دارلو براسو لالا ... قصي لي تنهد و خرج .... ليليان لي غلقت الباب و دارت لادم
ليليان : وشبييك قوول
ادم : واث دلت ماما ( واش درت ماما )
شدتو و راحت للكوزينة
ملك : راح قصي
ليليان : اممم
ملك : سمعت صوتو حشمت نخرج و انا بالشورط
ليليان : ادم ماما
قعدت و هو وقف مقابلها
ليليان : عيب تهدر مع واحد كبير هكاك و سورتو اذا كان باباك
ادم : واث هدرت
ليليان : قاعد تهرب منو و تعيط هكاك و زيد شكون قالك باباك ميحبكش
ادم : بثح ملانيث حاب نثيد نلوح ثما حاب نكعد معاك ( بصح مرانيش حاب نزيد نروح تما حاب نقعد معاك )
ليليان : وعلاش ياك كنت فرحان تما و زيد بابا و جدة و كامل لي تما يحبوك
ادم : ميحبونيث
ليليان : يحبوك وعلاش راك تهدر هكا
رفدتو و جوزت يدها على شعرو
ليليان : كاش واحد هدر معاك ولا خوفك
دارلها ايه منبعد لالا براسو
ليليان : ادم الولاد الشاطرين ميخبيوش على ماماهم قولي واش صرا عمري
ادم : بثثح نخااف ثضربني و لا تكثعلي لثاني ( بصح نخاف تضربني ولا تقطعلي لساني )
ليليان : يخااه شكون هادي
ادم : منعلفهاث ( منعرفهاش )
ليليان : ادم راك تكذب
ادم : لالا ماما .... هي ملتو تاع قصي ( مرتو تاع قصي )
ليليان : فدوىىى ... واش قاتلك
ادم : كاتلي لووح منا و ... بابا ميحبنيث هو ثحح ميحبنيث ماما ياك
ليليان : لالا ادم يحبك
ملك : شفتي رخيسة
ليليان : خوفاتك بزااف عمري
ادم : اييه و ضلبتني
ليليان : ضربتك ؟؟
ادم : ايه ثبدثنيي هكااااا و دالتليي هكا
قعد سجبد فيها من وجهها كيما كانت ديرلو
ليليان : ملك بلاكي عليه
ملك : وين راكي رايحة
ناضت و راحت جبدت واحد جيلي و لبست بليغتها هكاك و جات خارجة
ملك : ليليان متهبليش وين راكي رايحة
ليليان : غدوة كي يولي عندك ولادك حلي فمك ... لي يمسلي ادم نقتلووو
غلقت الباب و خلات ملك تعيط و تندب
...........
ليليان : افتتتتتح الباب
👨 : منقدرش مدام استناي هنا نقول لمالين دار
ليليان : لوكان متفتحش نفتحلك راسك افتتتتح
هو لي رفد عيط دقيقة و كان فتحلها ..... دخلت للداخل رجل سابقة ختها مع لحقت للصالون لقاتهم قاعدين و فدوى معاهم تشرب فالقهوة
ليليان : مزية مزالك لهنا
هما لي مجاو يستوعبو كانت شدتها من شعرها
فدوى : اييي وشبيك هبلتي
ليليان : نوريلك كيفاش تضربي وليدي .... بهاد اليد ضربتيه ياك
لواتلها يدها و طاحت عليها تضرب خطرة جي فشعرها خطرة فظهرها خطرة تخبش فيها و حفصة و جنان لي قاعدين يسلكو بيناتهم .....
أنت تقرأ
تزوجت منقذي _ باللهجة الجزائرية _
Romantikالكرونيك هادي تحكي على ليليان و قصي لي حتمت عليهم الظروف يتزوجوا مع عدة احداث و مشاكل فالكرو ملاحظة : الحكاية من وحي الخيال معندها حتى علاقة بالواقع و هي من تاليفي
