خالتو افنان : ي بتي سلامتك ياخ انتي ما اكلتي شي كدي ارتاحي و انا بجيب ليك الغدا.
تهليل : لا مافي داعي تتعبي نفسك انا برجع هسي.
_ ترجعي شنو في الوضع دا حتموتي يا بت، كدي ارتاحي شكلك لسع مصدومة.
امجد كان قاعد في الكرسي من بعيد و بعاين ليها لمن اتلاقت عيونهم زح عينو بي سرعة.
تهليل اتحسست من وجودها بس الوضع ما يسمحليها تطلع و تخاطر.
امجد : بقيتي كيف؟
تهليل نزلت راسها من الخجل و ردتو بي توتر : الحمدلله كويسة، وااانت جررحتك ما عملت ليها شي.
امجد : لفيتها بي شاش بتبرا قريب ان شاء الله .
تهليل : اه كويس.
بقو ساكتين و كل واحد برعى غنم ابليس و عيونهم ما فارقت الارض.
خالتو افنان جابت الاكل ، تهليل كانت محرجة شديد انها تاكل بعد العملو ليها اول ما اتلاقو.
اكلت و خلصت اكلها مشت تغسل يدينها لقت امجد قاعد في السلم و ماسك سندويتش و بياكل، تهليل حست بالاحراج بس مشت عليهو لمن شافها قعدت معاهو في السلم و اتلفتت عليهو.
تهليل : شكرا.
امجد : علي شنو؟
تهليل : علي كل شي سويتو لي الليلة لو ماكان انت كان انا هسي ما معروفة وين.
_ العفو ولو.
_ كيف الجامعة معاك؟
_ الحمدلله ماشي الحال.
_ دخلت مجال شنو؟
_ ادارة اعمال.
_ حلو ماشاءالله الله يوفقك.
_ جمعا
_ هيلين وين؟
_ قاعدة لسع في اسبانيا بترجع إن شاء الله شهر ٨ هي وراجلها.
_ حلو.
لحظة صمت.
تهليل : متذكر ايام الاساس،... ايام كنا سوا.
امجد سكت مسافة و رد عليها.
_ اي ايام كنتي ساكاني طوالي.
_ انت الكنت بتسك فيني.
_ متذكرة لمن اتنقلتي لي فصلي عشان تكوني معاي.
_ انت الاتنقلت، و كمان ابو يقبلوك قمت بكيت لي خالتو افنان عشان تقنعهم يدخلوك معاي.
_ هاي متذكرة سعت كنتي بتحاربي البحوربوا وبتصالحي البصولحو.
_ انا الكنت عاملة شلة وانت كنت ساكينا بس كنا بنحورب الناس و انت بتحاكينا بس.
_ كان عاملين شلة اصحابي و كنتو بتكاووهم لاكين اول ما بقيت معاهم صاحبتونا و اتقربتو مننا وانا عارف انو دا كلو كان منك.
_ متذكر لمن رميت السبورة وانت قلت دا انت عشان يدقوك بدلي.
_ دي كان انتي و قلتي دي انتي عشان تدافعي عني عشان الاستاذة بتعرفك.
_ متذك....
قاطع كلامها : متذكرة يوم جيت اول يوم الجامعة و دفقتي فيني العصير و غسلتي لي قميصي ..... .
_اي، شنو؟
_ انك حضنتي قميصي، كنتي بتتخيلي انك حاضناني ولا شنو؟ 😏
تهليل دخلت في ضفورها و بقت ما عارفة تمشي وين من الاحراج.
تهليل : شنو ، متين دا؟
امجد : ما تنكري شفتك.
تهليل :....
امجد : هي بهظر عان خافت كيف 🙊.
تهليل قامت بي سرعة منو و مشت علي المغسلة غسلت يدينها و مشت علي الصالة لاقتها خالتو افنان وقالت ليها.
_ يا بتي طمني اهلك ديل بكونو قلقانين عليك قالو الشبكة رجعت.
_ تلفوني وقع في الجامعة وانا بحاول اطلع.
_ سلامتك ياخ بس، شيلي تلفوني اضربي بيهو.
_ خلاص طيب.
قاطعهم امجد وهو جايي عليهم.
امجد : في ارقام غريبة داقي علي بالآلاف كدي شوفيهم امكن يكون تبعك.
تهليل عاينت ليهو مسافة بعداك شالت تلفونو عاينت الارقام لقتهم رقم امها و خالاتها و اخوها و عمها وعمتها و بنات خالهاوخالاتها و بنات و اولاد عمها و عمتها و حبوبتها وليان و رحيق و احمد و عبدالله و صحباتها. قلعت عيونها واسغربت من كترة الارقام و طوالي ضربت في رقم اخوها عشان زعلانة من امها و ما عايزة تتناقش معاها تاني.
