ياهو انت اجيب الروح يمك واذلها؟
دموعي من طيح مادنگلها!
ضل بالقفص مسجون صدگني ترتاح!؛
تنوگل فوگ الگاع يالمالك جناح'!
للشاعر الراحل سمير صبيح.
___________________&__________________
كرار:شبيچ بابا وجهج اصفر؟
هدوء بأبتسامه:مابيه شي.
بعد ماتحملت ردت اتقيئ گمت بحركه سريعه بعد ماشوف شي بس بياض غشه عيني دخت وگعت بالگاع طفروا كُلهم ماعدا آسِر بقه يباوعلي ببرود استسلمت للضلام الدامس اسمع اصوات يمي بس ماگدر افتح عيوني،فتحت عيوني لگيت نفسي بالمستشفى فات دكتور وجهه رحماني وينحب بسرعه هيچ الله ذاب المحبه والنور بوجهه.
الدكتور بأبتسامه:شلون صرتي بابا.
رديتله الابتسامه.
هدوء: الحمدلله لعد وين بابا وماما؟
الدكتور:ماعرف منو ابوچ وماجن نسوان بس 3 زلم.
هدوء:اها زين شنو سبب الدوخه؟
الدكتور:عندچ فقر دم حاد وعندچ نقص فيتامينات هواي وذني سببهن سوء التغذيه راح اوصفلچ علاجات والتزمي بيهن وسويلچ نظام غذائي.
هدوء:أن شاء الله هسه اگدر اروح؟
الدكتور:يي بابا سجلنالچ خروج واهلج بره منتضرين.
طلع الدكتور بقيت اباوع ورا ماعرف شنو البي جذب انتباهي لعد شگد الله حابه چانت اكو مغسله ومرايه رحت باوعت لنفسي بالمرايه.
هدوء:اييعع هاي منو.
الدكتور:هاي أنتِ.
سميت بالله بگلبي شيطان ماحست علي من فات مدري اني ثوله.
هدوء:ءءء من شوكت هنا.
الدكتور:من گلتي ايع هاي منو.
أردف الدكتور:حتى لو بالشقى لتقللين من نفسچ وجمالچ كوني دائما واثقه من نفسچ لو هسه أنتِ بأتعس حالاتچ وكلش مريضه دللي نفسچ وگولي بأتعس حالاتي اني حلوه إذا قللتي من جمالج أو شكلج سواء بينچ وبين نفسچ أو علناً راح تصيرين عديمه الشخصيه يمكن هسه تگولين هذه حچييه خرط ومبالغ بالموضوع بس أني منتبه هوايه بنات يقللن من نفسهن أو جمالهن سواء شقه او صدگ.
بقيت مفهيه وصافنه بوجها عفت كُلشي وطلعن مني بس كلمتين.
هدوء:حلو كلامك.
الدكتور:هههه اني راح اطلع واخذي راحتچ .
ابتسمتله وراح الي يحچي ويا يرتاح نفسيا مو حب ششفت منه حتى أحبه وإنما ماعرف شنو الخلاني ارتاحله نزعت محبسي كُلش احبه دوم البسه خليته ع الميز نسيته غسلت وجهي وعدلت حجابي وطلعت.
كرار بلهفه:ها بابا خو مايوجعج شي لو دايخه؟
هدوء:لا بابا ماكو شي هي بس فقر دم حاد ونقص فيتامينات گال راح اوصفلچ علاجات وطيبين.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
