بمانه انا كاتبة حنينة و جيدة 😂 نتمسخر بصح فخاطر البنات لي يتفاعلو حطيتلكم البارت هدا راني طولتو شوية و هو اخر بارت لليوم ملتقانا غدوة ان شاء الله احتمااال كبييييير غدوة ان شاء الله تخلاص الكرو نورمالمون غدوة النهاية تاع لحكاية المهم قراءة ممتعة 💛💙💛
سكتو و دورو راسهم على صوت الطيحة لي سمعوها قدامهم
قصي : ادددم .......
ليليان : ادم
هبطت عندو لقاتو طايح فالارض و وجهو لي رجع زرق ( خليوني نخرط شويا 😂 )
ليليان : وشبيه
قصي لي رفدو و داه للطونوبيل لحقتو و داوه للسبيطار
.......
فالسبيطار ليليان لي كانت قاعدة و غير تبكي
قصي : خلاص اسكتي
حط يدو على كتفها
قصي : راح يكون مليح
دارتلو براسها ايه و مسحت دموعها .... شوية و خرج الطبيب لي طمنهم على حالتو و كيما كان الحال دخلوا عندو لقاوه نايض و يخزر فالتاقة
ادم : ماما ثيتي
راحت عندو عنقتو و قعدت تبوس فيه
ليليان : راك مليح ادومتي
دارلها براسو ايه ... كان يباان عيان حتى من هظرتو كانت ثقيلة ... خزر فباباه لي قعد قدامو فالجهة المعاكسة لليليان
قصي : خوفتنا عليك بابا
باسلو يديه و ادم نطق
ادم : ثح خافث عليا
قصي : ايه بيانسور
ادم : ثما نثا ثحبني
قصي : بيانسور نحبك ادم
ادم : وعلاث كنثو ثضاربو نثا و ماما
قصي : ..... قوليلو يا يماه
ليليان : ..... ادم الكبار مرات يضاربو عمري
ادم : بثح انا هدلث معاكم و نثوما مثمعثوليث ( بصح انا هدرت معاكم و نتوما مسمعتوليش )
ليليان : سمحلنا ادومتي
قصي : ادم خلاص دوكا اسكت متعييش روحك بزاف ... تحب نجيبلك حاجة تاكلها
ليليان : ايه مزال مفطر ما كلا والو مصبح
قصي : خلاص دوك نروح نشريلو كاش حاجة
باسلو راسو و خرج ..... شوية تفتح الباب و رجع قصي و معاه زهرة و اسمهان
زهرة : ادم
راحو سلمو عليه و قعد معاه
زهرة : كي عيطت لقصي قالي بلي راكم هنا
اسمهان : ادم راك مليح وليدي
دارلهم براسو ايه
قصي : ادم هاك باش تاكل ... هدرت مع الطبيب ادم راح يدير لوبراسيون غدوة صباح ان شاء الله
ليليان : غدوة !!!
قصي : ايه نورمالمون ليوم صباح نجيبوه يوجدوه باش يدير بصح الله غالب كيما علبالك يمااه كانت مشغوولة
ليليان : باردون راك ترمي لوم عليا
أنت تقرأ
تزوجت منقذي _ باللهجة الجزائرية _
Romanceالكرونيك هادي تحكي على ليليان و قصي لي حتمت عليهم الظروف يتزوجوا مع عدة احداث و مشاكل فالكرو ملاحظة : الحكاية من وحي الخيال معندها حتى علاقة بالواقع و هي من تاليفي
