تزوجت منقذي _ باللهجة الجزائرية _

بارت 25

الزينات هادو حلقات اليوم نحبكم طلعولي البارت راني طولتو اليوم و خليولي ارائكم فواش صرا قراءة ممتعة 💚💚💚

ميرال : بسم الله الرحمن الرحيم
فدوى : نسيييم
نسيم : هو بالذاات

ضحكو البنات و هو قعد وسطهم ..... نعرفكم بنسيم 26 سنة و هو وليد جنان اما شخصيتو راح تعرفوها منبعد

نهاد : واش فكرك بينا
نسيم : جيت نشوف يما و قلت نقعد يامات و نولي راكي تعرفي الشيخ ميحبش نبعدو علييه بزاف .... واش راكم تاكلو الحوت ياااه جيبو لهنا تشووو

هما راهم يهدرو و فدوى تخزر فليليان من بعيد

فدوى : احممم واش رايكم نديرو شوية action
نسيم : اححح بسم الله
فدوى : اممم .... لين نتخاطرو على حاجة اذا درتيها نمدلك ميتين واش قلتي .... تقدريلها
لين : باينة
فدوى : روحي طبعي ليليان و رميها فلابسين
لين : اهاه
فدوى : ولا مراكيش قدها
نسيم : شكون هادي
نهاد : مرت قصي ... بصح انا نقوللكم المخلوقة هادي واعرة غير متخلطوش فيها
فدوى : بصح ماشي قدنا

غمزت لين و لين تبسمت و ناضت

نسيم : راهي بدات تحلى
لين : انا نديرها معنديش بروبلام بصح نقول لازم نتي ديريها ..... ماشي كنتي تقولي غير انا لي نتزوج قصي هاي داتو .... دوك وريلنا شطارتك

اما عند بطلتنا لي كانت تهدر مع بتول حتى اووب لقات روحها داخل الما جاب ربي عرفت تسلك روحها و تخرج بتول لي شهقت و راحت تعاونها

بتول : وشبيك هبلتي .... ليليان راكي مليحة

راحت تعاونها
و فدوى نطقت

فدوى : اوبس باردون

رجعت عند جماعتها لي كانوا يضحكو

ميرال : بصح حرام عليكم
فدوى : يا عمري على الحنينة غاضتك قولي

ليليان لي زيرت يدها و جوزت اليد الاخرى على رقبتها

بتول : هيا نروحو خلينا منهم جايحين
ليليان : تتتت خليني نربيهم قبل

وقفت و راحت ليهم مع وصلت ربعت يديها فالوقت لي هوما كانو يضحكو اما نسيم فطلعها و هبطها بعينيها

ليليان : نقدر نفهم وعلاش درتي هكذا
لين : اممم وعلاش في ميزك
فدوى : وشبيك هكذا كنا نلعبو و انا و لين تخاطرنا هدا ما كان
ليليان : تخاطرتو عليا مالا
فدوى : ايه ههه بسيف باش تفهمي هادي تاني اففف وشبيك حابسة هكذا

هي لي ضحكت منبعد جبدت فدوى من شعرها مع كان طويل تلوى على يدها هي لي بدات تعيط

لين : اطلقيها هبلتي

و ترفد اليد الاخرى و تشد لين من الشعر و تهبطلها راسها على الطبسي تاع الحوت

ليليان : حاشى نعمة ربي .... امشي نتي قدامي