كانت الخمسة تاع صباح هكاك وقت فتح باب شمبرته و هبط و هو رافد كابة فيدو غير لحق لتحت قابلتو مليكة و لي هي الخدامة
مليكة : صباح الخير مسيو قصي
قصي : صباح الخير مليكة
مليكة : راك خارج تحب نوجدولك قهوتك دوكا
قصي : لالا مكالاه
كان رايح حتى ولى عندها
قصي : عيطيلي لنريمان قوليلها راني برا
دارتلو براسها ايه و هي راحت للكوزينة
مليكة : يا هاديك المسخوطة
نريمان : انا !!!
مليكة : لالا انا
نريمان : وعلاش خالتي مليكة واش درتلك
مليكة : روحي عند مسيو قصي راهو برا قال بلي يسحقك
نريمان : اههه وعلاش
مليكة : معلباليش شوفي واش درتي متكونيش برك كشما خدمتي
نريمان : مدرت والو .... انا نروح نشوف واش يسحق مني
.......
غلق لامال تاعو حتى يلقى نريمان قدامو
نريمان : صباح الخير مسيو
قصي : صباح الخير
نريمان : قالولي سحقيتني
قصي : ايه
فتح الطونوبيل و دخل شوية خرج و فيدو برية
قصي : هاكي هادو
شدتها و هي عاقدة حواجبها مافهمتش
قصي : علبالي بلي الدخلة تاع لمسيد قربت و خاوتك راح يسحقو الدوزان هادو الدراهم ليهم
تبسمت و عينيها تعمرو بالدموع
نريمان : يعطيك الصحة مسيو الله يعطيك و يرضيك عمري مراح ننسى خيرك معانا
تبسملها و ركب فالطونوبيل و راح و هي دخلت للدار ديراكت للكوزينة وين تلمو عليها الخدامات يحوسو يفهمو واش صرا
نريمان : والو وصاني برك على شمبرتو باش واحد ميدخللها
اسماء : اصلا واحد ميدخللها وعلاش حتى يوصيك
مليكة : واش دخلكم ايا كل وحدة لخدمتها
تزربعو كل وحدة وين راحت من غير مليكة لي قربت لنريمان
مليكة : مزالك متعرفيش تكذبي
نريمان : اووه خالتي ... مدلي دراهم قالي تاع خاوتي
تبسمت و قالتلها
مليكة : هاه شفتي هكذا تفرحي اليتامى هدوك
نريمان : ايه جاو فوقتهم كنت محتاجتهم
مليكة : مدام اسمهان جابت راجل و سيد رجال جامي نسى واحد فينا
نريمان : ايه صح ماشي كيما يماه على لعام و هي مطلعة حاجبها علينا مفهمتش هو ليمن خرج .... اححح وجعتيني
مليكة : امشي لخدمتك لسانك طوال
نريمان : واش كلمة الحق متنقالش
مليكة : راح نتيري عليك بالكاس امشي
راحت تجري و مليكة ضحكت عليها و دارت لخدمتها
..........
فواحد البلاصة بعيييدة ......... هي شغل قرية صغيرة .... اذا نهدرو على البلاصة شااابة من جهة الارض و الشجر ... منطقة ريفية بامتياز ... و بالضبط نروحو لواحد الدار نقدرو نقولو مزرعة لي كانت شابة و كبيرة ..... حطت لمفاتح فالدخلة تاع الباب و دخلت تصفر
أنت تقرأ
تزوجت منقذي _ باللهجة الجزائرية _
Dragosteالكرونيك هادي تحكي على ليليان و قصي لي حتمت عليهم الظروف يتزوجوا مع عدة احداث و مشاكل فالكرو ملاحظة : الحكاية من وحي الخيال معندها حتى علاقة بالواقع و هي من تاليفي
