U...!
"အင်း အဖျားဝင်နေပြီကိုး..."
သူ့ပြောသံကြောင့် fourth မော့ကြည့်လာသည်...
"မင်းကဘယ်လိုသိတာလဲ?"
နှုတ်ခမ်းလေးထော်ကာပြောလာသောကောင်လေး၏ နဖူးကိုခပ်ဖွဖွတွန်းလိုက်ရင်း...
"မင်းနဲ့ငါက ဟိုးနှာချေးတွဲလောင်းအချိန်ထဲက ပုခုံးဖက်ပေါင်းလာတာပါကွာ... မင်းဖျားရင်လည်းငါဘဲဂရုစိုက်ပေးနေကြကို အခုမှမေးခွန်းအဆန်းတွေထမေးနေတယ် အရူးလေး!"
နှုတ်ခမ်းထော်သည်ထက်ထော်လာသောကောင်လေးအားကြည့်ရင်း တစ်ချက်မျှပြုံးကာ ခုတင်ပေါ်သို့လှဲခိုင်းလိုက်ပြီး အနီးနားရှိစားပွဲသေးသေးလေးသို့သွားကာ အံဆွဲထဲမှဆေးအချို့ကိုထုတ်ယူလိုက်သည်....ထို့နောက် ရေချိုးခန်းထဲဝင်၍ ရေဇလုံနှင့် တဘက်တစ်ထည်ယူကာ အသေးကောင်ရှိရာသို့ပြန်လာလိုက်သည်...အသေးကောင်ခမျာတော့ မျက်တောင်တစ်ချက်မခတ်ဘဲ သူလုပ်သမျှကိုအသေးစိတ်လိုက်ကြည့်နေလေရဲ့......
"ထူးဆန်းလို့လား အသေးကောင်"
ရေဇလုံကို ခုံပေါ်တင်ရင်း ဘေးနားဝင်ထိုင်ကာပြောလိုက်တော့ ခေါင်းခါပြလာသည်လေ.....အူကြောင်ကြောင်ကြည့်နေသော မျက်လုံးများအားလျစ်လျူရှုလိုက်ရင်း တဘက်ကို ရေနွေးနွေးထဲသို့စိမ်ထားလိုက်ပြီး သောက်ရမည့် ဆေးလုံးအနည်းငယ်ကိုဖောက်၍ လက်ဖဝါးထဲထည့်လိုက်ကာ အနီးနားရှိ ရေကရားကိုယူလျက် ဖန်ခွက်ထဲသို့ ရေအနည်းငယ်ထည့်လိုက်သည်....
"ထ... ဆေးသောက်လိုက် အသေးကောင်"
ထထိုင်ကာ သူ့လက်ဖဝါးထဲမှဆေးလုံးများကိုလွှဲပြောင်းယူ၍ လက်ထဲမှဖန်ခွက်ကိုဆွဲယူကာ သောက်ကျလိုက်ပြီးနောက် ပြန်လှဲသွားလေသော fourth...
ရေနွေးဇလုံထဲတွင်စိမ်ထားသော တဘက်အား ရေစစ်အောင်ညှစ်ကာ နဖူးပေါ်သို့ တင်ပေးလိုက်သည်..
"အဟင်းဟင်း..!ဒီပုံစံနဲ့ မနက်ဖြန်ဘယ်လိုကမြင်းအုန်းမလဲ သိချင်မိသား"
ရီသံစွက်ရင်း စနောက်လိုက်တော့ နှာထိပ်လေးများနီရဲကာ ဒေါသတကြီးဖြင့်အော်လာသည်...
