حست بي ضيق و طلعت تشوف كريم وين طلعت من القاعة لقتو ماشي سريع بقت بتسكو لحدي...
...
محمد مشا علي وائل لقا في وحدة واقفة جمبو بقا بيحاول يعرفها... لقاها نغم...
عمل ما شايفها و بقا بيتكلم مع وائل...
_ اها عايزني ليه؟
بقا بيعاين لي احمد و يدو الماسكة يد آن و هو حاسي بي سعادة غريبة...
_ نغم عايزاك ما انا...
_ طيب مدام هي عايزاني ما تطلبني انا بي نفسها لي بترسلك و بتجيبك معاها؟
نغم عاينت ليهو بي استغراب...
_ انت عارف كنت عايزة اعتذر ليك لكين لا... الزيك ديل ما بتنفع معاهم الحسنة...
_ ما تعتذري ي زولة قال راجي اعتذارك انا؟
كورك بي اعلى صوتو في الجملة الفات...
وائل طوالي مسكو من قميصو...
_ انت ي كلب بتكورك في منو؟
_كلب ااا...
و طوالي اداهو بنية في وشو...
آن : ي احمد... كفا... فكو...
بقا بيضرب فيهو احمد زي المجنون... الناس بقت بتفك فيهم...
_ ي كلب ي حمار... متوحش و ما عندك قلب... كيف تدقو زي دا... كان ما منفسن و مجنون و حاقد...
عاين لي نغم و هو بيلهث...
_ والله انتي تاني اشوف وشك دا... بشوهو ليك اكتر من قريبك دا...
_ بتهدد؟
_ اااااي بهددد... عاملة لي قدرها؟ ... والله ما بعرفك بت ولا جني... تاني تجي تقربي مني... بخليك تحبي بي البكا..
آن مسكتو...
_ خلاص اهدى ي احمد...
نغم انفعلت لمن شافتها ماسكاهو...
_ كان ما واطي و كلب... كان مشيت لي المبهدلة دي تقضي بيها وقتك...
آن : ما تدخليني في مشاكلك... مشكلتك مع احمد ما تفشي خلقك فيني... و مبهدل غيرك هنا ماشيفة انا...
ساقت احمد و مشو ووائل مجدوع ووشو وارم و دايخ...
...
لحقتو و مسكتو من قميصو...
_ كريم...
_....
اتلفت عليها بي برود... و هو من جوا مبسوط انها سكتو...
_ خير؟
_ شنو الخير؟ مالك زعلان؟
_ م زعلان و لا شي...
_ انت قايلني م بعرفك؟
فجأة جات آن مارة طوالي جرا سارة و اتدسى ورا الحيطة...
عاين لي سارة طوالي وشو قلب احمر... سارة دفرتو منها... كانو قريبين من بعض شديد...
_ سارة انتظري....
جرت طوالي و هو جاري وراها...
...
_ وانا عمري م هنسى انا قبلك كنت فين... و معاك بقيت انا إاي...
_ انا باقي ليك و لحدي باقي عمرييييييي...
_ حأفضل ي حبيب....
طوالي رحيق جات و سدت خشمها...
_ صوتكم لي اخر القسم...
_ ما يبقى... عدينا اول امتحان بي سلام...
ليان : ما بي سلام بس عدينا...
رحيق : دي براها ليها كرامة...
تهليل : احييي عايزة ابوس امجد...
كلهم اتخلعو و عاينو لي...
ليان : هاي سرحتي وين....ههههههه
رحيق : سرحتي شديد... هههههه
تهليل : لا ما قصدي كدا...
ليان : انا كنت ببوس بوسترات الممثلين...
رحيق : استغفرالله...
ليان : ختي صورة لي امجد و بوسيها لمن تفتري...
تهليل : ي بت...
رحيق : عايزة اجرب انا برضو...
ليان و تهليل : في منو؟
رحيق : هاي ما شغلتكم...
ليان : بقيتي بتحبي؟
تهليل : اااااييييي... من متين؟
رحيق : زحو مني ما بوريكم...