_ الو اهلا.
جاها صوت كلو بكا و كان في جوطة.
_ تهليل ي غبية انتي وين الله ياخدك ياخ الله ياخدك الله ياخدك.
وانهمر في البكاء.
_ هي حسام مالك؟ خير؟ في شنو؟
تهليل قلبها بقا يضرب زيادة وبقت خايفة شديد.
_ حساااام؟ الو؟ في شنو ي ولد.
و انقطع الخط تهليل بقت تمشي يمين و شمال و هي ما قادرة تتنفس.
تهليل : خالتو معليش بس ممكن طلب؟ بس عليك الله وافقي.
خالتو افنان : خير ي بتي.
_ بس عايزة ارجع بي عربيتكم سريع ماشة بيتنا الوضع ما مطمن.
_ مالك ي بتي أن شاء الله ناس البيت كويسين.
_ و الله ماعارفة انا زاتي، اتصلت علي اخوي حسام و كان ببكي و كان في جوطة في بيتنا و مكالمات كتيرة جاتني من اهلي كلهم، والله يا خالتو انا خايفة و مقلقة شديد .
_ خلاص خير يا بتي امجد بوصلك، والله بخاف عليكي.
_ لا ياخالتو انا بجازف و بصل، لاكين امجد حيكون عندو مشوارين.
امجد : اركبي سريع.
تهليل : لا ماحأركب.
امجد بغضب : مستحيل اخليك تطلعي براك قومي اركبي سريع.
تهليل مشت ركبت و هو ساق العربية اتخطو الشارع الاول بدون عوجة، واول ماوصلو التقاطع لقو الشارع مقفول.
امجد : لاااااااا لااا.
تهليل : خلاص انت ارجع انا بتمو كداري.
امجد : ي بت انتي غبية؟
تهليل : الحمدالله الله اداني عقل.
نزلت من العربية، امجد ركن العربية سرعة و لحقها ومسكها من يدها و بقا بجري لاقوهم ناس قبيل امجد شال حديد و هددهم بيها بس ماخلوهم، نتق يدها و جرا معاها لحدي ما ضيعوهم، كانو بيخوضو الدخان و قزاز العربات المكسر و الحرايق و بجرو، لحدي ما وصلو البيت.
دقت الباب و فتح ليها خالها و عاين ليها مسااافة و عيونو خايفة و حزينة في نفس الوقت و طوالي حضنها وقال ليها عظم الله اجركم.
تهليل بقت مخلوعة و امجد بقا بعاين لي خالها بي استغراب.
تهليل فكتو و قلبها بدق بي سرعة، و هي بتتلفت دخلت جوة البيت و بقت بتفتش فيهم كأنها بتتفقد الموجودين عشان تعرف الميت منو.
عيونها بقت حايمة في المحل لحدي ما وقعت عينها علي اخوها القتو ماقادر يقيف و دموعو زي السيل، جرت عليهو بي قوة و مسكتو و هي بترجف.
_ حسام.... حسسسااام... ممم... ماااماا.. ووو.. يينن ؟
حسام غمت عيونو و قعد علي ركبو و قعد يبكي بأعلى صوتو و ينحب و يصرخ.
تهليل عاينت ليهو بعدم تصديق و بقت ماقادرة تعاين قدامها و هي بترجف و العرق بصب منها، بقت بتفتش عليها و هي ما مصدقة الحصل، و تتلفت زي المجنونة و تعاين في كل الاتجاهات و هي بتنادي : ماممما.... ماااااامااااا... انتي وين... انتي وين ي ماما....عليك الله رديني... والله ماقادرة... لالااااا لااااااا.... ما بصدقكم.... دسيتو امي وين.
ومشت علي الضيوف و بقت بتمسكهم واحد واحد وبتكورك فيهم و في وحدين بتضربهم : حسساااااااااام.... حسااااااام.. انت الدسيتها.... عشان انا تشكلت معاها صاح مش.
و مشت عليهو و بقت بتكورك فيهو: انت دسيتها مش.... عشان انا اتشكلت معاها... اي بعرفك.
بقت تبكي زي المجنونة وبطريقة هستيرية وهي بتشهق و قلعت طرحتها و رمتها و ضربت شنطتها بي حسام و بقت بتجر شعرها و تاكل اصابعها و تكورك و تضرب ركبها و هي قاعدة في نص البيت .
_ تهليل... تهليل...
_ اسكت منيييييييي طلع لي ماما بس.... انا عايزة اشوف ماما اخر مرة عايزة اتكلم معاها اعتذر ليها بس... اشوفها... اشوفهااا اخررر مرة بس..... عليك الله يا حسام.... علييييييييييك الله.
