مرت الايام و جا امتحان ناس تهليل... تهليل ما نامت الليل و هي بتقرا و امجد ما ظهر من اليوم داك و هي بالها كلو معاهو... كل ما تقرا بتسرح و بتفكر فيهو...و فؤاد بقا يحاول يتقرب ليها بس هي بتبعدو عنها كل مرة... احمد تاني ماجا لي نغم و لا اتصل عليها
.....
بترتب في شنتطها طلعت سرعة و هي بتودع عمها و مرتو... و فؤاد واقف جمب الباب بيعاين ليها بي صمت... جرت علي عربية اخوها وصلها وودعها...
لقت صحبتها ليان كان خاتة الطرحة من نص راسها و شعرها الكيرلي البني طالع برا و من ورا ضهرها و لابسة بنطلون اسود واسع معاهو قميص اسود و طرحة بيجية و جزمة سودا... كان قاعدة في الملعب حتتهم المفضلة و ماسكة الشيتات و بتحفر... مشت عليها طوالي و قعدو يقرو سوا...
تهليل : مضلمة مالك من الصباح...
_ خليك من ضلامي و اقري ي بت انتي عارفة ابوي قال لي لو ربتي تقعدي في البيت لا قراية لا تاني...
_ ي بت ها انتي ماقارية لي الدرجة دي؟
_ اي والله .
_انا ممكن اشيل مادة مادتين بس ما بربت عديل...
_ كدي خليني اقرا ي تهو...
_ انتي الاسبوع كلو ماقريتي داير يحلك دا...
_ ي بت انا بسوي في بخراتي...
_ ي رمة كمان بتشفي جيبي دا بلا بخرات...
_ ي تهو انتي قارية.
_ ارمي الورق دا...
قعدو يتشكلو جاتهم رحيق و هي ماسكة تلفونها و اخر همها كأنها م ممتحنة... كان لابسة عباية خليجية طبقتين بالبني و طرحة بني بي ابيض و جزمة بيضة معاها شنطة حمرة... عاينت ليهم و قعدت تطحك... تهليل عاينت ليها من فوق لي تحت
تهليل : من ضحك على شيء ابتلي به...
رحيق : الصلاة يوم القيامة ما بتنفعععع...
تهليل : انتي امشي شوفي دفعتك بي وين؟
ليان : ما شاء الله ظاهر عليك ماكلة الشيتات اكل...
رحيق : والله الحمد لله قريت..
قالت ليهم مع السلامة و مشت ليان قعدت تلقط البخرات... تهليل مسكتها و بقت تجدعهم...
......
_ ي بتي راجلك دا وينو؟ من يوم السبت انتي تقولي جايي... ليهو يومين ما ظهر... بس ما يكون خلاكي ي بتي...
_ ي امي ما تقولي كدا حيجي راجع...
_ ان شاء الله رداك بالتلفون بعد دا كلو...
_ لا لا بضرب عليهو طوالي بيجيني مقفول...
_ ياهو خلاكي...
_ كيف يخليني يعني وهو عندو ولدو معاي...
_ والله ما عارفة اقول ليك شنو؟
_ ي امي بيجي...
_ خلاص بيجي بس انتي كيف تخليهو يسافر و انتو يادوب في شهر عسلكم...
_ عشان... عندو شغل قال...
_ شغل ياخد دا كلو... راجلك دا الا معرس بالدس و ما موريك..
_....
_ خلاص ي زولة ان شاء الله يجيك و ترجعي بالسلامة.
_ أن شاء الله... مجودي كيف... كان قال لي نازل امتحانات التيرم الاول..
_ والله الحمد لله ما بيهمل انتي عارفاهو ماشاءالله...
_ موفق سلمي لي عليهو و قولي ليهو بقيت خال...
_ والله انتي ماعارفاهو حيفرح كيف ...
_عقبال حقينو ي رب ...
_ امين...
_ يلا سلام.
_ ودعتك الله ي بتي..
قفلت منها و طوالي انفجرت بكا راجلها من سافر ليهو اربعة يوم وهي خبرو ماعارفاهو قعدت تبكي وهي خايفة يكون حصل ليهو شي ما ختت في بالها كلام امها نهائي و بقت تدعي الله يجيبو ليها سالم...
.....
نغم طلعت الصباح بدري مع وائل كان لابسة فستان اسود بي ورود عباد الشمس صفرا معاهو طرحة صفرا و كعب اسود...
