Obsession - هوس

Chapter 18

اليوم الثاني
الساعه 3:00 العصر تحديدا في مطار اليونان
المعيوف قرر يكلم نيار عن المجهول ذا عشان اذا رسل شي من جديد تكون عارفه
المعيوف : نيار
نيار : هلا
المعيوف : بعلمك شي بس لا تخافين تمام ؟ انا بعلمك عشان نلقى حل
نيار بقلق : تمام
المعيوف وراها كل الرسايل من اول رساله الي هي صوره نيار و المندوب لاخر رساله
نيار بصدمه : واه ! وش يبي ذا !!!! سايكو
المعيوف : تحسين اكلم ياسر ولا بخرب فرحته اذا كلمته ؟
نيار : استنى لين المجهول ذا يرسل شي من جديد بعدها انا بطلع مين هو معليك !
سكتت شوي بعدها نطقت بعصبيه خفيفه : بعدين انا عميله استخباراتيه و ما تعلمني من اول ليش ؟
المعيوف : ما حبيت اخرب اجازتك 🫣
نيار : معليك ما بتخرب بعدين اذا خربت ؟ عادي ترا الي يهمني وجودك جنبي و حولي مو المكان يا حبيبي
المعيوف اكتفى بانه يبوس راسها
_________________________________
في الجهه الثانيه و تحديدا عند ياسر
قام من النوم بروقان
نزل يفطر مع اهله
ياسر بهدوء : كلمت ابو رهى
هيام : وش قال ؟
ياسر : نروح لهم اليوم بعد المغرب
هيام بابتسامه : عشان كذا مروق ها ؟
ياسر بابتسامه : اييييه ما صدقت انه وافق
غرسان : اثقل اثقل ، خلك ثقيل زي ابوك
هيام بضحكه : ثقيل اجل هههههههههه
غرسان : لا تفضحينا قدام العيال
عبدالرحمن : من زمان مفضوح يا ابوي هههههههه
ملاذ و هي نازله من الدرج : خير تضحكون بدوني ! خيانه
ياسر : اووه ملوذه ! ما عندك مدرسه انتي ؟
ملاذ : يع يع لا تقول ملوذه ! شوهت الاسم ! و الا عندي مدرسه بس قررت اغيب
ياسر : احمدي ربك ادلعك و اقول ملوذه
ملاذ : ما اقول الا الله يعين رهى عليك !
ياسر : متوقعه اعاملها كذا ههههههههه
ملاذ شهقت بحزن مصطنع و قالت : و يعترف قدامي كمان ! ملعوون
ياسر : احترمي الي اكبر منك يا بزر
هيام بضحكه : خلااااصصص افطرو و انتو ساكتين
ياسر : طيب خليها تحترم نفسها 🤨
ملاذ : يعوووه
عبدالرحمن بضحكه : ذولي مين حسدهم ؟ فجأه صارو اعداء
ياسر بضحكه : شدعووه نمزح مع بعض صح ملاذي ؟
ملاذ : صححح
_________________________________
في جهه مختلفه من الرياض
جهه من زمان ما تكلمنا عنها
بدر : يا ولد خلاص انساها ! تراك مسجون و هي مع زوجها بشهر العسل
سعود : تحسب اني تاركهم بحالهم ؟ ههههههه يحلمووون
بدر بغضب : وش سويت بعد !
سعود : بعدين تعرف
بدر : ليه مو الحين ؟
سعود : كل شي بوقته حلو
بدر تنهد و قال : صاير تخوف ! ما عادك سعود الي اعرفه
سعود بهمس : احبها طيب ! مو قادر اتقبل انها مع غيري
بدر بحزن : بس هي ما تحبك ! استوعب
سعود : بدر اص اص ! الا تحبني غصب عنها !
بدر همس لنفسه : انجن ذا
اما سعود قام للحمام و معاه جواله الي دخله للسجن بالتهريب
سعود : سويت الي قلت لك عليه ؟
المجهول : ايه طال عمرك
سعود : ممتاز ، بعد ساعه دق عليها و علمها
المجهول : ابشر
سعود : يلا بيننا تواصل
قفل المكالمه بروقان و لا كانه سوا شي بيدمر حياه اشخاص بريئين و مالهم اي علاقه فيه !
_________________________________
عند رهى
كانت بالجامعه و لاحظت ان امها تأخرت !
ابرار : تعالي انا ارجعك طيب دام امك قالت بتجي 3 و للحين ما جت
رهى : قالت عندها موضوع مهم ! و مو من عادتها تتأخر !
