.
.
.
_ انتي جادة، محلك بجدعوا ليهو في وشو .
_ يا رحيق انتي ما بتقدري تفهميني الولد دا ختاني في حتة ضيقة، حسيت انو في اي وقت حيضربني.
رحيق : بي ياتو حق، وبعدين لي الاسلوب الكعب دا.
تهليل : انا زاتي ماعارفة، زمان كنا حلوين بس بعد كبر اختلف ٣٦٠ درجة.
رحيق : كان تناديني اصفق ليهو، ود اللذين.
_ انتي عارفة لمن وقفت جمبو الكلام الفي خسمي زاتو طار ما قدرت اقول اي شي.
_ تهليل انتي مالك زعلانة كدا، هوي ها مادام مخوفك كدا بس اتجنبيهو.
_ ما بقدر.
_ تهليل عايني لي كدي،
_ اها.
_ انتي أن شاء الله لسع بتحبيهو.
تهليل رقدت في حجرها و غطت وشها بي طرحتها.
رحيق رفعت ليها راسها وقالت ليها :
مادام كدا ليك الحق 😂 ارجفي ساي تاني.
تهليل : اسوي شنو ي رحوقة ما قادرة انساهو.
رحيق : بتحيريني والله.
_ خلينا من الموضوع دا، اها طب الأسنان كيف معاك.
_ مية المية والله، فرحانة بيهو شديد، حسيت ياداب بي تعب قرايتي بروح.
_ موفقة دايما.
_تسلمي ،الحفلة كان كيف.
_ وهمية اقسم بالله بركة ما جيتي.
وقعدت تحكي ليها من كراع الدخلة لي الطلعة.
رحيق : البت دي كان معانا في الفصل لمن كنا في تامن كان سمحة شديد لمن اساتذة المدرسة مكسرين فيها كانت ادب واخلاق وخلقة، اسمها نغم، المدرسة كلها كان بتحبها اساتذة علي استاذات علي طلبة.
تهليل : واحمد دا علاقتو بيها شنو؟
رحيق : دا مجنون بيها عديل، انا ماعرفة علاقتهم من زمان شنو، سواء قرابة ولا صحبة اهل، بس الاثنين ديل كانو مع بعض اليوم كلو كان لاصق فيها بي شكل ما طبيعي لي درجة مرات بيجي يعمل اعذار ويسوقها من نص الحصة عشان يشوفها، بعد مرور كم سنة بقى متيم بيها و مهوس يعني جن مرة وحدة، لمن هي بقت بتتضايق منو ومن تعلقو بيها الجنوني كلمت اهلها عشان ينقلوها مدرسة تانية بي حجة مدرستها ما كويسة و كدا، بس ما سِلمت منو بقى بيجيها في المدرسة حقتها و يحضر معاها الحصص و مرات كتيرة بينطرد و بعد الدوام بيلاقيها و بقا يتمادى معاها بي اللمس و انو يقرب منها شديد، بقت ما طايقاهو ابدا فكلمت اهلها برضو بي حجة تانية، قالت ليهم انها عايزة تقرا في بلدها عشان مشاكل اللهجة وكدا، وفعلا سمعوا كلامها، كانت وحيدة امها وابوها عشان كدا اي طلب ليها بيتنفذ، و طوالي سفروها الاردن و قرت الثانوي هناك، بعدها جات راجعة بعد وفاة ابوها عشان ظروفهم اتدهورت عشان تقرا هنا.
تهليل : الولد دا ما كنت قايلاهو كدا، دا بيفسر الحضن الحصل في نص الحفلة، دا شوية بعد السمعتو دا ، وهي ما عندها ذرة حب ليهو؟
رحيق : دي حاجة بتسأليها ليها هي، و بعدين مستحيل تشرد منو قدر دا وهي بتكون بتحبو.
_ هسي هي مشت ياتو جامعة؟
_ علمي علمك.
_ انتي عرفتي دا كلو من وين؟
_ صحبتي صحبتها.
_ ؟😀
_ صحبتي سارة طيب، دي بستها في نفس الوقت وبتحكي لي عنها كتير.
_ ولي ما حصل سمعت عن نغم دي.
_ الناس معظمها ماعارفة عنها كتير خصوصا بعد ما سافرت اخبارها انقطعت عن احمد عشان كدا ما كان بيجيب سيرتها.
.....
في احدى المطاعم في مدريد اسبانيا :
اتخيلو معاي اجراء رومانسية و بس بتسمعي اصوات الهمس و تضارب الاشواك و السكاكين بالصحانة في نص دا كلو في اتنين داخلين غلط قاعدين ياكلو بيض بي كاتشاب.
_
