحد واثق بلعبه و بفريقه
رهى : هددددددددف !! يابو ثلاثه يابو ثلاثه سرى الليل يابو ثلاثه !
نيار : وجع وجع اخر الدقايق !! ياكرهيييي
المعيوف : مبروكين والله
ياسر : الله يبارك فيك
رهى : هاردلك حبيبتي تتخطين ان شاء الله
نيار : بموت ضحك اوف تعبت ههههههههههههه
المعيوف : الله يهديك قايل لك انتي حامل لا تشدين اعصابك ما تفهمين
نيار : ترا حامل مو معناته اوقف حياتي اهدا ههههههه
رهى : علمتو اهلكم ؟
نيار : لا بكرا ، بس محتاره كيف اعلمهم
رهى : احس كلميهم يجون بيتك و يجيبي كيكه مكتوب عليها : رحبو بالفرد الجديد للعائله و خذي صوره السونار و لصقيها في كرتون الكيكه من جوا
نيار : احبببك !!! وفرتي علي وقت التفكير 🫡🫡
ياسر : شوفو !! مطر
رهى مسكت يد ياسر و قالت : الله ! تعالو نطلع
طلعو للحوش
دعو ربهم بكل شي يتمنونه بعدها بدو يلعبون تحت المطر
رهى فتحت الباب و طلعت للشارع و صارت تجري في المطر و ياسر يناظرها وهو مستلطفها
اما نيار كانت بتلحقها بس وقفتها يد المعيوف الي قال : ما يصلح تجرين توك بالشهر الثاني
نيار بابتسامه : عشاني مروقه ما بهاوشك
صارت تدور تحت المطر و انظار المعيوف ما فارقتها ولو لحظه
كان خايف يصير لها شي بالذات انها حامل !
و خوفه عليها شي طبيعي خصوصًا انه يخاف عليها من قبل الحمل حتى ، بس ما كان وده يضغط عليها او يحسسها انه مهتم لطفلهم الي في بطنها اكثر من اهتمامه لها
ياسر ضحك و قال بصوت عالي : تعالي بتمرضين !
رهى : مين يمرض من المطر!
ياسر ركض لها و سحبها من خصرها له و همس فاذنها: ما احب اخرب عليك بس اخذتك من ابوك كويسه ما ودي ارجعك تعبانه ! وش رايك نرجع البيت خلاص ؟
رهى برضا : اوكيه يلا يا عُمري
ياسر بفهاوه : عُمري ! اول مره تقولين لي عُمري !!!
رهى بخجل : بتسمعها كثير بس انتظر شوي ... كل شي بوقته حلو
ياسر ضحك بسعاده و صار يدندن بارت من اغنيه لمحمد عبده : نشوتك تلعب معَ قطر المطر . . و انتشى قطره معك
و السحاب يطاردك بين الشجر خالق الزين ابدعك . .
الندى في وجنتك . . صار عطر بلمستك . .
و الهوى! غنى طرب تستثيره لمستك . .
كل ما ضمت عيوني منك طيف . . يا بعد كل الطيوف!
قلت ما مثلك على الدنيا وصيف . لا حشى مالك وصوف .
بعد قطرات المطر الي غطت قزاز السيارة قرر ياسر يستغل الفرصه و يرسم على القزاز
رسم قلب كبير عند شباك رهى و راح للقزازه الاماميه للسياره و كتب اجمل من الحلم و ابعاد التمني
و طلع باقه ورد باللون الوردي و اعطاها لرهى و قال : بتسألين وش المناسبه ؟ بقولك من الحين مافي مناسبه بس خطر على بالي اعطيك شي يخلي اليوم ذا يعلق ببالك
رهى : ياسر !!! احبك طييييب
_____________________________
نزلت لكم بارت تحت الضغوطات اتمنى عجبكم بس
و للاسف البارت الجاي بيكون في الاجازه 🫣
عاد اختبارات نهائيه ما ضنتي احد فاضي يقرأ اصلا
أنت تقرأ
Obsession - هوس
Mystery / Thrillerعندما وصلني خبر وفاتك لم استطيع ايقاف دمعي و لازلت اتساءل هل هذا هو الحب ؟ هل ان خبر وفاتها يهز كياني و يبكيني انا الذي لا يبكي ؟
