أنه داخل حروب؛
تخوف الميتين!
وما هَزتني لو خاسر'
أنه الهَزني كلامك ذاك/
الأخطر من ورى الساتر!!
الكاتبه رقيه آلـ حُسيني.
اتمنى تعجبكم القصه ولتنسون التصويت تقديرا لتعبي.
__________________&_________________
نور.
لمن هدوء رجعت مااعرف شنو اوصف احساسي بيومهه؛ بس منتبهتلهه مو ع بعضهه لو مگضيتهه نوم لو تتصفن اشوفه تريد تشارك بالكلام بس متگدر بسبب فقدان صوتهه وتكتفي بالابتسامه وتبقه تتحلم بكوابيس وتگعُد مخترعه كأنو دتشوف شي كدامهه وتخلصهه بچي وصفنات.
نور:اگُلكم لشوكت تبقى هدوء هيچ حالتهه؟خلي نسألهه شبيچ حتى نوگع ع علتهه مو گلبي انمرد مااگدر اشوف اخيتي هيچ هسه بس تگعُد اسأله حتى لو اخليهه تكتبلي.
مسلم:نور لازم هدوء تنسى الموضوع كُليا بحيث من نجيب طاري لهالموضوع ما تخاف وتحچي بطمئنينه هسه هي تعبانه نفسيتهه إذا سألناهه راح تتعب أكثر اريد تتعالج واشوفه صارت زينه يلا تسولفلنه.
وافقوا الرأي وبقوا يتناقشون بموضوعهه ذوله شيحچون هدوء صارلهه يومين هي ع حالتهه اني ماابقه انتضرهم بس شسوي؟فتت الغرفه تمددت يمهه وحضنتهه واني افكر شسوي بموضوعهه اجه مُعاذ ع بالي يي هو الوحيد الي يگدر يساعدهه الوحيد هدوء ارتاحتله الوحيد صار مخزن اسرارهه الوحيد هدوء متتقيد يمه والأهم من هذا كُله تحبه طفرت لموبايل هدوء تخنست لغير غرفه ادري الوقت متأخر بس من الحماس والاستعجال اتصلت علي هو گبل فتح الاتصال.
مُعاذ بلهفه:هدوء هاي انت بابا وين صرتي والله قلقت عليچ.
نور:هاي اني دكتور.
ذب حسره حسيتهه شگت صدره؛ حچه بصوت واهن.
مُعاذ:شلون بيه لحد الان هدوء ماكو وين اروح أنه.
نور:هدوء رجعت.
مُعاذ:گولي والله؟
نور:والله.
صفن شويه وبقه يحمد الله سمعت شهگته هاي شنو بچه؟.
نور:دكتور تبچي؟
مُعاذ بغصه: انت ماتدرين شصار بيه من هدوء انفقدت ردت اعرف خبر عنهه ماخليت صلاه ما صليتهه ما خليت دعاء ما دعيته مگابل القران وأقره واندعي ترجع هدوء الفضل لألله الف الحمدلله والشكر ما رد عبد ملتجأ اله.
سكت وبقه يبچي مااصدگ الدكتور يبچي؟لعد شگد يحب هدوء شگد صادق تجاهه.
مُعاذ بهلفه:اخيچ خليني احچي وياهه خلي اسمع صوتهه.
نور:نايمه هسه.
مُعاذ:من شوكت رجعت؟
نور:اليوم الضهر رجعت.
مُعاذ:ليش ما حچيتيلي ورحمتي گلبي.
نور:دكتور ماادري اني هم متفاجأه وفرحانه حتى نسيت اگُلك هي رجعت واني اعتذر ادري الوقت مو مناسب بس مااتحمل اشوف هدوء بهالحاله فاقده صوتهه بس تبچي وتتحلم كوابيس وتگعُد مخترعه شلون اتصرف مااعرف.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