حسام بقا ببكي زيادة و حضن اختو الكانت بتضرب فيهو عشان يفكها.
امجد كان بتفرج ساي و دموعو بتنزل كان مجرّد من اي قوة ماكان قادر يعمل اي حاجة، كان نفسو يحضنها يواسيها يطمنها يحسسها بي شوية امان بس ماكان قادر.
تهليل رقدت في الارض واتلفت علي نفسها و هي بتبكي، اخوها حسام شال طرحتها و ختاها ليها في راسها.
عاينت ليهو وقالت : هديك ماما يهديك.
نطت من محلها وبقت بتتكلم مع خيالها و هي بتضحك.
حسام انفجر من البكا و بقا بيرجف من البكا وو قع في الارض.
تهليل ما اشتغلت بيهو وواصلت البتعمل فيهو كان وصلت لي درجة الهذيان، الضيوف نقلوهو لي مركز صحي و ادوهو درب لمن صحا بعد ساعة.
ناس الدفن وصلو وكان شايلين الكفن تهليل جرت عليهم و لحقتهم في الشارع ليان و بت عمها مسكوها بس فكتهم وجرت الشارع، بقت بتتلفت و هي بدون طرحة و شعرها منكوش زي المجنونة. جرت عليهم لمن شافتهم بطلعوهو فتحتو طوالي من غير مقدمات و هي مخلوعة من المنظر الشعر محلوق و قطن في انفها و فمها و اضنينها، طلعتهم و بقت تمسح و شها و تربت عليها بي لطف وبتبكي : ماما.... ماااامااا.... ماما... عليك الله اصحي.... ححخلفتك... علليييييييك الله... ياامي... ياغاليتي... اصحي عايني لي بس... خليني اتكلم معاك.... لي دا كلو... لي... لي.. ليييييييي... لسع ما اتصالحنا يا ماما... لسع ما حكيت ليك يومي في الجامعة.... لسع ما اتكلمنا واتونسنا.... لسسسسع... لسع ما... ما اعتذرت ليك يا امي... اعفي لي ي ماما... اعفي لي.... اعفي لي يا الحنينة... جرحتك و هبشك.... غالية و الله غاااااالية.... ما تعاقبيني بالطريقة دي... ما تعاقبيني بيك... اصحي بس... اصحي بس... لأخر مرة... كلمة وحدة بس.... ليعملو فيك كدا... لي حلقوك و عملوك كدا.... لو كنت معاك ماكان حصل دا كلو... يا اميييي... ياااااااااميييييي..... والله بحبك.... بحبببببك.. يا ام الكل... لي خليتيني و مشيتي... دا كلو عشان ماكنت جمبك... دا كلو عشان ماكنت معاك.... مش... دا... دااا... دا عشان القرفالاصريت البسو دا.... دا كلو منو... دا كلووووووو منووووووووووو.
و بقت تحاول تشرط البنطلون و تقطعو، ماف زول اعترض طريقها ليان قعدت في الارض و هي بتبكي لمن سمعت كلامها، وامجد بعاين ليها من بعيد و دموعو بتنزل.
تهليل بقت بتمسح راسها و هي تاكلة راسها جمبها و بتغني : امي يا زينة يااااطيبة وحنييينة..... بحبك ياامي.... بحبك... بحبببببك يا اغلى من الماااااس... ما حصل غنيت ليك الغنية دي... ما حصل قدرتك و بست راسك وقلت ليك يا حنينة يا غالية.... ماحصل فرحتك.... ماحصل مسحت راسك.... ماحصل قلت ليك بحبك.... والله غلطت في حقك.... وما ديتك حقك.... ما تدفعيني الغالي ياالحنينة.... ما تدفعيني....
ماكفاني ماشفت الغالي كمان تضيعي مني انتي.....كنتي دايماااا تقولي لي يتيم الماعندو ام.... اها... اها... حسي... خليتيني زي الماعندها سياد... زي الماعندها لاضهر لا رعاية... خليتيني يتيمة يتيييييمة..... يتيمة ياالغالية.... يااااااا امييييييييي..... يا ابوييييييييييي.....
قعدت تشهق و تبكي بي هستيرية جات جمبها سماح بت عمها غطت امها و قعدت جمبها و ربتت عليها.
_لسع ما حضرتي سنتي الاولى.... ولا حضرتي تخريجي... ولا خطوبتي ولا عرسي... لا حضرتي ولادتي... ولا سماية جناي... لي ما عمرتي معاي ولا حجيتي... لي لي يا الغااااااالية..... لي... لي..
وقعدت تبكي بصوت خافت طوالي جات عليها بت عمها و رحيق وليان و حضنوها و بقو ببكو معاها و بواسوها.
......
