قصي : تلاقيت بيه فالخدمة
ليليان : كنت نخدم عندكم و جبتو خطرة معايا
دار عندو و جوز يدو على شعرو .... رفدلو يدو صغيورة باسها ... و حط راسو عليها و هبطت دمعة على خدو ....... قعد هكاك قدامو حتى تفاطن ... غير حس بيه بدا ينوض تقعد .....
ادم : ماما
ليليان : عمري
هبطت عندو و رفدتو ، قعدت تمسحلو على شعرها
ادم : هدا عمو لي مدلي ثيكولة
ليليان : .... ايه
قصي : شفيت عليا
ادم : اييه ... معليث ثزيد ثمدلي من هديك ثيكولة بثاااف بنينة ( معليش تزيد تمدلي من هديك الشيكولة بزاف بنينة )
ليليان : ادم
ادم : ملاحس نثيد نمرض ماما
قصي لي راح عندو ، و دارلو بيدو لي كانت ترجف ارواح
ادم : نلووح ماما
دارتلو براسها ايه و هو سوكا عندو ، مع رفدو عنقو و قعد يبوس فيه .... خرج بيه للكولوار و هي لحقتو
ليليان : وين رايح بيه
قصي : راح نديه معايا
راحت غلقت الباب بالمفتاح و خبات المفتاح عندها
ليليان : حاب تديلي وليدي ... ادم يقعد معايا
قصي : بعدي من طريقي وين راح نديه راح نخرجو و لعشية نردو
ليليان : لالا
قصي : مرانيش نسقسي فيك فهمتي ماليوم كلش يتبدل ... صحتو برك تولي مليحة و نتلقاو فالمحكمة
ادم : واث معنثها محكمة
ليليان : مراحش ديرها .... مراحش تنحيلي وليدي
قصي : ايه ان شاء الله ... روحي جيبيلو الباسكات تاعو
ليليان : قصي
قصي : روحي جيبيها
جابتها و لبستهالو منبعد خزرت فيه
ليليان : راح ترجعو بلاك تعيش .... منقدرش نرقد با بيه ..... بلاك تعيش قصي ... متخليهش بعيد على يماه
قصي : هاا نتي كي بعدتيه على باباه نورمال
ليليان : قصي مدخلش هذا فهذا ... ادم انا لي ربيتوو تعبت عليه .... اييه غلطت علبالي بصح متقدرش تحرمني منو
هبط ادم فالارض و خزر فيها
قصي : كيما حرقتيلي قلبي راح نحرقلك قلبك متخافيش
دارتلو براسها لالا .... شدتو من يدو و كركرتو للكوزينة
ليليان : شوف شوف
فتحتلو الفريجيدار لي كان فارغ فيه حاجات خفاف
ليليان : ربع سنين كامل و حنا كثر من هكا ... عشانا و فطورنا كان الخبز يابس .... استنى
شدتو و داتو للشمبرة
ليليان : شووف
فتح الخزانة و وراتلو حوايج ادم لي كانوا يتحسبو على اليد
ليليان : وليدك فالبرد مكانش يلقى واش يلبس ... راك تشوف هاد الدار من تريسيتي و ما و كرا ان لي دبرت راسي بيهم .... شفت العيا تاع الوحم و الوجع تاع الولادة انا عشتهم وحدي مكان معايا حتى واحد انا لي كي مرض ادم سهرت معاه فالسبيطارات انا لي يماك خرجتني قتالة قدامكم و ربي شاهد مدرتلها والو و هكاك مامنتونيش انا لي ماما راحت و خلاتني كي كان عندي شهر و كي عرفو واحد منهم ما قبلني ولا حوس عليا ... علبالي غلطت بصح انا لي تعذبت و طحت و نضت على وليدي ... متبعدوش عليا تعييش
أنت تقرأ
تزوجت منقذي _ باللهجة الجزائرية _
Romanceالكرونيك هادي تحكي على ليليان و قصي لي حتمت عليهم الظروف يتزوجوا مع عدة احداث و مشاكل فالكرو ملاحظة : الحكاية من وحي الخيال معندها حتى علاقة بالواقع و هي من تاليفي
