"لگيتك بالدرب صدفه ونسيت الرايد امشيله"
الكاتبه رقيه آلـ حُسيني.
اتمنى تعجبكم القصه ولتنسون التصويت تقديرا لتعبي.
__________________&_________________
فزيت ع صوت نور وشهد وجهن مخطوف لونه فتحت تك عين لان ضوه الشمس صاير بعيني.
هدوء:شبيچن شايفات جني شكو؟
ماردن عليه تأفأفت وگمت تربعت لفيت راسي لگيت منار وامي ومرت عمو گاعدات وامي مخليه ايده ع خدهه وصافنه عليه مو بس هي كُلهم صافنين عليه اريد افتهم شكو محد يحچي.
هدوء بقلق:هسه شبيكم غير تفهموني شكو؟
لطمت أمي ع رجليه وحچت بحيره.
فرح: تصخم وجوهنه.
هدوء:شصار؟
سكتت وبقت تباوعلي ومرت عمو ذابته ع صامت بعد مااتحمل رح اطُگ وهمه صافنين.
فرح:انت شلون تنزعين حجابچ هناك؟
خليت ايدي ع گلبي غمضت عيوني براحه ع بالي شو شكو.
هدوء:صدُگ تحچين ياأُمي وگعتي گلبي هذني لزگن يريدن يشوفن شعري ومن شافنه لبسته.
فرح بعصبيه:إذا اگوومم انتففچ نتتفف اكو اححدد يگلليي ليشش؟گلننه الحجاب لتصمخممي لتنززعي.
هدوء:ماما ع شنو العصبيه خلص هاي اخير مره هنه لزگن صدگي.
فرح:ولچ مررمرتيني شللوون بيه ههسه؟
هدوء:سالفه تافهه يا أُمي شجاچ.
شهد:بنتت الكللبب داليا مخلييه كاامره بالغرفه ومصوورتچ بلا حجاب نوب اكو اللقطات السخيفه هي مصخمتهن وياچ ماخذتلهن صور هم وهاي من غير الفوتوشوب الي المسويته اخذتهن كُلهن واليوم رضا چان طالع يريد يجيب صمون للريوگ ولاگته داليا گلتله اختك چانت حبيبتي وهي ونور وشهد شواذ گال اني ماصدگته والله لو متصير فضيحه چنت ضربته راشدي واراويهه منو الشاذه ما گال غير هذا الكلام وبعدهه راح.
هدوء بصدمه:يا يا هاي شمصخمه داليا من الله يصخمم وجهه الحيوانه بس والله هي صحيح سوت حركات سخيفه ويايه بس اني دفعته وسگطتهه وانتن شفتنهه بعينچن وجهه بي خراميش وكدمات شو صيحيلي رضا وينه خلي احاچي.
طلعت شهد تصيح رضا واني مصدومه يعني لا منهه ولا عليهه ليش اوگع بيهه ماادري منين طلعتلي هالسالفه يربي اجه رضا عيونه حمر گعد يمي حاير بقه ساكت.
هدوء:بس لا مصدگ؟
رضا:ولچ انت مخبله اروح العن ابوهه واطيح حظ امهه ع التربيه بس هي بت المطي گالت تنشر صورچ وتشوه سمعتچ اني هاي المحيرتني شلون احلهه مااعرف ولحد الان ماكو احد يعرف غيري ولا اريد احد يعرف بس خاف السالفه تنتشر والله مااقبل تمسچ حچايه ازوعه العافيه اليفتح حلگه بكلمه توجعچ.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
