انه تعبان افهموني!
تطلع روحي كُل ساعه،
إذا ما اموت موت الله اسوي الليله طرگاعه!
على عيوني التعب گاعد،غراب وينهش بجثه"
اضم عيوني بإيديه،امثل،عود اريد اغفى
إفهموني! الوجع اكبر بعد ما ينضم بغرفه؛
صياح،وناس جاي تموت، أحس براسي مستشفى.
لـِـ عِزام الشِمري.
__________________&_________________
هدوء.
گعدت وخليت ايدي ع خَدي وكلام البنت نفس المُسجل كُل شويه ينعاد،چنت اشوف هالكلام ع برامج التواصل الاجتماعي بس ما تخيلت بيوم تنحچى بوجهنه شگد تمنيت لو نتوحد ونصير أُمه وحده نفس ما گال النبي محمد(ص)بس المُشاحنات مَتخلص زفرت بقوه باوعت لأنحاء الغرفه شهد ونور نامن بقيت بس اني گاعده گُمت حتى افرش فراشي وأنام أحسن من ما اهلك نفسي بالتفكير،إستوقفني دخول مَنار باوعت لنور وشهد.
منار:شوكت نامن؟
هدوء:قبل ساعه ونص تقريباً ليش؟
منار:سيف يريد شهد.
هدوء:گُليله من تگعُد اخليهه تتصل عليك.
هزت براسهه بمعنى يي طلعت وسدت الباب جريت فراشي فرشته وخليت راسي ع المُخده شلون نداوم بعد راحت سنه كامله علينه،إستسلمت عيوني النعاس واوشكت ع النوم بس موبايلي رَن رفعت راسي سحبت الموبايل من جوى المُخده شفت رقم غريب رفضته ودزيت استفهام رد كتب هوَ"أني آسِر ردي ع الاتصال"،بدون ما افكر كتبت.
هدوء:خلي اطلع من الغرفه وأتصل.
طلعت من الغُرفه صعدت ع السطح وإتصلت رئستاً رفع الاتصال وحچى بإندفاع.
آسِر:ليش الكَلب فصلچ؟وأهلچ بچوچ من دروا بيچ مفصوله؟.
هدوء:منو گلك بالموضوع ؟
آسِر:هسه عرفت من سيف.
هدوء:يي تعاركت ويه بنت غلطت بالكلام فَ ما تحملت وضربتهه هيَ راحت اشتكت للمدير علينه وفصلنه بالنسبه لأهلي رزلوني بس ما بچيت.
آسِر:يي عفيه ببنيتي الشخص غلطان وياچ ما غلطان جري من شعره ولعني ابو وأنه بضهرچ بس ليش تعاركتي؟
هدوء:حچت ع الشيعه والإمام عَلي(ع) سابقا،وإستهزأت بينه ما گدرت اسكُت مع إنو اكره سالفة سني وشيعي أحب نكون متوحدين بس هي البدت واني الي يدحچ بيه بهذنِ الأُمور بعد ما اشوف شي گدامي بس هوَ.
آسِر:بعد يومين يجيچ خبر ع هالعَميد،ونذر عَليه بس تصيرين يمي أعلمچ حتى ع البوكسيات واعلمچ ع المُسدس وشلون تتعاركين.
هدوء:هههه أنوثتي دتلطم.
آسِر:هدوء والله احبچ إقبلي بيه وتزوجيني.
صفنت بكلامه احس اكو صوت بداخلي يدفعني يگُلي گُليله احبك تقدمت هالخطوه وما عرفت اكو حياة ضلمه منتضرتني.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
