“ဖူးခက်”
Car parking တွင် ကားထိုးလိုက်ရင်း နှစ်ယောက်သား Hotel ထဲသို့ ဝင်လာခဲ့ကြသည်..
"ဟေး သူဌေးလေးတို့ရောက်လာကြပြီ အထုတ်တွေသွားသယ်ကြ ကလေးတို့"
"ဟုတ်! ဂျာကြီး"
Hotel ထဲသို့ခြေချလိုက်သည်ဆိုတာနှင့် ရှိရှိသမျှဝန်ထမ်းအကုန်လုံး ယောက်ယက်ခတ်ကုန်ကြသည်..မန်နေဂျာ၏ အမိန့်ပေးသံတွေဟာလည်းဆူညံလို့သွားသည်..
"အိုးဟိုး... ဂျာကြီးဖြေးဖြေးပေါ့ ကျတော်လာတာပါ ဒယ်ဒီလာတာမဟုတ်ပါဘူးနော်"
ရယ်သံစွက်ရင်းပြောလိုက်တော့ မန်နေဂျာမှာ သူ့နားသို့ ပြေးလာသည်..ရောက်တော့ အနောက်မှ Gemini အားမြင်သွားတာကြောင့်..
"သူဌေးလေးကိုCEOကဂရုတစ်စိုက်နဲ့လုပ်ပေးဖို့အမိန့်ပေးတာလို့ပါ..အဲ...သူဌေးလေး Gemini လည်းပါတာကိုး..မင်္ဂလာပါ သူဌေးလေးGemini"
ဦးညွှတ်ရင်းသူ့ကိုနှုတ်ဆက်လာတော့ Gemini ခေါင်းငြိမ့်လိုက်ရင်းပြုံးသာပြလိုက်သည်..
"ကဲ ဒါဆိုကျတော်တို့သွားတော့မယ်"
"ဟုတ်ကဲ့ပါ သူဌေးလေး ကျတော်လိုက်ပို့ပေးပါ့မယ်"
"အိုး..! ထားလိုက်ပါ ကျတော့်ဘာသာသွားတတ်လာတတ်ပါတယ် ကလေးလဲမဟုတ်တော့ပါဘူးဗျာ ဂျာကြီးလုပ်စရာရှိတာသာဆက်လုပ်"
"ဟုတ်..ဟုတ်ကဲ့ပါ"
"သော့ပေးအုန်းလေ ဂျာကြီး ကျတော်ဘာနဲ့ဖွင့်ရမှာလဲဗျ"
လက်ဖြန့်ရင်းတောင်းလိုက်တော့ ခေါင်းလေးကုတ်ကာ "မေ့သွားလို့ပါ" ဟုဆိုရင်းသူ့လက်ထဲသို့ သော့လေးထည့်ပေးလာသည်...မန်နေဂျာဆိုသော်ငြားလည်း အသက်ကြီးကြီးတော့မဟုတ် ဂျာကြီးအသက်ဟာ အခုမှ ၂၇နှစ်သာရှိသေးသည်..၁၈နှစ်ထဲကအလုပ်ဝင်ကာအလုပ်ကြိုးစားခဲ့သည်မို့ မန်နေဂျာရာထူးကိုရခဲ့သည်သာ...လက်အောက်ငယ်သားတွေကိုဘယ်သောအခါမှရိုင်းစိုင်းစွာမပြောသလို ဖော်ဖော်ရွေရွေနှင့် တန်းတူပေါင်းသင်းဆက်ဆံသည်..မာန်တက်ခြင်းလည်းမရှိ အလုပ်ကိုလည်းအရမ်းကြိုးစားလွန်းတာကြောင့် ဒယ်ဒီကသူ့ကိုအရမ်းသဘောကျသည်လေ...
