جماعة قولولي واش رايكم نولي نحط الحلقات بكري كي نوجدهم ؟
قصي : نتي ....... واش جابك لهنا
فريال : يعني ما تعيط ما تسقسي و زيد متريبونديش عليا و تقولي واش جابك
قصي : روحي خطيني مرانيش فارغلك شغل
مع جا راح يدور شدتو
فريال : قصصصي
قصي : واش واش .... ياك حبسنا هدا شحال وعلاش مزالك ******
فريال : و انا راني نقولك خلينا نهدرو و نتفاهمو ، العشرة لي بيناتنا نسيتها بالخف
قصي : انا منتعاشرش سافا هكا .... و زيد تزوجت معلبالكش
فريال : وشمن زواج
قصي : وعلاش شحال تعرفي من زواج نتي
فريال : راني نهدر sérieusement
قصي : مام انا راني sérieux .... و مدابيك ما تزيدي تعيطيلي متزيدي تخليني نشوفك و نزيد نلقاك هنا رجليك نكسرهملك
دخل و خلاها تاكل فروحها .... هو مع هبط من الطونوبيل شافها خارجة
قصي : مولات دعوتي راكي هنا
ليليان : امممم
دخل راسو للطونوبيل جبد التليفون و دار لقاها مزالها واقفة
قصي : واش تسحقي
ليليان : .... شكون هاديك لي كانت معاك برا
قصي : و واش دخلك
ليليان : نسيت بلي انا مرتك راجلي العزيز لازم نسقسي عليك
قصي : راني نشوف فيك بديتي تدخلي فحكاية مرتي و راجلي صح اذا نسيتي نفكرك كيفاش كان زواجنا
ليليان : منسيتش ديجا وعلاش راك تهدر معايا هكا
قصي : شوفي ليليان مرانيش فقوسطويا روحي خطيني
ليليان : قتلك من قبل كي نسقسيك حاجة ريبونديلي كي الناس
مسح على وجهو و قاللها
قصي : ادخلي للداخل
ليليان : وعلاش ولا زعافك مع المدام حاب تخرجو فيا
قصي : وشمن مدام .... شوفي متزيديش تقلقيني و تسقسي حاجات متخصكش مرانيش حاب ندير لعياط قدام الدار على هادي روحي من قدامي
ليليان : ايه معليش
راحت و هي تخبط الارض برجليها .... راحت لشمبرتها و ديراكت لبونكها .... قعدت و ربعت يديها
ليليان : يعني انا واش هدرت واش قلت ... ما قلت والو .... سقسيت على واش شفت من البالكون برك .... ياخي مكلوب .... بصح يشوف ليليان واش ديرلو منزيدش نهدر معاه كامل
رجعت شعرها للور و ناضت
ليليان : انا نروح عند بتول خيرلي
هي مع خرجت شافت رقية رايحة بجهة شمبرة قصي
ليليان : رقية وين رايحة
رقية : اهه ليليان راح ندي الحوايج هدوما وصاني مسيو قصي ندخلهم لشمبرتو
ليليان : مدام ليليان
رقية : ههه وعلاش بيناتنا مدام راكي بنت خالي
ليليان : من قبل مكنتش و دوكا وليت المهم روحي كملي خدمتك
رقية : اممم
ليليان : وشنو اممم قولي ايه مدام ولا حابة نهدر مع مليكة
رقية : ... كيما تحبي مدام انا نروح ندخل الساشيات
أنت تقرأ
تزوجت منقذي _ باللهجة الجزائرية _
Romanceالكرونيك هادي تحكي على ليليان و قصي لي حتمت عليهم الظروف يتزوجوا مع عدة احداث و مشاكل فالكرو ملاحظة : الحكاية من وحي الخيال معندها حتى علاقة بالواقع و هي من تاليفي
