هربت منه لسيارتها بخجل
سندت راسها على الدركسون بخجل و هي مو مصدقه مفضلها اعترف لها ! تحسه حلم !
فتحت الاغاني و شغلت : أجمل احساس
و بدت تغني معها بحماس و هي متوجهه لبيتها
اما ياسر كان واقف في مكانه بابتسامه غبيه على وجهه
قعد بنفس الوضعيه لمده دقيقه كامله يستوعب انه اعترف لها و انها وافقت عليه ! معقول هو و حبيبته يجتمعون ؟ طيب كل العقبات الي تخيلها ؟ كل شي في خياله تلاشى و بدأ يفكر متى يخطبها ؟ متى بتصير حليلته ؟ يلبس ثوب من عنده و لا يجيب ثوب جديد ؟
هذي كل الافكار الي جت بباله
ابتسم بحب لمجرد تفكيره انها بتكون بين احضانه
عض شفته بحماس و طلع سيارته متوجهه لبيت المعيوف !
ياسر لنفسه : صح تزوج بس بالنهايه لازم اعلمهم ما اقدر اتحمل !!!!
دق على جمال و قال : ولد ولد
جمال : هلا وش مسوي ! ما تدق علي انت
ياسر بتذمر : يليل ! هذا و انا بعلمك اول واحد ! ما تستاهل والله
جمال : امزح امزح ! بسرعه قول وش عندك
ياسر : اعترفت لها
جمال بحماس : تمزح !
ياسر : لا والله ! و قالت خذ رقم اهلي من ابرار و سالتها موافقه قالت ايوا !!!!!
جمال : امشي نروح للمعيوف بسرعه
ياسر : انا رايح له اصلا يلا سلام نتقابل هناك
ياسر دق على المعيوف و قال بسرعه : انا في الطريق عندي سالفه قويه
المعيوف باستغراب : تمام حياك
قفل منه
بعد 10 دقايق وصل هو و جمال بنفس الوقت
ياسر : انا بقول يويلك تتكلم !
جمال : طيب طيب ههههههههه
دق الجرس و قام المعيوف فتح لهم
دخلو للصاله و جلسو كلهم يناظرون ياسر ينتظرون سالفته القويه
نيار : اخلص وترتني !
ياسر عدل جلسته و قال : اليوم رحت اوصل ابرار للجامعه
نيار بتذمر : ايوا ؟ اخلص
ياسر بحماس : اص بعلمكم بالتفاصيل طيب !
نيار : طيب خلصنا يا ابو تفاصيل
ياسر : بعدها ( قال لهم كل الي صار )
نيار صرخت بحماس : امممممااااا
ياسر : والله
نيار : حمااااااسسسس ! وربي مرا يفررح
المعيوف : مبروك مبروك يا ابو غرسان
ياسر : الله يبارك فيك يا حبيبي
جمال : يلا عقبال نشوف برهومي و غرساني يلعبون هنا
نيار : ياخي اركد شوي ! تونا صغار
المعيوف بضحكه : عمري 36 اذا ناسيه
نيار : لا تسوي فيها شايب ههههههههه
ياسر بفضول : تحسون اروح لهم و لا ادق بالجوال ؟
نيار : بالجوال اكيد !
ياسر : اجل بروح هههههههه
نيار : تدور حرش انت ؟
ياسر : كويس فهمتي
قاطعهم اشعار من جوال المعيوف
المجهول : قول لياسر لا يفرح كثير ! عشان ما يحزن اكثر
المعيوف للمجهول : مين انت ؟ و وش تبغى مننا !!!
المجهول : عطيتك تحذير بسيط و انت بكيفك 😇
المعيوف : طيب وش الي بيزعله ؟
المجهول : ما يخصني 🙃
المجهول : وظيفتي بس احذرك و انت بكيفك 😘
المعيوف : حقيييير !
المجهول : توء توء توء السب مو من صالحك معيوفي 🤣🤣
المعيوف قفل جواله بغضب و قرر يطلعه من تحت الارض ! بس مو الحين بعد شهر العسل يقدر يركز معه
قعد يسولف معهم طبيعي و هو يتجاهل رغبته في ضرب المجهول الي يكلمه !
الساعه 12:00
ياسر و جمال رجعو بيوتهم اما المعيوف و نيار جهزو شنطهم لرحله شهر العسل
نيار : احس نسيت شي
المعيوف : مكياجك ؟
نيار : جبته
المعيوف : الاستشوار و فرش الشعر ؟
نيار : جبتهم
المعيوف : طيب وش باقي هههههههه
نيار : اوه تذكرت ! نسيت المناشف !
المعيوف : خلاص انا بجيبها لك
قام اخذ مناشفها و حطها بالشنطه و قفل الشنطه و نامو
اليوم الثاني
الساعه 10:40 الصباح
نيار : معيوفي
نيار : قوم
المعيوف : خليني انام
نيار باست انفه و قالت : يلا قوم الساعه صارت 11
المعيوف حضنها من خصرها و قال : خلينا ننام شوي
نيار و هي تحاول تقوم : خلاص انت نام و انا بقوم
المعيوف و هن مغمض عيونه : نامي بحضني لا تتحركين
نزلت راسها على حضنه بهدوء و غمضت عيونها و نامت
الساعه 1:30 الظهر
قامت نيار من صوت رنين جوالها
اخذت الجوال و شافت الساعه
شهقت و قالت : عبود قوم ! الساعه 1:30 !
المعيوف قام و هم يتثاوب و قال : احلا نومه
نيار : ميان تدق غريبه !
ردت و قالت : هلا
ميان بشهقات : نيار عادي تجين ؟
نيار : بنت اشبك ؟ في شي ؟
ميان : جدتي ماتت يا نيار ! هي اهلي ! مالي غيرها يا نيار
نيار : دقايق و انا عندك
ميان ببكاء: تمام
نيار قفلت و لفت على المعيوف و قالت : عبود قوم البس بسرعه
المعيوف : وش صاير ؟
نيار : اعلمك بالسياره
قامت غسلت وجهها و اسنانها بسرعه و لبست اقرب لبست شافته
لبسها :
أنت تقرأ
Obsession - هوس
Mystery / Thrillerعندما وصلني خبر وفاتك لم استطيع ايقاف دمعي و لازلت اتساءل هل هذا هو الحب ؟ هل ان خبر وفاتها يهز كياني و يبكيني انا الذي لا يبكي ؟