.....
رجع البيت وهوالطريق كلو بيدندن...
لاقاهو فؤاد في الشارع...
_ ماشاء الله سمعت الحصل.. باقي شاروخان بي هناك...
_ انت زاتك انجز ما تقعد ساي لمن تتشلب منك...
وفات منو...
....
_ انا عايزة رقم امجد...
بقيت بتقلب في السرير.... عاينت بي البلكونة لو هو قاعد لقيتو ماف... حسيت بي شوق ما بيتوصف ليهو... فجأة تلفوني ضرب ورقم غريب... فتحت الخط...
_ الو...
_ منو؟
_ زول بيحبك...
قلبي حسيتو عايز يمرق من محلو...
_ منو؟
_فؤاد...
طوالي قفلت الخط و نمت...
اصبحت الصباح
طلعت علي الجامعة و صلني حسام و الغريبة كان راكب فؤاد معانا... ما اشتغلت بيهو و قعدت اقرا...
نزلت الجامعة اول ما نزلت لقيت امجد جايي بي وراي... رفع لي يدو...
حسيت قلبي حبة و يطلع... ما كنت مستعدة لي جيتو...
جا علي و حسام كان واقف بي العربية بيتكلم بي التلفون و فؤاد بس بيعاين لينا بي نظرات مخيفة...
_ اهلا كيفك...
_ كويسة...
_ ممتحنين شنو الليلة...
_ (...)...
_ زينا... يلا بالتوفيق...
فجأة نزل فؤاد من العربية و جا علينا... مسكني من يدي و قال لي...
_ حبيبتي قاعتك وين بوديك ليها...
امجد عصب شديد و مسك يدو و زحاها من حقتي...
_ زح ي ولد امشي شوف جامعتك بي وين...
_ تعالي ي تهليل...
مسكني و بقا جاريني و امجد جاري وراهو...
حسام بقا بيتلفت و بيفتش فيهم...
..و امجد بيكورك لي فؤاد و هو جاري...
فجأة فؤاد وقف و عاين لي... كسرت عيني و انا ما عارفة ازح منو كيف..
فجأة قال لي...
_ بحبك...
امجد عصب و مسكو من يدو و زحاهو مني...
_ ياخ امشي من هنا....
_ انت الجابك هنا شنو دي جامعتي مالك جاي داخل و متحشر معاي... ما كفاك انها ساكنة معاك وبتشوفها كل يوم... انا المحروم من شوفتها بجي اروى روحي منها هنا... و انت تجي عايز تشاركني كمان....
_ دا اكبر دليل علي انها حقتي انا ما حقتك...
فجأة جا حسام بي وراهم...
حسام : يحك ضرصك...
فؤاد طوالي سكت و بقا ما عارف يجري بي وين... و امجد سكت و دنقر راسو...
_ ي قليلين ادب... بتمرمطو البت دي معاكم ليه... تاني ما اشوف خلقة واحد معاها... قال بحبك... حبة التقوم في راسك و ما تروح... تاني واحد بس يقرب من ظلها ما بخليهو...
كان بيكورك و بينهرو الناس كلها بقت تعاين لينا....
_ سامعين...
قالو ليهو طيب بي صوت واطي...
عاين لي حسام بي حميرة و قال لي...
_ و انتي كمان عاجبك الوضع... بدل ما تمشي تشوفي سبيلك واقفة زي الطرطور و بتتفرجي فيهم و هم يدوك في الكلام... مبسوطة صاح؟
_ لا ي حس...
_ ولا كلمة... امشي علي قاعتك...
مشيت وانا مذلولة و زعلانة من كلام حسام... ليه يقول لي كدا قدامهم و قدام امجد و الجامعة كلها..
مشيت علي قاعة الامتحان و كنت زعلانة و اخلاقي ضايقة... و ما نفسي اشوف زول...
لاقتني ليان...
_ اهلا...
_... اممم
_ مالك ي بت...
_ ماعارفة والله اخلاقي ضايقة...
_ خير؟ حصل ليك شي؟
حكيت ليها...
