كان واقف برا يتكيف حتى دار كي حس بواحد موراه
نهاد : واش سي امجد
امجد : اوهوه شكون راهو هنا
نهاد : اممم فرحت بزاف كي شفتني
امجد : بزااف
نهاد : يا عمري على لي يغيض .... علبالك راك تشف
ضحك و ربع يديه
امجد : وعلاش
نهاد : وليت دور مع هديك البهلولة باش تخليني زعما نغير
امجد : من نيتك
نهاد : راني حافظاتك امجد بصح ماشي عيب عليك دير هكذا للطفلة
دنا عندها و قاللها
امجد : مالا غرتي
عينيها لي دارو و بدات تتلعثم فالهدرة ، جبدت روحها كي سمعت ملك
ملك : امجد
دنا منها و خزر فيها .... نهاد لي رجعت شعرها للور و راحت
ملك : واش كاين
امجد : والو كنا نقسرو برك
ملك : اممم تقسرو .... امجد نسقسيك ... كشما كاين بينك و بينها
امجد : لالا وعلاش راكي تسقسي
ملك : منقدرش نسقسي
مسح على وجهو
امجد : ملك شوفي نحبسو هاد الجياحة هنا خير و كل واحد يشوف طريقو
ملك : جياحة ... لي صرا بيناتنا كامل جياحة
امجد : مرانيش حاب نكمل
ملك : ايه معليش .... بصح تقدر تقولي وعلاش
امجد : مكانش سبة بصح لوكان عجبتني هاد la relation لوكان كملنا
ملك : درتني طريق باش تنساها
امجد : ملك شوفي نتي بزاف مليحة و تستاهلي كل خير نتمنالك تلقاي الراجل لي يستاهلك
ملك : ..... صح نتا متستاهلنيش ... معايش ان شاء الله تتهناو مع بعضكم
.......
اسمهان : امجد وليدي واش راك دير هنا
امجد : اههه خالتي ..... والو خرجت نتكيف برك
اسمهان : ايه اذا كملت ادخل للداخل الرجال راهم ساهرين فالصالون
امجد : ايه ... انا ندخل مالا
دورت راسها تبعتو بعينيها حتى دخل منبعد دارت ليها
اسمهان : اييه نتي تاني خرجتي تتكيفي
ملك : كيفاش
اسمهان : واش راكي ديري هنا
ملك : والو
اسمهان : كيفاش والو و نتي لاسقة فالراجل اسمعي ماشي ختك لسقت فوليدي و نتي تزيدي تلسقي فصاحبو اصلا مفهمتش واش راكي ديري هنا ختك و منعتابروهاش من لافامي ياوين نتي ، مدابيك هادي الاولى هادي الاخرة متزيديش تحطي رجلك هنا ماشي دار باباك هنا ياك
راحت و خلاتها هي لي عينيها تعمرو بالدموع شوية و طرطقت بالبكاء من جهة على جال امجد و من جهة هدرة اسمهان لي جرحتها
اما عند اسمهان لي دخلت للصالون و قعدت
اسمهان : وين راهي هالة
لين : معلباليش قالي امين خرجت و راحت للدار
اسمهان : يخااه وعلاش .... استناي نعيطلها
رفدت تعيطلها مكانتش تريبوندي
اسمهان : مراهيش تريبوندي ... وشبيها
لين : منعرف خالتو مام انا عيطتلها مريبونداتش
اسمهان : و محمود
لين : راح معاها بصح مام هو مريبونداش
اسمهان : تحيري
أنت تقرأ
تزوجت منقذي _ باللهجة الجزائرية _
Romanceالكرونيك هادي تحكي على ليليان و قصي لي حتمت عليهم الظروف يتزوجوا مع عدة احداث و مشاكل فالكرو ملاحظة : الحكاية من وحي الخيال معندها حتى علاقة بالواقع و هي من تاليفي
