خالتو صباح : ي نغم شيلي الفطاير و تعالي سريع.
_ اي طيب جاية.
دخلت المطبخ شالتها بي سرعة و جرت علي الباب و اصدمت و هي جارية بي وائل، وائل مسكها و مسك الصينية باليد التانية.
_ بسم الله، معليش قومي.
_ ههه.... هاهه.. الحمدلله ما وقعت الصينية.
_ ي غبية انتي كنتي حتتعوقي امشي براحة.
_ اه معليش.
شال الصينية و دخلها العربية و مشا قدامها و فتح ليها الباب عشان تركب ورا.
_ اه شكرا.
قفل الباب و دور العربية حوالي النص ساعة ووصلو منتزه.... نزلو الحاجات و فرشو نغم قعدت ساكتة و بتتلفت يمين و شمال حست انها غريبة بينهم و ما قادرة تاخد راحتها، خالتو صباح اتعرفت ليها علي وحدة جمبهم و قعدت تتونس معاها و وائل فات خلاهم نغم رقدت و فتحت تلفونها جاها وائل من فوقها و شال تلفونها و قال ليها: تعالي نحوم التلفون دا معاك اليوم كلو.
نغم : اه طيب.
قامت و بقو ماشين سوا، طوالي بدو الكلام سوا
الاتنين: معلي...
_ انا المفروض اعتذر ما انتي.
_ لا مافي شي يعتذرو ليهو.
_ انتي اعتذرتي اصلا و هو الموضوع ما يستاهل.
_ اه اي.
_ لي بتقولي اه مع كل كلمة.
_ اه انا؟
_ اه اي 😂.
_ ياخ ما تركز كدا.
_ اه طيب 😂.
_ خلينا ليك خفة الدم.
ضحك و مسك يدها و لزاها علي لعبة القطار السريع.
_ لا لاااا مستحييييل.
_ لي مال...
_ الللعبة دي هنااااااا.
مسكتو و لزتو و هي جارية : راجي شنو يلا نركب.
استغرب و قطع تذكرتين وركبو.
وائل بقا مقلع عيونو وخايف لمن اللعبة بدت و نغم كانت بتصرخ الفرح حقها داك اتلاشى في ثواني، مسك يدها بي خوف و هو بيعاين قدامو لمن اتلفت عليها ولقاها دايخة و جسمها مسخن، اتخلع و نطط عيونو وبقا ما عارف يسوي شنو اتلفت يمين شمال ما لقى شي، بقى بيكورك لي بتاع اللعبة عشان يوقف و يكفتها عشان تصحى بتاع اللعبة سمعو و قال ليهو مافي طريقة غير تكمل اللفة دي، عاين لي نغم بي خوف و قلق و مسك راسها الكان بيتمايل مع حركة اللعبة، اللفة انتهت و هو قلبو في يدو نزل من اللعبة و بتاع اللعبة سألو طوالي مالها قال ليهو : انا زاتي ما عارف تعال فكها معاي، فكا حزامو وحزامها و شالها و رقدها في اقرب كرسي، بتاع اللعبة قال ليهو اتصل علي اسعاف ولا شي، قال ليهو لا لا بتكون دايخة بس، و بقا بيحاول يصحيها، هبب ليها في وشها و زحا ليها طرحتها من رقبتها... بقا ما عارف يسوي شنو...كانت بتتنفس بي صعوبة و معرقة... فضل زمن بيدقها عشان تصحى... اتلفت يمين شمال و قرب خشمو منها بقا بيقرب عشان يعمل ليها تنفس اصطناعي بس كان متردد، قرب من خشمها شديد لمن وقف... بقا ينفخ ليها الهوا من بعيد... و عاين لي عيونها الفتحت ادتو كفففف في وشو، مسك وشو و بقا يعاين ليها بي استغراب.
_ يا تاااافه كنت بتحاول تعمل شنو؟
_ تااافه؟
_ بتحاول تبوسني صاح و انا نايمة يا حقير ي ما مربى.
وائل و جعو كلامها خصوصا انو قالتو بي صوت عالي.
_ ااااه و زاحي الطرحة كمان، بستني تاني وين يا واطي.
_ يا غبية اسكتي، انتي و صحتك التعبانة دي اول ما ركبتي اللعبة دختي، اصلو ابيتي تصحي الا وقفو اللعبة، قلت امكن كتمتي نفس فااااا... حصل الشفتيهو.
_ مافي حل غير انك تعمل كدا يعني.....
غطا خشمها بي يدينو.
_ خلااااص اسكتي.
نغم زحت يدو.
_ زح يدك دي خلاص سكتت و تاني اوعاك تلمسني.
_ ي بت ما قلت ليك كنت كاتمة نفس.
_ اي عندي مشكلة في الجهاز التنفسي بس ممكن كان تطلب اسعاف.
_ انا بعرف اسعف و بعدين خفت الموضوع يكبر.
_ خفت خالتو تعرف انك السبب و تشاكلك.
_ اي.
_ اه شنو؟
_ اي لو عرفت ما حتخليني اطلع معاك تاني.
_.....
_ و امكن تعزلك مني عديل.
_....
_ انتي ماعارفة هي خايفة عليك كيف انتي امانة عندنا.
_ اه اه اه ااااا.... ااااسفة.
_ مالك هي😂 ؟
_ لا لا مافي شي.
_ زي الخايفة كدا.
_ هأ.
_ خلاص طيب تاني مافي لعبات يلا لي خالتو و اوعك تحكي ليها.
_ اه طيب.
_ اه يلا 😂.
.........