_ انتي كان عاجبك الوضع... انو بيتشاكلو فيك و كدا مش...
_ امممم... اي عجبني انو امجد بيتشاكل معاهو عشاني... و كمان الكلام القالو ماعارفة انتي قدر كيف صدمني... احييي... بس ما بحب نهائي فؤاد داك لمن يقرب مني... ما برتاح نهائي...
_ خلي امجد يخطبك طيب مدام اخوك حماهم يقربو منك...
_هو بي البساطة دي الموضوع؟ مستحيل اقول لي امجد تعال اخطبني...
_ انتي لو اعترفتي ليهو كان عملها...
_ لاكين انا ماعايزة اتسرع كدا...
_ راحتك ي زولة....
.....
كانت قاعدة في ركن الغرفة... حارمة روحها من الاكل و الشراب يومين... و دموعها بتنزل اليوم كلو بدون ما تقيف... بعد ما فقدت الامل في رجوع راجلها...
فجأة الباب كركب...
طوالي اتلفتت و نطت عليهو...
يظهر ليها كيانو من العدم...
ما قدرت تصدق عيونها و طوالي بقت بترجف لمن وقعت...
بقا مخلوع و مقلع عيونو... دنقر بعاين ليها لقا الدم بينزل منها...
مسكها جري و مشا المستشفى...
.....
_ نغم كدي شوفيهو من امبارح مابي يطلع من غرفتو...
_ والله انا حلفت ما امشي الجامعة الا يطلع بس ابى...
_الله لا يسامح العمل فيهو كدا...
نغم سكتت مسافة و قالت ليها...
_ دا احمد...
_ شنو؟
_ احمد الفالح داك لمن مشا معاي عشان اعتذر ليهو سوا ليهو كدا...
_ انتي جادة؟
_ كدي خلينا في وائل دا...
بقو بيدقو الباب...
_ واااائل... واااائل...
_ ي وائل عليك الله اطلع بس طمنا عليك ما عايزة اسألك بس خلي بالي يهدا عليك ي ولدي...
ما رداهم و هو قافل الباب...
.....
وصلها المستشفى دخلوها الطوارئ...
_ خير ي دكتور مالها...
_ سكرها نازل مرررة...
سكت و هوبيراقبها وهي بتدخل الغرفة حقت الطوارئ...
قريب ربع ساعة نادوهو...
_ للأسف كانت حامل و اجهضت... الله يعوضكم ي رب...
بقا ما قادر يستوعب و رجلينو ما قادرة تشيلو...
_ بقدر اشوفها...
_ اي...
دخل هجوم علي الغرفة لقاها ممددة و ما عندها حيل تتكلم.. و دموعها بتنزل و حيلها مهد...
_ هيلين... انتي اجهضتي؟
_....
قعدت تبكي زيادة و ختت يدها في وشها...
جرا عليها و حضنها... و الاتنين بقو يبكو في احضان بعض....
....
تهليل و هي راجعة لاقاها امجد قدام بيتو اتبسم ليها...
اتذكرت كلام حسام طوالي دخلت البيت و طنشتو...
اتغدت و رقدت في السرير و هي بتقرا...
زهجت و مسكت تلفونها و ضربت لي رحيق...
_ اها امجد داير يعرسك؟
_ لا...
_ خير؟
_ عندك صورة لي امجد؟
_ دايرة تبوسيها و لا شنو؟
_ اي...
_...
_ مالك...
_ هههه لا ي تهليل الا حركات ليان دي ما تعمليها...
_ انا عايزة...
_ تعوزي بلا... دايرة تبوسي صورة الولد و تقعدي... كدي اعقلي... شوفي قرايتك بي وين... كل يوم جاياني بي جن جديد...
_ صورة تكون واضحة...
_ ي لطيف... تهليل انتي متخيلة الشي البتقولي فيهو... امجد لو عرف يقول عنك شنو؟
_ و حيعرف كيف...
_ اوريهو انا واريحك...
_ رحييييق...
_ عايني ي بت عندي قراية كتيرة...خلاص برسل ليك الصورة...
