كبرت بغيبتك؛ بس ماگدرت انسى'
وعرفت الفرق بين الصوره واللمسه.!
كون الله يجيك احساسي وتحسه."
وتشوف شگد وجع وياك متجاوز؟!
الشاعر مهند العزاوي.
___________________&__________________
نور.
راحت شهد لبيتهم واني اتصفن وفكري كُله يم هدوء باوعت لماما تنوح ع هدوء ومنار نفس وضع أمي واني منتچيه ع الكنتور ودموعي تصب تخيلت هدوء ورسمت سيناريو انو هسه ديعذبوهه ومينطوهه اكل وبعدين يشرحون جثته ويبيعون أعضائه فحطت بالبچي وصرت اناشغ هدوء عالمي وحياتي وكُلشي بالنسبه اليه اني بلاهه الدنيا متسوه ابقى بيهه قررت إذا هدوء مارجعت انتحر والله مااگدر بدونهه سمعت موبايلي يرن لگيت لُجين تتصل رفضته وفتت ع الانستا فتت ع گروبنه قبل فتره سوينه گروب خاص بالبنات جمعت اخوات آسِر ورزان اكو وحده مدري شتقربهم من عرفت مسوين گروب لزگت اله تدخل ويانه؛ شفت البنات خابصات الموبايل بالرسائل ويسألن ع هدوء كتبتلهن ودموعي أعلنت نزولهه.
نور:ماكو خبر ع هدوء اخوچن گال باچر نروح للمدرسه بس اعرف شي اگُللچن.
بقن يسألن شلون انفقدت فتحت Voice اسولفلهن واناشغ وهنه يصبرن بيه ويواسني اول ماشفتهن مارتاحيتلهن وكرهتهن لان اخوات آسِر بس طلعن نعم الصديقات كُلش حبابات وعلاقتنه قوت صرنه نسولفلهن كُلشي وهنه كذلك چنت احچي وياهن قريت رساله بالگروب من البنيه الي تصير اقاربهن لحد الان مااعرف شنو اسمهه بس مسميه نفسهه ع الانستا سُكر بنص بچيتي أنجبرت اضحك ع اسمهه شبيهه هاي نوب عايفه كُلشي وراده ع هاي الرساله من گُتلهن ماكو خبر ع هدوء كاتبه.
سُكر:حُبي اني مو اخته اصير بنت عمه وبعدين ليش آسِر يروح للمدرسه شيسوي.
نرفزني ردهه يعني عافت كُلشي وعافت فقد هدوء وركزت ع آسِر هسه ردت اردهه شفت شهد دازه Voice بالگروب فتحته واندلعت بالسانه مبينه چانت دتبچي من بحه صوتهه.
شهد:بتت الخخرراا عاايفهه فقدد هدوءء وتمضرططين مننن يمچ ع آسسِرر هيي هايي الددنياا تببلي الزينن وتعوف العاراتت مخخيسيين ع گلووبنه شوفيي ولچ سُكتتينن لاا اخليي القندرهه بحلگچ ماعندچ شيي تحچييي يفيددنهه انلصصمي امم حلگ هي مو اخته ام خييسسه.
شفت گلبي بردهه كتبت واني مبتسمه.
نور:ردُها أن استعطت.
طفيت الموبايل وبقت الرسائل تتناطح اخير شي طفيت النت حتى ميوصلني اشعار ردت اطلع من الغرفه اختنگت سمعت موبايل هدوء وصله اشعار رحت أخذته ابتسمت ع صورته الي مخليتهه ع الموبايل بوسط ابتسامتي نزلن دموعي فززني اشعار ثاني من شخص غريب من كلامه عرفته زاحف حضرته وفتت ع الاشعار الاول من مُعاذ كاتب"اگلچ نسيت اوصيچ لا تخلين عطر خليتي؟"طفيت الموبايل مااعرف شنو ارد بس خبص الموبايل بالرسائل قريتهن واني صافنه مااعرف شنو ارد من ضمن هالرسائل كاتب.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
