سكتت منبعد فتحت الباب و دخلو .... دخلت معاها للصالون
فايزة : واش تسحقي
هالة : ..... ليليان وين راهي
فايزة : سقسيتيني من قبل قتلك معلباليش
هالة : فايزة سمعت بلي احمد و مرتو ماتو .... وين راحت الطفلة موراها
فايزة : .... جدتها داتها و رحلو ... موراها جدتها ماتت
هالة : عندمن قعدت
فايزة : وعلاش راكي تسقسي عليها ... ولا حكم تانيب الضمير ههه سمحيلي غلطت نتي اصلا معندك لا ضمير لا قلب .... واش راح نستنى من وحدة خلات بنتها في عمرها شهر و راحت على جال زوج دورو
هالة : .... سقسيتك ريبوندي
فايزة : و انا قتلك معلباليش
هالة : راكي تكذبي
فايزة : ...... كي ماتت مانها كنت حابة نديها بصح منبعد ..... حطيناها فميتم
هالة : ميتم ..... وعلاش كي سقسيتك عليها محبيتيش تهدري
فايزة : وعلاش نقولك واش راح ديريلها نتي لي خليتيها واحد ما سيف عليك معندك الحق تحاسبي حتى واحد دوكا على كل تكون خرجت من الميتم
هالة : ابراهيم عندو طفلة .... ليليان وقتاش جابتها زينب ... راهي في عمر بنتي لالا ... اهدري
............
حط يدو على الشاريو و شاد بيها يدو و يخزر فيها
قصي : مزال مكملتي
ليليان : دقيقة
رفدت من الحلوى و الشكولا لي كانت فهداك الكولوار و حطتها .... منبعد تبسمت و عضت على شواربها .... رفدت ساشي تاع الجوز كان تما
قصي : و هذا علاش
ليليان : تشهيتو
نحاه و رجعو و هي ضحكت
قصي : متنذعريش
ليليان : وشبيك رانا نتمسخرو راجلي
قصي : اذا كملتي نقدرو نروحو نخلصو بارسكو راح يجيو يحاوزونا اذا مخرجناش
ليليان : ok ok
خلصو و راحو للدار .... ليليان لي سقمت القضيان
منبعد حطو الفطور لي كانوا شراوه و قعدو فالفوتاي ياكلو
ليليان : نديرو كاش فيلم
قصي : اييه وعلاش لالا
ليليان : اممم نديرو تاع خلعة ياك ما تخافش
قصي : راكي معايا وعلاش نخاف
تبسمتلو التبسيمة الصفرا و هو ناض دار الفيلم و قعدو يتفرجو
........
هالة : اهدري وعلاش سكتي
فايزة : ههه منيتك دايرة فبالك بلي ابراهيم ربالك بنتك .. .. زينب وقت نتي رحتي لقات روحها اونسانت و جابت طفلة موراها و سماتها باسم بنتك ياك علبالك ملول كان عاجبها الاسم
خزرت فيها شحال منبعد راحت بلا ما تزيد حرف
............
اسمهان لي وقفت وقت شافت مليكة خارجة بالكابة
اسمهان : مليكة تاعمن هاد الكابة
مليكة : لالة زهرة وصاتني نخرجها لعند عبد الكريم
اسمهان : وعلاش
زهرة : مليكة روحي السيد راهو يستنى
أنت تقرأ
تزوجت منقذي _ باللهجة الجزائرية _
Romanceالكرونيك هادي تحكي على ليليان و قصي لي حتمت عليهم الظروف يتزوجوا مع عدة احداث و مشاكل فالكرو ملاحظة : الحكاية من وحي الخيال معندها حتى علاقة بالواقع و هي من تاليفي
