ليليان : مالا هي كشما قالتلك .... كنت عارفة بلي مراحش تسكت كي تعرف بحكاية الشمبرة ... كنت راح نقولك نقعدو فدار وحدنا بصح c'est encore pire ...... قصي اذا مكانش نولي لشمبرتي مكان حتى بروبلام
قصي : لالا مهدرت والو منين جبتي هاد الحكاية
ليليان : قلت بلاك بارسكو علبالي مراحش تسكت
قصي : معندها مراح تقول ، ولا درتيها سبة باش تولي لشمبرتك
ليليان : ههه لالا ، بصح وعلاش مقتليش
قصي : على الشمبرة ! معلباليش قلت راح تحبي مكانش علبالي بلي مراحش يعجبك الحال
ليليان : لالا مقلتش معجبنيش الحال
قصي : مالا واش
ليليان : قصي حبس من البسالة
قصي : ههه ارواحي
عنقها و باسلها راسها
قصي : .... انا نروح لالة
ليليان : وعلاش
قصي : و منخدموش ( و خبطلها راسها براسو ) ... و منقعدش نوصي بعدي على هداك نسيم
ليليان : وعلاش ... خلاص راني سكتت
.........
شكيب لي كان قاعد فالبيرو تاعو حتى تفتح الباب و دخلت
شكيب : نتي واش جابك لهنا
سارة : هادي غيبة شكيب ¤¤¤¤¤
شكيب : واش تسحقي
سارة : واش نسحق دوكا ياك ... ماشي نتا لي كنت ظل تجري مورايا و دوكا ما تريبوندي على التليفون ما تحوس ما والو لالا و زيد حاورتني من الخدمة هنا
شكيب : ياك قتلك خطيني خلاص لي فات مات انسايه
سارة : عامين و نتا معايا و تكذب فيهم على مرتك و دوكا زعما توبت .... خلينا نشوفو واش دير لالة بتول كي تعرف
هي مع دارت هو راح عندها شدها من يدها
شكيب : هبلتي حبسي سارة
سارة : وقيلا حسبتلك انا هديك بتول الجايحة لي ترضيها بزوج كلمات تتت اذا ما خربتلكش دارك منتسماش سارة نوريلك واش معنتها تتمسخر بيا وين راهم tes promesses .... نتزوج بيك و نديرلك دار باسمك مشفنا والو سي شكيب
شكيب : سارة يهديك ربي اسمعيني ... شحال حابة نمدلك اخطيني برك
سارة : راح تتزوج بيا فهمت ماشي فسدتلي حياتي منبعد تروح كشغل ما صرا والو
شكيب : سارة ....
شدتلو يدو و قالتلو
سارة : ايه ولا لالا
شكيب : لالا سارة لالا هبلتي نتزوج بيك ... راني مزوج و ببنتي
دور راسو للباب لي تفتح و تفتحو معاه عينيه كي شاف بتول لي غير شافتهم شادين يدين بعضهم جمدت فبلاصتها
بتول : شكيب واش كاين هنا
شكيب : بتول
سارة : اههه هادي هي مرتك بتول ... صباح الخير بتول هادي انا سارة
بتول : سارة .... لي كنتي تخدمي هنا ... و وعلاش راكم شادين يدين بعضكم
سارة : ايه انا سارة لي كنت نخدم هنا و اي راجلك خانك معاها
شكيب : سارة ... بتول متسمعيلهاش راهي تكذب
سارة : وعلاش نكذب شكيب ههه ماشي هادي لي قلتلي راهي ديرونجينا ماشي هادي الجايحة لي كنت تحكيلي عليها ... فالوقت لي كنتي حاطة راجلك راهو يخدم هو كان يبات معايا مدام بتول واش تحبي نزيد نحكيلك
أنت تقرأ
تزوجت منقذي _ باللهجة الجزائرية _
Romanceالكرونيك هادي تحكي على ليليان و قصي لي حتمت عليهم الظروف يتزوجوا مع عدة احداث و مشاكل فالكرو ملاحظة : الحكاية من وحي الخيال معندها حتى علاقة بالواقع و هي من تاليفي
