تعال إحچيلي شيحلها؟
عيونك ما تحبني الفدوه اروحلها!
چنت امسح دمعتك زين،
مسحة صورة الميتين؛
ها وأنه الاصعدلهه ما انزلها
انه لخاطرك رحت أعتذر من ناس،
چانت لو تسلم ما أگوملها.
لـ باهر الجنديل.
__________________&_________________
كُلشي انسد بوجهي ما عندي حلول المن التفت للألم الي بداخلي؟لو لآسِر لو للفضيحه للجايتني؟شلون اتقبل آسِر بحياتي واني اسمه كارهته وگلبي يم مُعاذ شصار بيه شوصلني لهالحاله؟حسيت نفسي دا انسحب للضلام وعيوني بدت تغمض شويه شويه وافقد توازني وگعت بقوه ع الگاع وهمست.
هدوء:رَبي رحمتك لتعوفني.
غمضت عيوني بس اسمع اصوات يمي ما عرفت اميزهن لان دا اسمع بس كلام سالم وينعاد كُلشي عليه بعدهه ما حسيت بشي ورحت للضلام،حسيت شخص يطبطب ع خَدي فتحت عيوني ببطئ بدى الضوى يخترق عيوني منا لمن توضحت عندي الرؤيه راسي بحضن أُمي وتمسح بوجهي ومنگعه ماي حچت أُمي بصوت فرحان.
فرح:گعدت گعدت هدوء،شبيچ يُمه شجاچ شنو اليوجعچ؟
ابتسمت مُجامله گُمت من حضنهه وانتچيت ع الحايط وهمه تجمعين عليه ويترقبون كُل حركه تصدر مني تذكرت كُلشي صار وياي حسيت نفسي بدوامه مدا اگدر اطلع منهه.
هدوء:ما بيه شي بس اعتقد صار عندي هبوط من الضغط الصار عليه لتقلقون.
عماد:بابا هدوء مضوجچ شي؟شو اشوفچ حتى بهالزواج ما فرحانه وضعيتچ باقيه نفسهه تردين تلغين كلشي؟
عاطت أمي بفزع وخزرت عماد.
فرح:يا يممه صخامم هدوء تلغي كلشيي؟شسوالهه الولد شو شايلهه بالصلوات لا تخلون حجج ع مود تلغون الخطبه البنت تخربطت وداخت السالفة مو يم الخطبه اصلا.
كرار:يا ام عماد غير نفتهم شني السالفه اصبريلنه انطينه نفس نحچي،احچي بابا هدوء خو ممجبوره على شي؟
ردت احچيله كُلشي بس تذكرت الڤيديو هددني يراوي لأهلي بس افتح حلگي بكلمه نزلت راسي لا باليد حيله نفيت الكلام وحچيت.
هدوء:لا بابا ماكو هيچ شي.
رضا:چا خوش هسه ارتاحي شويه هسه اسويلچ عصير برتقال.
راح رضا وتطشروا كُلهم ما خليت احد يحس انو اني بيه شي بس انكشف انفضح يدفنوني ما بيهه مجال بقيت الخنگه بداخلي ومخليتهه ع الله اجى رضا جاب عصير شربه إليه وبقى يسولف وياي،قررت اي فرصه تجيني احچي لآسِر عن كُلشي والباقي بيد الله اني ما اگدر اعيش حياتي ويه آسِر وبالي يم غيره،
فتت للغرفه لزمت موبايلي ودزيتله رساله بدون مُقدمات مضمونهه"اريدك بموضوع"،انتضرته يرد ماكو كُلش تأخر اعرف هذا وقت شغله بس گُلت بلكي يجاوبني لان الموضوع كُلش مقيدني مدا اعرف اسوي شي من گد التفكير،تذكرت كُل كلمه گالهه سالم وشلون هددني انفجرت بالبچي المثلي زواجهه ع الابواب ضحكتهه شراع إما اني گاضيتهه بچي وخنگه خاف اتزوج آسِر،خاف أهلي ع ساعه يدرون ويجون يموتوني،
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
