من عرفت غلاتك عندي گمت تسوم بيه!
چا من حقي ازعل، ليش تگول مامرضيه؟
لشوكت ابقى أنه معلعل؟ ولو هو شبقيت بيه!!
من وره اهمالك ،صارن الچفون سود والوجه شحه بمعانيه
بقلمي.
الكاتبه رقيه آلـ حُسيني.
أتمنى تعجبكم القصه ولتنسون التصويت تقديرا لتعبي.
__________________&_________________
هدوء:لو هسه البس گونيه هم يباوعون.
مُعاذ:اعرف اول شي العبايه راح تخفف نضرات الولد عليچ والشي الثاني من أنه وياچ محد يرفع عينه وان شاء الله بعد دائما نطلع سويه.
رفعت راسي ابتسمتله وهو ابتسملي وباوعلي بنضره كُله حنيه اموت ع هاي نضرته ابيع عمري في سبيل اشوف هالنضره ولو دائما اشوف هالنضره من يشوفني تلمع عيونه ويصير وياي ناعم تمسكت بأيده حيل شويه وحسيت مُعاذ وگف وباوع ليگدام باوعت للجهه الي ينضر الهه شفت آسِر گدامي ويباوع للأيد اللازمين بيهه بعض وترجع عينه تفر للحلقات والحروف المحفوره عليهن خفت من نضراته عيونه صارن دم وفكه وأيده يرجفن ويباوعلي بنضره انكسار خلتني اتندم ع كُلشي من گد مانضرته تقهر حسيت اني خاينته مع انو ابد ماكو بينه علاقه صارت عيوني تتجول بين مُعاذ الي يباوع لآسِر بنضرات غضب وبين آسِر الي يباوعلي بنضرات خذلان،انكسار،خيبه؛ تخطينه آسِر ومشينه بدون مندور وجهنه كُلش تأذيت من هل موقف لان بي اذيه لشخص ومنين جايه الاذيه؟مني؛احس وراي روح مكسوره تمنيت لو ماطالعه ولا هل موقف درت وجهي ليوره لگيته بعده يباوعلنه واگف بنص الطريق والناس تروح وتجي وهو بعده يباوع ندسني مُعاذ وخزرني.
مُعاذ بهمس:صدگگ تحچينن شكو تباوعيله.
درت لمُعاذ وباوعتله بحيره.
هدوء:مُعاذ انقهرت علي اني شمسويه حتى هيچ يباوعلي بنضرات قهرتني.
مُعاذ:انسي بويه لتفكرين بالموضوع.
هدوء: تخطينه آسِر ومشينه بسهوله بس مااگدر اتخطى هالموقف احس اريد ابچي.
دار عيونه بكُل مكان ورجع باوعلي وابتسم بطرف شفته باوعلي بنضره حزن.
مُعاذ:انقهرتي علي؟وتندمتي لان خطبنه مو؟وجاي تلمحين تردين تفصخين الخطوبه؟ليش هلگد همچ آسِر؟
هدوء بتعجب:يا دكتور صدُگ تحچي هاي عود انت التفهمني ومن احچي وياك احچي بدون قيود لان مأيقنه انو انت رح تفهمني؛صدگ مااقصد هيچ بس اني ع كُل شخص اشوفه منهار حتى لو هل شخص يأذيني انقهر علي واتمنى اساعده خاصتا آسِر اول مره اشوفه بهالحاله هو شخصيته دائما غامضه وصامده تمنيت اگدر اساعده.
زفر بقوه وهز براسه ورجع باوعلي.
مُعاذ:فهمتچ بنيتي ماكو داعي تبررين أكثر هسه انسي الموضوع.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
