تزوجت منقذي _ باللهجة الجزائرية _

بارت 26

البنات راح نحطلكم الحقات تاع غدوة ان شاء الله البارت لي مور هظا نحطهولكم فالليل كامل مزال مكملتو من جهة كامل تقلقتو تشوفو لاسويت و من جهة غدوة ان شاء الله منقدرش نحطلكم المهم طلعو البارت هذا باش نزيد نحطلكم البارت لي موراه

نريمان : مصبح و انا نعيط لمدام ليليان بصح مريبونداتش .... سييت ندخل بصح باب شمبرتها مغلوق
اسمهان : كنت راح نقول حشمت ملي دارتو بصح مشكيتش
زهرة : خلي نوض نشوفها
قصي : خليها ماني ... مراحش تفتحلك
زهرة : بصح مكلات والو من الصباح خلي نعيطلها

طلعت زهرة و قاعدة دقدق

زهرة : ليليان افتحي بنتي .... علبالي راكي زعفانة .... في وجهي اخرجي .... صحا معليش اهدري برك معايا .... ليليان وعلاش قسوحية الراس
نريمان : قتلك مصبح و انا نعيط والو
زهرة : يخاه زعما كشما صرالها ....

دارت على صوتو

قصي : بلاكي

جبد المفتاح و راح يفتح الباب مع فتحها زهرة دخلت تجري

زهرة : ليليا ....

حطت يدها على فمها كي لقاتها طايحة فالارض

زهرة : ليليان ...... وشبيييها

هبطت عندها تسيي تنوض فيها ....

قصي : وشبيها

هبط عندها

زهرة : راني نسيي نفطن فيها والو

رفدها ديراكت للسبيطار ... لحقتو زهرة بتول و شكيب

مع دخلوها شوية و خرجت الطبيبة ( دوك نبدا نخرط 😂 )

قصي : وشبيها واش صرالها
👩‍⚕️ : un choc anaphylactique ( يسموه رد فعل خطير للحساسية حاجة هكا )
كلات حاجة تتحسس منها بصح وعلاش طولتو باش جبتوها
زهرة : مكانش علبالنا حتى منبعد لقيناها طايحة فشمبرتها
قصي : المهم راهي مليحة دوكا ياك ما بيها والو
👩‍⚕️ : non monsieur son état est critique ( حالتها حرجة )

الطبيبة لي راحت و هوما شدو بلايصهم و هو لي داه لي جابو قعد رايح جاي فالكولوار هداك

شكيب : قصي ارواح نقعدو
قصي : روح خطيني شكيب

دور راسو على الطبيبة لي خرجت مور وقت طويل من لي دخلت

قصي : كيفاش راهي دوكا ما بيها والو قولي

الطبيبة لي طمنتهم عليها ...... موراها رجعو للدار بحكم ليليان كانت مناضتش

.....

فالصالون هوما لي كانوا قاعدين مع دخلوا بداو يسقسيو فيهم

بتول : مفهمتش واش كلات باش صرالها هكا
اسمهان : شغل طفلة صغيرة متعرفش واش تاكل
زهرة : نتي يا هدري حاجة مسقمة يا روحي علينا
نبيل : خلاص حبسونا نتوما زوج
زهرة : اتربى و عرف تهدر مع يماك ... الطفلة كانت راح تموت و نتي تهدري هكا قلبك بواش مخدوم