عندما تحاول فهم عقلي ستفقد عقلك.
الكاتبه رقيه آلـ حُسيني.
اتمنى تعجبكم القصه ولتنسون التصويت تقديرا لتعبي.
______________________________________
في ليالي شتاء القارصه هنالك فتى ذات الاحدى عشر عاما ذاق مُر الحياه وجشعها.
فتت للمخزن رجليه خيوط من التعب وعمود الفقري أحسه رح ينقسم من گد ما يأذيني باوعت لأطراف اديه زرگ من البرد ومزينه ايدي الچويه بالصيخ من العكس للمعصم مخزنه جراحه لان ممضمدهه والألم يموت بس متعود عليهن تمددت ع الچرچف الرجفه سرت بجسمي لان الچرچف خفيف والگاع بارده خليت ايدي ع عيوني وغفيت بسُرعه من گد ما تعبان فزيت ع دفرة الباب غمضت عيوني بقلة صبر عرفته هذا مُعذبي.
آسِر:استغفرالله خييير؟
قاسم:گوومم خلصتتهه نوومم گوم.
آسِر:شتريد؟
قاسم:الحديقه ليش ماراشهه؟
آسِر بأستهزاء:الله عليك؟
قاسم:گومم رشش الحديقهه صارللكك ساعه كامله ناييمم ماشبعتت.
درت وجهي للجه الثانيه وخليت چف ايدي جوه خدي مامهتم غمضت عيوني وگُلت.
آسِر:من فجر الله گاعد وبعدين احنه متفقين من الفجر لل 2 بليل اشتغل و3 ساعات استراحه خليني منطمر وسد الباب وراك.
حسيت خطواته وراي ودفرني بخاصرتي خلاني اتلاوه بمكاني صارت الدمعه بطرف عيني من الألم بس تذكرت وعدي لنفسي انو ماابچي لأي سبب چان؛لزمت مكان الضربه وگمت بكل حيلي طفرت علي وزنگته من ياخته صحيح انه ضخم بس مو بضخامه قاسم وهو منا سمين لزم ايدي وعصرهه وشمرني بالگاع وانهال عليه بالضرب من دفرات وبوكسيات ولويات اخير شي بسق عليه وگام يخزر بيه.
قاسم:لو ماا املاكك ابووكك ثانييه ماابقييكك عندديي گوم رش الحديقه وعقابب الكك تحملل گوانني الاسمنت وتشتغلل حالك حال العماله وما تنام منا لثانيي يوم ب 3 وتگعد بال 5و إذا ما نفذت ابيك احرگه.
طلع وطبگ الباب صار يوگع من الباب شُتات الخشب والهضمني غلط ع ابوي حاولت ماابچي بس انه طفل عمري 11 سنه لا من اخ ولا من أهل گعدت بزاويه المخزن وبچيت الدم ينزل من گصتي ع عيني مسحت وجهي بشكل عشوائي گمت للحديقه فتحت الصونده ورشيت ماي ع وجهي باوعت الماي يوگع وبي لون احمر يعني بعدني أنزف مسحت وجهي ورشيت الحديقه وگصگصت الحشيش باوعت للبيت شگد چبير لا مو بيت قصر والسيارات تارسه الباب چنت اتمنى افوت للبيت بس قاسم مايخليني افوت اله إذا عندي شغل جوه شامرني بالمخزن مثل الچلب غسلت مُمر الحديقه وغسلت سياراتهم هلكت گعدت شويه ارتاح شفت قاسم يطلع من البيت طفرت بسرعه ورحت لشغلي اشتغل خباز وطبعا مالي فلس كلهن بحلگ قاسم الخايس كلش جشع ابوي فلوسه يمه حتى يربيني ع باله زلمه حوگ طلع اجشع منه ماكو ياكل بفلوس الناس ويرجع ليوره فلوسه كلهن حرام وگفت گبال فرن الصمون هاي شوكت وصلت مااعرف واكيد مااطلع من الفرن بدون چويات سلمت ع الجماعه الوياي وبلشت شغل أثناء ما جاي اشتغل گبت النار بوجهي رجعت ليوره مفجوع أجوا الجماعه الوياي وتطمنوا عليه وشربوني ماي كلش حبابين خلوني ارتاح شويه وانطوني خبز اكله شفت انعكاسي بالزجاج باوعت لشكلي التعب مبين عليه انتبهت أكثر شفت مقدمة شعري محترگه ورموشي وحواجبي هم شحيت وجهي صفنت بركن افكر شوكت اخلص من هالعيشه ندسني صاحبي.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
