...
..
بس فتحت بابا الحمام و قغدت اكورك
... دا شنو العملتيهو دا ي تهليل... لا لا واي...يقول شنو فيني...لااااااااا😭.... درعتها درعتها عدييييل... اهبش خشمو عدييييل... لا لا... واااي ي تهليل .... واااي من غبائك و ااااي😭... عويرة عويرة... و كمان عايزة ابوسك... انا لي بقول كلام زي دا... لا لااااااا... انا عايزة اقطع خشمي دا... عايزة اقطعو... تاني حأعاين ليهو كيف...
طلعت من الحمام و انا داخلة في ضفوري من الاحراج و كل دقيقة بتذكر العملتو... جريت علي القاعة حقتي عشان ما الاقيهو...
وانا جارية مسكني زول قعدت اصرخ...
_ فكنيييي...
_تهليل ي طيرة...
اتلفتت لقيتها رحيق...
طوالي حضنتها و قعدت انوح...
_ رحييييق انا لي غبية كدا؟ ليييييه...
_ مالك ي بت كدي اهدي...
_ م بتصدقي العملتو ي رحيق...
_ خير خير ي بت؟
_ لا لا ما قادرة اصدق اني عملت كدا؟
_ عملتي شنو ي بت؟
و حكيت ليها....
_ ما عندي شي اقولو ليك والله بس اهدي...
_ غلطت و عارفة نفسي...
_ ما بقول ليك لا بس... اضبطي نفسك ي تهليل لاحظت ليك بقيتي متوترة و بالك ما معاك اليوم كلو و كتير بتفصلي و بتقولي كلام... دا كلو من امجد دا صاح؟
_ اي ياهو زاتو بس انا ما بقدر اسيطر علي نفسي قدامو ببقى متخلفة عديل...
_ اهدي كدي اول...
_ كيف اشوف وشو تاني ي رحيق...
_ م تخافي حيفهمك....
_ م تطمنيني ساي ي رحيق...
_ اي انا بطمنك بس انتي قوي نفسك شوية م تضعفي كدا قدامو...
_ كدي نمشي البيت خايفة الاقيهو...
......
قعد يكركب في المطبخ جاتو بي وراهو و هي بتتبسم...
_ حبيبتي اقعدي...
_ لا عادي خليني هنا بشوف...
_ طيب مدام كدا مرتاحة...
قعد يكركب و يسوط سوا ليها بطاطس و قعد يأكلها...خت بطاطساية في خشمو و اشر ليها تشيلها...عاينت ليهو و ضحكت و اكلتها.... قبل ما تبعد اداها بوسة في شفايفها...
عاينت ليهو بي خجل قام شالها و رقدها في السرير
_ ارتاحي ي قلبي...
_ تسلم علي كل شي...
_ ولو ياخ م تقولي كدا... دا ولا شي...
اتبسم ليها و مشا المغسلة و بقا بيغسل خشمو... و يفرك شفايفو بي الصابون...و هو بيتأفأف و قرفان مسح خشمو و شال التلفون حقو و ضرب لي رغد...
_ الو...
_ حبييييييييبييييي... ما طولت علي...
_ رغودتي..
_ عيونها...
_انتي عارفة انها اجهضت...
_ شنوووووو؟
فجأة جاتو مارة و قعدت تتبسم...
_ بتتكلم مع منو؟
_ لا لا... دي اختي...
_ ليه كلمتها؟
_ بي شنو؟
_اني اجهضت
_ لا بس هي سألتني كتير و اضطريت اجاوبها...
_امم... طيب...
قالتها بي زعل و دخلت الغرفة.. مسك قلبو و اخد نفس...
....
رحيق كان حاراني و انا زي القلعو روحها... فجأة وقفت و قعدت تعاين المسرح...
_ دي سارة الحكيت ليك عنها...
_.... والولد داك منو؟ اظن اني شفتو قبل كدا...
_ الولد دا بيحبها موت ي بت و هي برضو بتحبو...
_ اسكتي ما تجيبي لي سيرة الحبايب عشان حأجن...
_ كدي كدي اسكتي...
كان طالعين سارة و كريم المسرح ضد بعض...
_ حب عميق الاثر في قلب صغير...
جربت تحسبه بلا قاع غوير
فهويت في واد التملك كاشفا
لي بي الغطاء فصرت فيه كما الاسير
فظهرت لي في جنح ليل ذابل
اغمرك من عشقي في ظل حزني الكبير
فقدمت لي على الاطلال سائلا
فأجبتك و دمعي كما الطفل الصغير
..
انا هنا بس كل القدرت اعملو اني احاول ما افك دموعي... دا شنو دا... ليه بدت تقول كدا و انا يادوب قدرت اهدا... كأنها عارفة قصتنا وجات مقاصداني... كأنها بتقول لي الكلام دا مش لي حبيبها....
... قلبي نبض فجأة...
و بقا بينبض زيادة و زيادة لحدي ما نفسي اتضايق... عيوني كان مليانة دموع... حاسة بي وجع كبير... يادوب حسيت بي غباء العملتو... كيف الحيا بتاعي طار و اتبخر في اللحظة ديك... ما قادرة ماقادرة...
رحيق كان مركزة مع الشعر و انا مشيت بس لسع كنت بسمع
..
اشكو اليك بثي و همي راحة
فتظل ترمقني بنظرات الحنين
اتعجب كم دام هذا القلب ينبض خافقا
و العين كم برحت تطالعني في انين
..
الناس صفقت ليها بي قوة و بقت بتصرخ و انا طوالي جريت مشيت طلعت علي البوابة عشان اطلع... كنت حاسة اني حبة و اتخنق.
