توجعني عيني من أمس لليوم!
بيعه عزيز يطيح ويگوم،
الدكتور شامت دور علوم؛
غطيت الجرح بچومة هدوم!
لـ عبدلله الاسدي.
__________________&_________________
شفت سالم من بعيد واگف يخابر انتبهلي وباوعلي من فوگ ليجوه بنضره ما عرفت شفسرهه تقدم علينه سد الاتصال وسلم ردوا السلام سولفوا شويه وعبروا كُلهم وبقيت اني اخير وحده صافنه ع نضرته إليه اريد افسرهه تدنه يمي باوع بعيوني بحقد وهمس بصوت بس اني اسمعه.
سالم:صحيح انت ما رح تصيرين اليه،بس ادمر حياتچ.
گال هالجمله ابتسم بخبث وراح صفنت شويه ع كلامه بقيت افكر بي شنو هالمواقف الغريبه الي دتصادفني،،انتبهت لشهد تأشرلي نفضت الأفكار من راسي ومشيت بإتجاههم مِتجاهله كلام سالم الي صار جانب چبير ومضلم بحياتي.
__________________.
شهد.
باوعت لهدوء چان سالم يحچي وياهه وراح استغربت ليش هدوء صافنه علي ومدتجاوبه اشرتلهه ع مود تجي صعدنه بالسياره ندستهه بعكس ايدي باوعتلي وهمست بأذنهه.
شهد:شگلچ سالم؟
هدوء:سلم عَليه.
شهد:بس شكله ما يوحي چان يسلم وحتى انت ما رديتي علي.
نزلت راسهه بحيره واردفت بهمس.
هدوء: گال"صحيح انت ما رح تصيرين اليه،بس ادمر حياتچ".
شهد:ابن الطوط صاير رجال عود يهدد مالچ دخل بي وأنت مغندبه ع مود كلام هالزعطوط مال الزگچ براجدي اطلع حرگة سيف بيچ.
ضحكت غيرنه الموضوع بقينه نسولف لحد ما وصلنه للمكان المطلوب،افترينه ع مَحلات ومولات هوايه چانت الملابس مو كُلش حلوه فَ اشترينه فُستانين فضفاض للمُحجبات وحذاء(تكرمون)كعب ورياضيه ندبر بيهن نفسنه واتفقنى نطلع بغير مره،اجى عمو كرار ع مود يرجعنه صعدنه بالسياره ورجعنه للبيت وصلتني رساله فتحته كالعاده شفتهه من سيف،
من صار الخلاف بينه لحد هاللحضه هو يدزلي رسائل واني اشوف واغلس چنت اتمنى اجاوبه بس اسحگ ع گلبي واقسي وكُل ما يصادفني لو يجينه ما اخلي يلمحني مو سهله ع البنت تسمع هيچ كلام من شخص رح يصير زوجهه وشريك حياتهه صح كُل كلامه آذاني بس نضرته ومن گلي"تلعبين ع الحبلين"ما انساهه اموت وتندفن وياي سيف هو كُلشي بحياتي والاذيه منه وإن كانت صغيره كفيله انو تنهي حياتي،
نفضت الأفكار من راسي گُمنه سوينه ماسكات وحضرنه احتياجاتنه للجامعه اني قررت قسم اشعه وسونار ونور تخدير وهدوء جلديه بس نفس الجامعه ذبيت حسره ودمعت انتبهلي البنات واشرلي بمعنى شكو.
شهد:بنات مشتاقه لسيف اتمنى هسه اني احچي ويا واشاركه تفاصيل حياتي،وين اكو هيچ حتى ميدري وين جامعتي ويا قسم اروح.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
