اذيتني بگد ما چنت مهتم بيك،
الله أكبر ما بگلبك رحمه؟.
__________________&_________________
آسِر:أنه فتت لحياتچ بسبب ابوچ.
مسحت دموعي وانخفضت انفاسي خايفه لا اسمع شي يجرحني بعد حچيت بإستغراب مبطن بخوف
هدوء:ما فهمت شلون يعني؟
آسِر:ابوچ حكم ابوي بالاعدام ومات مضلوم.
هدوء:انت منين جايب هالكلام بابا مو قاضي وماله دخل بهالقضيه كُلهه.
آسِر:چا ابوچ شيشتغل؟
هدوء بخوف:مهندس بناء.
آسِر:ههههه عايشه بچذبه من صغرچ وهسه انه راح انهيه.
بلعمت ما اريد اسمع الي ببالي غمضت عيوني بنفاذ صبر.
هدوء:والمقصود؟
آسِر ببرود:ذوله مو اهلچ يحلوه.
"هَلي والما إله أهل ماعنده عنوان،
شمرتوني بعمر بي يستحي الشيب!
وتخليتوا بوكت ما يعرف العيب.
احس اكو شي بداخلي انخطف،أطرافي وشفتي ترجف،غصه ببلعومي احس بلاعيمي رح تطُگ،لساني مربوط،اباوع لآسِر يحچي وياي بس بالي مو يمه،كُلشي عشته ويه الي اعتبرتهم اهلي مر شريط بعيوني،ضحكاتنه،سوالفنه،بچينه،هسه فهمت مسامير عماتي،تمنيت ابچي، اعيط، اكسر اعاتب،ولا وحده گدرت اسويهه بس صافنه وصوت آسِر يتكرر بأذاني مثل الصدى"ذوله مو اهلچ"
يعني سوتهه الدنيا وعكست وياي كُلش،اختنگت من الغرفه فوگ ما حياتي سواد الغرفه هم سواد گُمت بهدوء حتى اصعد فوگ السطح،باوعت لآسِر ما اعرف شوكت نام ع الگاع ببعثره والبطل بإيده،طلعت للصاله متوسطتهه طاوله متروسه مشروبات مُحرمه مشيت بقوه خاويه وصعدت للسطح ضلمه وبي ثغرة ضوى نفس حياتي،خليت رجلي وخطيت اول خطوه الرمل يُداعب اصابيع رجلي والهوى يُخترق خُصلات شعري،ونشف عيني المليانه دمع من الدمع،
صفنت ع القمر وگعدت،لميت رجليه إليه وحضنتهن بدى الكلام ويه نفسي،اني الي أحچي ع اليشربون هسه زوجي يشرب وما أگدر التچئ لأهلي لأن ذوله مو أهلي حرام يتكفلون بيه ويعيشوني يمهم بعد بلغت وصار عُمري أكثر من 18 حرام اعيش يمهم وأبويه مو أبويه الحقيقي،لازم أسند نفسي واصحح آسِر واقوي روحي أكثر والكُل يخليلي إعتبار،
ما عتبت ع أهلي ولا لمتهم حقهم من محبتهم إليه ما گدروا يحچولي همه سووا وياي الي ميسووا الأهل،چانوا نعم الأهل وما زالوا رح اعتبرهم أهلي واحبهم نفس حُبي واكثر،بس لازم اصبر وما ابچي ولا أنهار غمضت عيوني وجلى صوت الاذان بـ "الله واكبر"بقيت گاعده وع نفس وضعي،طلعت الشمس واني ع نفس وضعي وافكر بحالي من بعد تفكير طويل قررت ما اهتم لأي مُشكله تصير وياي وأعديهه وما ابقى افكر بيهه واحلهه بهدوء ما اريد بعد شي يأثر ع نفسيتي اني تعبت بما فيه الكفايه،
أنت تقرأ
بين نار الانتقام
غموض / إثارةهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
