'Gem's apartment'
အထုတ်တွေပစ်ချကာ Mallထဲတွင်ငိုယိုကာပြေးဖက်ခဲ့သော သူ့အား Gemဟာပြန်လည်ဖက်တွယ်လာခဲ့သည်...ထို့နောက် သူ့အား တိုက်ခန်းဆီသို့လိုက်ခဲ့ရန် ပြောတော့ ချက်ချင်းပင်ခေါင်းငြိမ့်ခဲ့သည်...ပထမအမှားလိုထပ်မမှားချင်ဘူး!
New York ရဲ့တစ်နေရာ....
ဂျောင်ကျကျမဟုတ်သလို မြို့လယ်ရောက်နေတာလည်းမဟုတ်ပြန်...အတန်အသင့်နေရာလေးမှာပင် တည်ရှိနေသော အထပ်မြင့်အဆောက်အအုံတစ်ခု...တစ်နည်းအားဖြင့် Gemရဲ့တိုက်ခန်းတည်ရှိရာပေါ့...
ကားပေါ်မှအရင်ဆင်းသွားကာ တံခါးဖွင့်ပေးလာသော Gemကြောင့် အပြုံးတို့ဟာမရပ်တန့်နိုင်...သာမန်လူတစ်ယောက်သူ့ကိုမြင်ရင် 'ဒီကောင်ရူးနေတာလား' ဟုထင်ကောင်းထင်နိုင်ပါရဲ့...Gemဆွဲခေါ်ရာနောက်သို့ အလိုက်တသင့်လေး ပါသွားရင်း....
တတိယထပ်...
ဓာတ်လှေကားမှထွက်ကာ အခန်းနံပါတ် 303ဟုသည့် အခန်းရှေ့သို့ ခေါ်သွားခဲ့သည်... ထို့နောက် Gemက တိုက်ခန်းတံခါးကိုဖွင့်၏..သူရုတ်တရက် သော့တွဲလေးဆီသို့ကြည့်မိသည်...မြင်လိုက်ရတဲ့အရာတစ်ခုကြောင့် ရင်ထဲပန်းတွေပွင့်လာသလိုတောင်ခံစားမိသည်...သူကိုယ်တိုင်မြင်းရုပ်ပုံစံသိုးမွှေးထိုးကာ လက်ဆောင်ပေးခဲ့တဲ့အရာလေးအား တပ်ဆင်ထားတာမြင်ရတော့ တစ်ကယ်ကိုပျော်ရပါသည်...
Gemဟာသူ့လက်ကိုထပ်မံဆွဲကိုင်ကာ တိုက်ခန်းအတွင်းသို့ ဝင်ရောက်လာခဲ့သည်...မှောင်မဲနေသော တိုက်ခန်းဟာ ခလုတ်ဖွင့်လိုက်တာကြောင့် ခဏအတွင်းမှာပင်လင်းထိန်လာခဲ့သည်.....
"ခနအနားယူအုန်းနော် Fourth... ငါရေသွားချိုးအုန်းမယ်...လျှောက်ပတ်ကြည့်ချင်ကြည့်"
သူ့မျက်နှာကိုလက်ဖြင့်အုပ်ကိုင်ရင်းဆိုလာသော Gemအားပြုံးပြလိုက်တော့ ခေါင်းကိုပုတ်ကာ အိပ်ခန်းထဲသို့ဝင်သွားခဲ့သည်....
ကျန်ရှိနေသောမျက်ရည်စများအားသုတ်လိုက်ရင်း တိုက်ခန်းတစ်ခုလုံးလှည့်လည်ကြည့်မိသည်...နံရံများဟာအဖြူရောင်သုတ်ဆေးများဖြင့်ဖွေးသန့်လို့နေသည်...အသန့်ကြိုက်သည့်သူနေသည်ဆိုတော့ အခန်းဟာပိုလို့တောင်သန့်နေသေး၏...ခပ်ပြုံးပြုံးဖြင့်ပင် ဧည်ခန်းမှ မီးဖိုချောင်ရှိရာသို့ ခြေဦးလှည့်လာခဲ့သည်...ohh...မီးဖိုချောင်ကြီးက တစ်ကယ်ကိုအသစ်အတိုင်း.....