ابرار : ايه استغربت كل ما تقول بتجيك هي تروحين بدري الا اليوم ، المهم تعالي معي خلصيني
رهى : تمام
طلعو سياره ابرار
و بعد كم دقيقه قاطع سوالفهم رنين جوال رهى
شافت الرقم غريب
ردت باستغراب و قالت : هلا مين ؟
المجهول : امك سوت حادث في طريق ***** و ما قدرنا نسعفها عظم الله اجرك ، تعالي مستشفى *******
رهى بانهيار : اي ايش ؟ ايش تقول انت !!!!
المجهول قال : عظم الله اجرك
و قفل المكالمه
" Flash back one hour ago "
ام رهى كانت في طريقها لجامعه رهى
كانت تمشي بالسرعه القانونيه و رابطه حزام الامان بس فجأه طلعت سياره من الجنب و صدمت سيارتها بقوه جنونيه
نزل المجهول من السياره و قعد عندها لين تأكد انها ماتت اخذها لين عند المستشفى
رماها عند الطوارئ و هرب
و بعد كل ذا دق على رهى و علمها بكل قساوه قلب !
" end of flash back "
رهى بانهيار : ابرار روحي مستشفى *******
ابرار : طيب طيب بس اهدي و علميني السالفه
رهى ببكى هستيري : ماما ماما ماتت ماتت !!!
ابرار شهقت بصدمه و راحت للمستشفى بسرعه
في المستشفى
علموهم انها فعلا ماتت و انهم سو الي عليهم بس هذا قضاء الله و قدره و ما الى ذلك
بينما رهى منهاره و ابرار تواسيها
رهى تذكرت ابوها ! بكت زياده و قالت : ابوي ، ابوي كيف بعلمه !!!
ابرار حضنتها بقوه و قالت : دقي عليه و انا بكلمه
رهى اعطتها جوالها و يدينها ترجف من البكا و قالت : خذي ، تعرفين الباس
ابرار اخذت جوالها و فتحته و دقت على ابوها
علي بضحكه : هلا يا بنتي ، امك علمتك السالفه ؟
ابرار تنهدت بضيق و قالت : يا عم انا ابرار عرفتني ؟
علي : هلا يا بنتي ايه عرفتك ! بس وين رهى ؟
ابرار : يا عم صراحه ما اعرف ايش اقول بس عظم الله اجرك في زوجتك .
علي : ابرار مو وقت مزح يا بنتي
ابرار بدموع : يا عم والله ما امزح !
علي بصوت مهزوز من الغصه : وينكم انتو ؟ رهى وين ؟
ابرار : بمستشفى *******
علي : جايكم
راح لسيارته بسرعه و توجه للمستشفى مو ملاحظ الي كان يراقبه و الابتسامه مرسومه على وجهه !
___________________________________________
عند المعيوف و نيار
المجهول : اهلا معيوفي ! ما وحشتك !
المجهول : اعترف انك وحشتني كثيييييير (:
Sent a photo
المجهول : كيف المفاجأه بالله ؟
المجهول : قلت لك حذر خويك لكن ما فهمت !
المعيوف فتح جواله قبل رحلتهم بدقايق
شاف الرسايل و الصوره الي كانت عباره عن صوره رهى تبكي و ابرار تواسيها و مكتوب عليها : We finished the mother death🫡
"انتهينا من وفاه الام 🫡"
المعيوف لف الجوال على نيار و قال بخوف : لازم نتصرف
نيار : الغي الرحله و خليها على الرياض باسرع وقت
المعيوف : تمام
فعلا الغى الرحله و مالقى رحله للرياض الا الفجر
نيار : دق على فيصل سريع
فعلا دق على فيصل الي رد بسرعه و قال : انت مو في شهر العسل  الحين ؟ وش عندك داق !
نيار بجديه : فيصل اسمعني
فيصل : وش صار! صوتك ما يبشر بالخير
نيار برسل لك محادثات تهديد تجي على جوال المعيوف من فتره و بدا المجهول ينفذ تهديداته !
فيصل : تمام ارسلي سريع
ارسلت له كل المحادثات الموجوده
فيصل : واضح انه ذكي و ما ترك اي اثر وراه ! و واضح اننا بنتعب كثيييير
المعيوف : اهم شي عندي ما يأذي ياسر !
نيار : الملعون ذكييي ! مو قاعد يأذي ياسر بشكل مباشر ! لكنه قاعد يأذي الي يحبهم بدون ما ينقفط !!! لازم نلقاه بسرعه قبل يكمل الي فراسه !
فيصل تنهد بتعب و قال : واضح بتكون قضيه طوييييله و متعبه
_________________________________
هاي
نقدر نقول الشغف بدا يرجع
جتني كورونا و بما اني محجوره لوحدي قررت اكتب لكم بارت ممتع
استمتعت و انا اكتبه احس مرا اكشششن
تتوقعون وش بيصير في الايام الجايه ؟
احتاج ارائكم و افكاركم عشان يزيد حماسي 🫡