_ اممممحححح حبيبتي...
_ وفري الامح دي لي امجد بتاعك دا يلا...
_ بااااااي...
اتقلبت في السرير زي الهبلة و انا مستنياها ترسل لي الصورة...
فجأة رسلتها طوالي نطيت في السرير و فتحتها...
بقيت بتأمل فيها و جواي بقا جايط... قلبي حبة و يصل حلقي...
حضنت التلفون علي و لا اراديا همست مع روحي...
_ بحبك والله....
و دخلت في نومة عميقة...
....
كانت قاعدة في الحوش فجأة جاها طالع طوالي نطت قامت وهي مستغربة و فرحانة انو طلع في نفس الوقت... فجأة مسكها و كورك فيها...
_ غبية...
بقت ساكتة و اتبسمت...
فكاها و قعدو في العتبة...
_ ماكان تخلي الجامعة...
_ما فارق معاي كتير...
_ كدا بتحسسيني بي الذنب...
.....
" فتحت عيوني لقيت روحي نايمة جمب امجد و هو بيلعب لي بي شعري... باس خدي و اتبسم طوالي وشي حمر و قمت من جمبو... مسكني و حضني... قلبي بقا بيضرب مبالغة... حس بي نبضي و اتبسم..
فكاني و عاين لي...
_ بحبك...
نفسي ضاق من الموقف و بقيت برجف عديل... مسكني و رقدني في السرير و بقا يقرب مني... هبش رقبتي و هو بيشم فيها...
اتبسم لمن لقاني خايفة و..."
طوالي صحيت بي فزع و انا حاسة قلبي حبة و يطلع... فرحت لمن لقيت روحي بحلم... انا بحب امجد و كل شي بس كل حاجة بي حبة حبة... ما ممكن طوالي كدا... دا كان كابوس...
عاينت لقيت تلفوني الفيهو صورة امجد الرقدتها جمبي في المخدة... بست الصورة حقتو...
و حسيت قلبي بينبض مبالغة...
دا حالتي ببوس صورتو... لو دا هو عديل انا حأعمل شنو...
عاينت لي صورتو و اتبسمت...
_ صباح الخير ي كل كلي...
احييي متين اقولها ليهو بالجد...
وصلت الجامعة قبل ما انزل حسام مسكني...
_ تهليل دقيقتين من وقتك...
_ احكي...
_ تهليل انا اخوك و بتمنى ليك اي شي حلو و دايما بحاول اكون بالنسبة ليك الام و الابو و الاخو و الصاحب... انا ما بقول ليك شي الا لي مصلحتك... طيب... فما تزعلي من كلامي حق امبارح... انا عارف اختي و تربيتها كيف و انها ما بتعمل كدا و لا بتفكر كدا اصلا... عشان كدا عايزك تكوني معاي صريحة...
انتي بتحبي امجد؟
_.....
ما عرفت اقول شنو... هل اقول ليهو اي و لا لا... خايفة يحرمني منو لو قلت اي... او ياخد قرار متسرع و خايفة لو قلت لا... اندم...
_ تهليل...
_ ما بحبو...
طوالي نزلت و قفلت الباب بدون ما اعاين ليهو...
حسام في العربية ضحك و همس مع نفسو :
_ يا كضابة...
ما لاقيت امجد مع اني كنت بفتش فيهو الحوش كلو بي عيوني... اظن كلام حسام القالو امبارح ختاهو في بالو....
مالاقيت ليان و رحيق برضو..
دخلت قاعة الامتحان... وزعو الورق بقيت افتش في قلمي... ما لقيتو... قلبت المقلمة اصلا ما لقيتو... ناديت المراقبة اشرت لي اسكت... ما عرفت اسوي شنو... بقيت خايفة و بحاول اشوف حل و الزمن ماشي...
نص الزمن مشا و انا ما هبشت الورقة... قعدت ابكي... المراقبة جاتني و قالت لي...
_ ي تسكتي ي تطلعي... قاعدة تشوشري علي الممتحنين الباقين...
