اليعشگ اله گلبين كون'
گلب للتعب وهموم؛وگلب يداري بي محبوبه
وگلت يلا التعب السكران يهون!
لحد ماصحت من حبك التوبه"
بقلمي.
___________________&_________________
غمضت عيوني وگعدت بالگاع واستغفر الدموع تجمعن بعيني بس فتحتهن نزلن دموعي شفت واحد واگف گدامي لابس حذاء جلد سوده تلمع تصنمت حتى ماگدر ارفع عيوني وأشوف منو رفعت عيني بخوف لگيت آسِر لابس قميص اسود بارز عضلاته وبنطلون اسود ساند جسمه ع رجل وحده والرجل الثانيه مرخيه ومخلي ايد بجيبه والايد الثانيه يدخن بيه بس رفعت عيوني نفخ الدخان بوجهي گمت اگح احس وجهي انطعن احمر اختنگت گوه هدئت وهو بارد يدخن وعطره المعفن يفوح انتبهت لنفسي بلا حجاب ولابسه تراك(بُجامه)ورديه اتسحبت حتى اشرد وميلزمني بس رجليه انشلت من طفه الجگاره بيده اذا ماعنده مانع يأذي نفسه ومينقهر ع نفسه اكيد ح ينهيني تقدم بأتجاهي رجعت ليوره خطوتين لزمني من عكس ايدي تهسترت ابچي و ادفع بي اكو مخزن بالحديقه نخلي بي شغلات سكراب دفعني بي فات وقفل الباب صوتي اختفى من يصير موقف يخوفني ماگدر احچي احبالي الصوتيه متساعدني حتى انطق كلمه وحده نخيت الامام علي كون اگدر احچي المخزن هندس بس ضوه الشمس خافت مخترق الشباك تقدم بأتجاهي الشياطين اتجمعت بعقلي رسمت سيناريو من يمي بسقت بوجهه وحچيت بعصبيه.
هدوء:فدد واحدد ماعندك اخلاق وماتسحي مو تصير بعرضك يا حيوان كلب وحق محمد أصيح بصوت اخلي أمة محمد تتجمع هنا...
بعدني ممكمله كلامي ضرب حلگي بكف ايده شفتي طگت دم انطاني راشدي حسيت حراره تطلع من اذني واني متصنمه ومتفاجأه متوقعته يمد ايده عليه بعدني ممستوعبه انطاني راشدي ثاني وگعت بالگاع اشوف عيونه دم شرايين عيونه بينت؛ ايده ترجف راد ينطيني راشدي ثالث رجعت ليوره ابچي نزل لمستواي وعتني من شعري حچه بهمس مبطن بعصبيه.
آسِر:اشگ حلگچ إذا تجاوزتي ساق*** هسه تصيرين شريفه من اشوفچ بلا حجاب تستشرف براسي بنت الكلب.
كُل هذا صار واني تحت تأثير الصدمة شلون يتجرأ هيچ يضربني ويغلط هنا خرجت عن السيطره بطبعي عصبيه كُلش وهذا هيچ سوه گلبت الدنيا علي بس دموعي خانني اكو عوده يمي لزمته اضرب بي وابچي.
هدوء:لكك كلبب شلونن تضربنني الله ياخذك أن شاء الله بابا مفوتك لبيتنه ويگعدك ويانه بنفس السفره وانت ماخذ خاوه تضرب وتباوعلي من تشوفني بلا حجاب بالچذب نزل عينك.
لزم العوده وضربه بالحايط من شدة الضربه انكسرت دفعني ع الحايط وحاوط رگبتي بأيده اليسره وخنگني عيونه تعبر عن غضبه وكرهه المجهول انگطع النفس عني احس الدم تجمع براسي بقيت اضرب ع صدره وارفس بالگاع بقالي شويه وافقد الوعي ابتعد عني گعدت بالگاع ابچي وافرك برگبتي حتى يوصلني الهوه مااتجرأ احچي كلمه وحده چنت خايفه ماعنده مانع ع هاي العصبيه ويكتُلني لميت رجليه وحضنت نفسي واشهگ.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
