تزوجت منقذي _ باللهجة الجزائرية _

بارت 1

يعني مالغري مطلعتوش الاعلان لي فات 😔 بصح قلت معليش نحطلكم على الاقل البارت الاول

                       ●●●  البداية ●●●

فواحد الدار .... فيلا كبيرة جاية وسط فيلات واحد اخرين فحي راقي

.........

بتول : ايييية بلاكي طيحي ..... ارواحي هنا
اية : ماما
بتول : ياك قتلك متروحيش تجري فالدروج

شدتها من يدها و هي تسوطي و راحت للصالون

زهرة : يا يما يا يما على الشابة تاعي

جبدتها عندها تعنق و تبوس و اية تضحك

بتول : هبلتني ماني
زهرة : هكذا ديري لماماك يا الستوتة

و قاعدة تقرص فيها .... شوية و دخلت الخدامة عندهم

👩 : مدام بتول لالة جوزوا العشاء راهو وجد

دارتلها زهرة براسها ايه هي خرجت و هوما لحقوها دخلوا للصالون الاخر لي لي كانت فيه table a manger كبيرة على حساب العائلة .... الطابلة بدات تتعمر ... شدو بلايصهم و قعدو يستناو فالباقي يجيو ..... شوية و دخل واحد سلم عليهم قعد قدام اية هبط عندها باسها

شكيب : وش راهي بنتي
اية : ملييحة بابا
شكيب : يخليلي زين تاعي
بتول : لوكان جيت تدخل لدارك تعرف اذا بنتك مليحة ولا لالا وين كنت ملبارح
شكيب : بتول كانت عندي خدمة خدمة افهمي
بتول : اممم الله يبارك من وقتاش ولات تهمك الخدمة كامل هكا
شكيب : بتول ماشي وقتها الهدرة هادي

تلموا كامل .... شوية و سمعو كلمة السلام عليكم

قصي : السلام عليكم

ردو عليه السلام و هو شد بلاصتو و قعد

اسمهان : وليدي طولت
قصي : كان عندي شغل يما
اسمهان : اييه ..... و .... وعلاش مراكش جي للدار هاد اليامات يا وليدي
زهرة : اسمهان خلي الرجل مراهوش صغير
قصي : شكيب la réunion تاع لبارح ماشي كان لازم تكون فيها
شكيب : احممم .... ايه بصح فالحق ... كان عندي شغل و ....
قصي : مرانيش responsable على الغلطات تاعك فهمت خدمتك تخدمها سينون خلي بلاصتك للي يستاهلها

كان يهدر ببرود عكس لداخل تاعو هو لي كان مقلق و بزاف من الاستهتار تاع شكيب مالغري هو لي كبير فيهم بصح معلبالوش كامل بالحالة و كل مرة ببروبلام جديد .... شكيب لي سكت و بتول دارت عندو بلعقل

بتول : هادي هي لخدمة لي هدرت عليها

حفصة : مزال ما بان وقتاش يوليو جلال و جهاد
قصي : بلاك غدوة ان شاء الله
جنان : ان شاء الله

خليهم هوما يتعشاو و انا خليني نعرفكم باول الشخصيات

بطلنا قصي عندو 28 سنة ..... شوفو مراحش نوصفهولكم بزاف بارسكو راح تعرفوه مع الكرونيك .... هو انسان لي ميهدرش بزاف انسان لي شارب عقلو رزين صح منارفي بزاف بصح  قلبو كبير و بيض و لي يسحقو يكون معاه .... و اذا هدرت على الزين مدي حقو و بالزيادة

يماه اسمهان و باباه نبيل عندو زوج خاوة .... جيهان لي عندها 32 سنة و مزوجة و واحد صغير عليه مهدي 17 سنة ... مراحش نتعمق فالشخصيات بارسكو راح تتعرفو عليهم منبعد سينون بلاك نحطلكم بارت فيه تصاورهم

عمو لكبير جلال و مرتو حفصة عندهم
شكيب 34 سنة مزوج ببتول 28 سنة و عندهم اية 4 سنين
نهاد : 25 سنة
ميرال : 17 سنة

و عمتهم جنان 50 سنة تزوجت و طلقت وولات لدارهم و جدتهم زهرة
و هادي هي العائلة

...........

23:00 :

دخل للدار و كمل طالع فالدروج حتى حبسو صوت جداته

زهرة : قصي جيت

دار و تبسم

قصي : مزال محبستي عوايدك يا الحنينة تاعي

راح باسلها راسها و هي تبسمت ، هادي هي زهرة مترقدش حتى يكون دخلو كامل للدار

زهرة : ايه و حابني نرقد و ولادي برا

طبطبلها على ظهرها و تمشاو جهة الصالون وين راحو قعدو فالفوتاي

زهرة : كيفاش راهي تمشي الخدمة
قصي : سافا ... ديجا الصباح راني رايح .... كاين واحد الارض راح نروح نشوفها باش نشريوها باش نديرو فيها notre projet
زهرة : ربي يقدرك ..... روح ترقد وليدي ريح روحك

طلق روحو و رجع راسو للور مغمض عينيه

قصي : روحي نتي ماني انا نزيد شوية و نطلع
زهرة : اهاه وشبيك
قصي : والو عيان برك
زهرة : عييت ما نقولك يا وليدي دير عقلك و تزوج تلقى لي تريحك

فتح فيها عين

قصي : واش دخل المراة فالعيا ماني

قرصها من خدها

قصي : فقتلك حابة غير تجبدي سوجي تاع زواج
زهرة : علبالك بلي حابة نشوفك فرحان حابة نشوف ولادك ماشي خير لوكان دير دارك لي قدك فلافامي كامل تزوجو غير نتا
قصي : ساهل ساهل نشوفو فدوى
زهرة : يا خلااايا .... متقوليش يماك غسلتلك مخك
قصي : ياك حابتني نتزوج
زهرة : ماشي من هاديك بنت خالك ما فيها مايعجب اههه يا وليدي قعدت قعدت و جبتلك اسمهان و حابة تزوج دارهم كامل جابت بنت عمتها ( بتول ) لشكيب و هديك بنت صاحبتها لوليد صاحب باباك قعدت غير نتا
قصي : .... ماني نهار ندير حاجة في راسي مراح نستنى حتى واحد يوريهالي ..... تصبحي بخير
زهرة : و نتا بخير

و هكذا جازت الليلة و لحق صباح جديد