مو نفس اهتمامك ذاك بيه"
كلش مختلف طبعك عليه'
گبل تحرگني چانت لهفتك بيه؛
چنت تنافس أمي بهالقضيه.
للشاعر حسين جبار.
___________________&__________________
بقينا نسولف ننسى ونرجع نتذكر رضا ونبقى نخطط شلون نلاگي قمر واخير شي ولا وحده وصلت لحل بقينا بحيره وقهر گُلت لشهد تبقى يمنه خابر بابا عمو وقبل تبقى يمنه نمنه بغير غرفه وتمنيت احاچي الدكتور تعودت علي بس بحجة شنو؟ مر هذا اليوم بصعوبه لان ماحچينا صرت اعرف أخباره من اهلي من يحچون بي اخلي مسامعي وياهم وگلبي يدُگ بهمجيه بس اسوي نفسي ممهتمه إلى أن اجى هذا اليوم المشؤوم؛گعدنه الصبُح تريگنه سوى وشهد راحت لأهلها ومشى الروتين عادي عباده؛اكل؛شغل؛نوم؛ البيت صار فاهي ومُمل محد يحچي ورضا يمثل انو هو بخير مرت ايام كئيبه اهلي طلعوا من جوهم الكئيب ومارسوا روتينهم اليومي أما رضا تزداد حالته من سيئ للاسوء حرگ شكو هديه من قمر وشكو شي يذكره بيها صرت اشوف الكره بعيونه من نجيب طاري قمر وهذا الشي طمني لان نساها نهائيا وهو بعضمة لسانه حچه گال الي تخوني ما تستاهل دمعه مني انتبهت لتوحده وانعزاله مايختلط ويه أحد ولا يحشش ابد صار معقد وگوه نطلع مواضيع في سبيل يحچي ويشارك بس ابد ماكو گوه نجر الحچي وصار ميطلع ويه اصدقائه حده شغل ودراسة حتى ميسويهن بشغف لو بهمه هيچ كأنو مجبور وگوه ديركز بشغله؛أما مُعاذ قطعنه مانحچي بشي اله إذا احتاجيته اراسله لان من الاول هيچ متفقين وآسِر هم صرت ماشوفه لان مااطلع وهو مايجينه ارتاحيت كُلش صارت حياتي هادئه صح خنگه بس احسن من ما اشوف آسِر حقدت علي من صدُگ واني بعمري ما حقدت ع أحد بس هو؛ كَ أي يوم كئيب چنت گاعده ع الموبايل وطلعلي بالانستا دكتور نفسي ناشر امراض نفسيه جذبني مرض الاكتئاب قريت عنه شفت الأعراض منطبقه على رضا بقيت ابحث عن الأعراض والاسباب وتعمقت بي اكتشفت انو رضا بي اكتئاب حاد لان الأعراض منطبقه علي تماما بقيت صافنه ممفروض يبقى هيچ لازم اشوفله حل واكيد الحل يم مُعاذ بسُرعه دخلت ع المحادثه دزيت رساله.
هدوء: السلام عليكم.
بقيت منتضره رد اخير شي إيست لان تأخر بقيت الهي نفسي بالموبايل وصلتني رساله منه بسُرعه دخلت عليهه وگلبي يدُگ بهمجيه صارت عندي مشاعر ملخبطه فرح ع توتر.
مُعاذ:وعليكم السلام، اعتذر ع التأخير بس چان عندي مراجعين.
هدوء:عادي،دكتور رضا بي اكتئاب حاد واريد اعالجه بدون طبيب نفسي لان متأكده ما رح يتقبل فكره انو هو مرض نفسي، عندك حل؟
مُعاذ:شلون اكتشفتي بي اكتئاب حاد؟
هدوء:بحثت.
مُعاذ:حاولي تطلعي من جوه الكئيب وخلي يمارس هواياته اليحبهن وخلي يلتزم بالرياضه الهه دور مهم بعلاجه لان راح تخلي يرتاح أو خلي يسوي يوگا وقنعي يطلع وياكم لو ويه اصدقائه دائما اشغلي ولا تخلي يختل وحده ابد سولفي وياه قربي الچ فضفضيله ويفضفضلچ وخلي يطلع من باله شكو شي سلبي هالخطوه مهمه؛ المريض بالاكتئاب يحتاج بس يتونس ويضحك وهيچ يطيب بأذن الله.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
