تبيع عيونك؟
بعمري اشتريهن!
خايب اضحك ياسلام الله عليهن'*.
الكاتبه رقيه آلـ حُسيني.
اتمنى تعجبكم القصه ولتنسون التصويت تقديرا لتعبي.
__________________&_________________
فتت بفرع هندس بي ضوه خفيييف غرغرت عيوني صرت بمكان فارغ بقيت ادور بعيوني ع اهلي اريد المح واحد منهم ماكو تيهت مكانهم.
_شتسوين وحدچ؟.
التفتت لگيت نفس الشخص الي چان يلحگني مبتسم ابتسامه مكر.
هدوء برجفه:م م ممالك دخل.
ركضت بكل قوتي بس سبقني وصار گدامي بقت الكلمات گوه تطلع مني.
هدوء:ش شتريد وم ومنو أنتَ.
_جحيمچ وجحيم اهلچ.
تقدم بأتجاهي واني رجليه بادن بعد مااگدر اتحرك اول شخص اجه ع بالي هو مُعاذ، اتذكر گلي من يصير وياچ موقف صعب رددي بداخلچ"نادي يا عليا مضهر العجائب تجدهُ عونا لك في النوائب"بقيت ارددهه بداخلي من كُل وعقلي منتضره شي يجي يخلصني من الاني بي بدون مااتحرك گلبي صار طبول من الخوف احس دگات گلبي الاطرش يسمعهن من گد قوتهن؛ مبحلقه عيوني ع الرجال الي صار مقابيلي مباشرتاً وثغرة ابتسامه ع حلگه واني لا اخُذ ولا انطي بس شو صارت صدُگ ولزم ايدي وسد حلگي واني بهاللحضه طلعت كُل ماعندي قوه ثابته بمكاني هو يجر بيه واني اذب ثُقلي ليوره خليت ايدي ع ايده الي ع حلگي لزمتهه وعضيتهه حيل دست ع رجله بطرف كعبي انگلبت چلب لزمت ايده مره ثانيه وعضيته من معصمه وهو احتار بروحه بس يطفر استغليت الفرصه وردت اشرد بس رجع لزمني للحضه حسيت هاي هي رح اموت بچيت وبقيت اناشغ واعيط الفرع فارغ بس عسى ولعل واحد مار ويسمعني.
هدوء:هددننيي الله يلعنكك دااگول هدنني منو انت ليشش تريدد تخطفنني والله اله اگول لبابا اخلي يعفنكك بالسجنن يامعفننن.
_اشش صوتچ بت القندره اول شي شوفي بابا وبعدين عود گليله عليه.
بقه يجرجر بيه واني احاول أفلت منه بس بالنهايه هو رجال وقوته اكبر من قوتي وللأسف ماگدرت اسوي شي بس البچي والعياط بيدي؛فوتني لبيت مبين مهجور لان مترب واني گالبه الجو بعياطي ماتوقعت هيچ عندي صوت عالي من صدُگ الشخص لمن يخاف كُلشي يسوي؛دفعني ع غرفه وقفل الباب عليه رجعت ردود ع الباب وادُگ علي وابچي.
هدوء:الله يخخليك طلعننيي والله ممسويتتلكك شي خلينيي ارجع لأهليي احلفكك بعزاززكك حبابب طلعننني طلعننيي.
انتچيت ع الباب مخليه راسي ع رجليه واناشغ يعني كُل مااريد افرح تطلعلي سالفه صفح اريد اعرف شوكت ينتهي هالعذاب شوكت تزورني الفرحه وتبات عندي كم يوم بقيت فتره ابچي ونمت ع وضعيتي؛فزيت ع دفعت باب من قوتهه اندفعت ع الگاع فاتوا زلم ملثمين ولابسين اسود والمسدس ع خصرهم ميزت واحد منهم نفسيته الخطفني ميزته من الطبره الي بحاجبه زحفت ليوره وعيوني تزرزر عليهم بخوف نضراتهم حقيره ووسخه وكلامهم اوسخ صحيح الخوف متملكني بس فرت من سمعت كلامهم واعرف ديقصدوني بكلامهم الوسخ.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