بكيت زيادة و بقيت احاول اكتم الدموع.....
المراقبة جات علي و كوركت فيني...
فجأة عاينت امجد و هو ليأشر لي بي الشباك اتلفتت قام رمى لي قلم...
قبضتو بي سرعة قبل المراقبة تنتبه..
حليت سريع لمن يدي وجعتني...
.....
..
_خلاص ما تبكي ي هيلين الله بيعوضنا...
_ دا كلو بي سببي ي محمد... لو ما كان اهملت روحي زي داك م كان مات...
_ انا الاهملتك ي حبي م تستاهلي....
_ المهم الله رجعك لي سالم....
_ حبيبتي ياخ...
حضنها شديد و هو قاعد يمسح علي شعرها...
....
..
طلعت من القاعة و انا بشيل نفس و لسع دموعي بتنزل... لقيت امجد مستنيني برا... اتبسم ابتسامتو الساحرة ديك...
_ ان شاء الله لحقتي خلصتي...
_ اي الحمد لله شكرا ليك لو ماكان ظهرت كنت حأخليها فاضية...
_ احييي ي امجد جيت في وقتك...
قعدت اضحك لقيتو سكت و بقا بيعاين لي... دنقرت راسي...
_ خليك بتضحكي كدا دايما الزعل ما بيشبهك...
_....
دنقرت راسي زيادة و انا ببلع ريقي بي صعوبة و قلبي كلما ليهو يعلا نبضو..
_ مش قلت ليك ما اشوفك بتبكي تاني؟
_...
دنقر و عاين لي في وشي و قال لي..
_ تشربي حاجة؟
_ طيب...
_ بس ما تدفقيها فيني....
_ هههه ما بوعدك...
ضحك بعداك سكت و قال لي..
_ شنو ؟
....
ليان: تهليل وين؟
رحيق : بري؟
ليان : م لاقيتها من الصباح...
رحيق : ها هاي.. عايني هناك ...
ليان اتلفتت شافتني ماشة مع امجد الكفتريا...
رحيق عاينت ليها و قعدو يتبسمو...
_ ي خايبة بت الخايبة... عشان لقيتي امجد...
_ هاي ي رحيق خليها... تعالي نقعد بعيد...
فجأة جا كريم سلم عليهم...
رحيق : اهلا كريم...
ليان : بتعرفيهو... ؟
رحيق : دا حبيب سارة صحبتي...
كريم : شششنو؟ ححح... بيبيها...؟
اتذكرت انها م مفروض تقول الكلام دا...
رحيق : معليش لخبتت بين سارة تانية...
كريم : تعالو مسابقة الشِعر الليلة و صوتو لي طيب؟
ليان : طيب بنجي...
رحيق : سارة مشاركة؟
كريم : اي..
رحيق : تحلم بعد دا حأصوت لي سارة ي مكنة... و حتفوز...
كريم : نشوف...
.....
...
قعدنا نشرب عزمني عصير مشكل... قعدت اعاين فيهو و هو بيشرب في المصاصة... ما حسيت بي روحي و سرحت في خشمو و شنبو الخيف الظاهر بي فوقو و نخرتو براها بتكسرني... طويلة و مدببة... فجأة بدون ما احس بي روحي هبشت شفايفو بي اصبعي و انا مركزة فيها بس...
_ عايزة ابوسك...
اتخلع خلعة م حصلت و نط عديل لمن دفق العصير فيني...
غت وشو و بقا بيتنفس و لي لحظة حسيت وشو قلب احمر عديل...
حسيت بي روحي و طوالي غطيت وشي بي يديني و حسيت نفسي ضايق عديل... مشيت الحمام جري بدون ما اعاين ليهو....
....
..
" تقول لي هيا قلب كُفَ بي حباً...
فأتيك مغرمة هيماءَ في الحُبُ
غيداءَ تَحرُثُ ارضاً لا حياة بها
لتقطر الدمع هيماً فينبت الحَبُ"
#منافي سيد....
..
..
سيو 🙋🏻♀️✨
