تزوجت منقذي _ باللهجة الجزائرية _

بارت 24

ملك : ليليان انا نهبط بابا راهو يعيط هداك هو
ليليان : لوكان غير تقعدي معايا
ملك : كاش مرة ... و نتي بلاكي على روحك متخمميش بزاف فلي صرا
ليليان : ايه نتوما تاني بلاكو على روحكم

هبطو لتحت و خرجو وين كان ابراهيم و معاه نبيل و جلال

ابراهيم : هيا بنتي نروحو
ملك : ايه بابا

دورت راسها للبنادم لي خرج و كان رايح للطونوبيل

ملك : بسسس شكون هدا
ليليان : وقيلا صاحب قصي ... اممم اسمو امجد
ملك : يا ختي كاين الزين كاين الزين
ليليان : اههه يا الستوتة

.....

ضحكت ملك موراها راحو و هكذا جازت العشية هديك .... لحق الليل و ليليان كانت فالبالكون قاعدة كي العادة باش تحكم الانترنيت ..... راحت طل وقت سمعت الحس لتحت فالجنينة .... لقاتهم ملمومين لين فدوى نهاد ميرال بتول قصي مهدي و شكيب

ليليان : شو كيفاش راهي لاسقة فيه .... واش دخلني فيهم ... ماشي هادي لي هبلو باش يزوجوهالو .... اصلا يتوالمو

رجعت قعدت وين كانت و هي مربعة يديها .... حتى دخلت عندها

زهرة : واش راكي ديري هنا وحدك
ليليان : اههه ماني .... والو كنت نكونكتي برك
زهرة : اهبطي قعدي معاهم راهم كامل ساهرين لتحت

قعدت قدامها

ليليان : مرانيش حابة راني مليحة كيما راني
زهرة : واش كاين بينك و بين قصي عندكم شحال و نتوما متزاعفين متقوليش مروماركيتش
ليليان : .... اههه ماني اههه ..... بسبة يماه .... يعني هي لي جات تتبلى فيا ماني ياك من نهار جيت لهنا و هي كل يوم ترميلي كلمة و هكاك نسكت بصح هداك النهار مكنتش مليحة و هي عايرتني و عايرت دارنا ايماجين قالتلي نمدلك دراهم روحي برك خطي وليدي .... و انا محسيتش كيفاش حتى قلتلها هكاك الهدرة لي جات على لساني خرجتها و هو سمعني ... و ضاربنا
زهرة : اممم فهمت ..... و لوقتاش حابين تقعدو هكا .... يعني مزوجين و ماشي مزوجين مفهمتش واش صرا باش تزوجتو ...
ليليان : سترني ... بارسكو كانوا خرجو عليا هدرة بلي هربت معاه و انا فالحق .... هداك النهار كنت طحت و هو داني للسبيطار و بتنا تما هداك النهار لمهم سيرتي ولات على كل لسان و هو ستر الفضيحة لي صرات .... صدقيني ماني مكنتش حابة يتزوجني بصح ... المكتوب قال حاجة واحد اخرى
زهرة : يعني راح جوزوا حياتكم هكا .... مام نتوما عندكم الحق تعيشو حياتكم و ديرو داركم ديرو ولادكم وعلاش عليكم ... هادي معيشة دوكا
ليليان : .... عندك الحق ماني ..... يعني انا زيادة برك هنا
زهرة : مقصدتش هكا
ليليان : علبالي بصح قصي عاوني يكثر خيرو ملازمش نوقفلو فطريقو مام هو يستاهل غير الخير ...... لوكان ماشي انا بلاك لوكان راهو دوكا فرحان مع بنت خالو
زهرة : يعني نتي تفهمي بالمقلوب انا هدرتلك باش تسيو تسقمو حالكم و زواجكم
ليليان : ماني شوفيه شوفيه لتحت كيفاش راه .... شغل انا نهمو ولا دايرلي حساب باش يكمل حياتو معايا ....... سمحيلي كسرتلك راسك معايا
زهرة : هادي هدرة دوكا