تدرون شوكت الحزن يبدي؟من المغربيه!
اهات وحزن ودموع ضاگ النفس بيه؛
يادنيا عاينيلي شوكت ارتاح؟من تمرني المنيه؟!
بقلمي.
الكاتبه رقيه آلـ حُسيني.
اتمنى تعجبكم القصه ولتنسون التصويت تقديرا لتعبي.
__________________&_______________
عفتهن يحچن وسديت الباب بوجهن رح يجلطني ذني باوعت للموبايل الاتصال منقطع احتاريت شسوي استحي اتصل دزيت رساله.
هدوء: السلام عليكم دكتور تفضل؟
شاف الرساله وبسُرعه اتصل ايدي صارت ترجف مدري شبيه متوتره وگلبي رح يطلع من القفص الصدري من گد دگاته الهمجيه سميت بالله ورديت.
هدوء:الو.
مُعاذ:احبچ.
هدوء:ها؟
عضيت شفتي السفلى گبر هسه ماطلعت مني بس هل كلمه حتى مُعاذ بقى ساكت بس صوت الهوى القوي وانفاسه اسمعهن.
مُعاذ:أنه اعتذر اعرف مايصير اگلچ ؛لان احنه متفقين مانحچي بس بوقت احتياجچ إليه بس مااتحمل اريد اعرف رأيچ بيه اريد اجي اخطبچ وتصيرين حلالي تعبت من گد ما منتضر انت أخذي راحتچ بالجواب وأنه مستعد انتضر العمر كله.
گلبي زادت دگاته مااعرف شجاوب بقيت افرك السبابه بالابهام توترت وفرحت لا مو فرحت متت من الفرح ماتوقعت يجي يوم مُعاذ يحبني توقعته ممخليني بباله حچيت بصوت خافت.
هدوء:دكتور.
مُعاذ:اخخ يا عيونه وگلبه شكثر مشتاق لصوتچ اريد اضمچ بروحي.
هدوء بتوتر:ءءء دكتور شسمه مااعرف شحچي.
مُعاذ:هدوء انت شفتي عيب بيه؟
هدوء:لا.
مُعاذ:اكو شي ما عاجبچ بيه؟
هدوء:لا.
مُعاذ:تحبيني؟
هدوء:دكتور حباب لتحچي هيچ.
مُعاذ:خلص خلص اسف؛هدوء.
هدوء:ها.
مُعاذ:احبچ.
هدوء:دكتور فاجئتني مااعرف شجاوب.
مُعاذ:اتمنى لو هسه انت يمي چان حچيتلچ شصار بيه من شفتچ.
هدوء:شصار؟
مُعاذ:فرهدتيني؛عندي دفتر كاتب بي كلشي حسيته من شفتچ واكتب من اشتاقلچ اكتب من افكر بيچ بس تصيرين إليه انطيچ الدفتر تقري.
بقيت ساكته مثل الثوله انثولت مااعرف شحچي من گد الفرحه والخجل؛ اتمنى اگُله احبك بس خاف يأخذ نضره عليه من سألني إذا أقبل يخطبني ضحكت بگلبي ميدري هاي چانت براس ورقه امنياتي حچيت من دون ماافكر.
أنت تقرأ
بين نار الانتقام
Mystery / Thrillerهنالك فتاة تعيش حياتها بهدوء وسعاده مع عائلتها وفجأه تنقلب حياتها إلى مشاكل لم تكُن في الحسبان وحزن يرافقها لفتره طويله ويدخل في حياتها شخصان أحدهما تُحبه والآخر غير مهتمةٌ به ياترى من الذي سوف يأخُذها إلى عالم السعاده؟