_ القشرة دي كلها شنو؟
_ ماشة جامعة(.....)
_ احمد هناك على فكرة...
_ اي امي قالت لي امشي اعتذر ليهو وابوي قال لي ماعافي ليك في حقو لو ما اعتذرتي ليهو...
_ انتي جادة حيتعبط فيك زيادة...
_ ما اظن بعد القلتو..
_ والله ما بصدق انو ممكن يخليك..
_ المهم ي زول ماعندي شي ليهو... حأدخل و اطلع سريع عندي محاضرات ماعايزة افوتها...
_ علي كيفك بس ما مطمن لي الحيحصل...
_ المهم انت امشي معاي ليهو و نشوف البيحصل..
_ ما عندي محاضرات..؟ 😒.
_ ما سريع و بطلع 🙄.
_ طيب طيب...
مشو سوا لحدي ما وصلو الجامعة....
.....
تهليل مشت لي رحيق هي و ليان يفتشوها عشان غلبهم شي... وائل و نغم جو داخلين الجامعة..
ليان لكزت تهليل
ليان : دي مش حبيبة احمد؟
_ اي والله اسمها كان منو؟
_ ما متذكرة؟
_ رحيق بتعرفها... بس لي ماشة مع وائل..
_ قرايب على ما اظن...
_ اهااا..
....
الناس بدت تتوسوس فيهم طوالي نغم دنقرت راسها و عملت رايحة وائل عاين ليها وقال :
_ شايفة من هسي بدت البلاوي.
_ قاعتو بي وين وديني سريع.
_ الجامعة حقتي؟ اليعرفني شنو؟
_ هو مش صحبك ما حصل جيتو هنا...
_ بلقاهو طوالي برا القاعة...
_ بنسأل منو امشي بس...
بقو ماشين و ماشين و كل ما يسألو زول يوريهم محل و يطلع ما فيهو... نغم قعدت في الكافتريا وهي تعبانة...
_ اصلو الجامعة دي كبيرة كدا؟
_ ي بت انا بتأخر تعالي نفتشو سريع...
_ طيب طيب اها...
جا زول ماري جمبها حست انها لمحتو اتلفتت... بقت سرحانة فيهو مسافة وهو واقف بيشتري... عيونها لمعو و بقت فاتحة خشمها...
همست : ااا... امجد...!!!
وائل : قلتي شنو؟
.....
تهليل مشت علي الفرع الطبي و بقت تتلفت و تفتش في قسم طب... ليان قالت ليها تعالي نشتري شي انا جعت كفتريا ناس طب دي سمحة يلا...
_ دقيقة ياخ نصل قاعتها...
_ نشيل الاكل و نمشي...
_ طيب سريع...
مشت الكافتريا و بقت مستنية ليان الفي الصف... قعدت في الكرسي و بقت بتهبش تلفونها جات بت جارية بي قدامها اتلفتت بس اتصدمت لمن شافت المنظر....
بت بيضاء بي فستان اسود حاضنة امجد بي ورا....
حست الدم بيغلي جواها و حست بي غضب ما طبيعي و هي مافاهمة الحاصل دا شنو... دققت في ملامح البت لقتها نغم...
اجل بكل ذاك الغباء تقدمت نحوك و انا استشيط غيظا كيف لي ان لا افعل و انا ارها تفعل ذالك بك امامي و على الملاء... من تظن نفسها... اكاد انفجر... و لماذا هو جامد هكذا... اريد ان اموت من هذا الغضب الذي يعتريني...
بقيت واقفة قدامهم و بعاين ليهم بي غيظ.... امجد طوالي اتفك منها وهو بيعاين لي و سرحان... وهي بتتكلم معاهو وهو ما معاها....
حسيتو ما واعي لي لحظة بقا سرحان بس... بس سرحان فيني... انا نسيت انو بيحبني... انا كيف جاتني جرئة اقيف قدامو كدا... الجابني شنو انا قدامو اصلا...
فكتو و بقت بتتكلم معاهو...
نغم : امجد اشتقت ليك ياخ... لي ما كلمتني انك بتقرا هنا؟
_....
نغم : امجد؟
تهليل : زحي منو ي تافهة...
امجد :....
تهليل : وانت كمان ساكت وخاليها كدا مالك...
امجد :...
نغم : انتي منو اصلا؟ بتتكلمي بصفتك منو كدي اختينا...
تهليل : على أساس عاقد عليك و انا داخلة غلط و لا شنو يعني ؟
نغم : هاي ي مولانا ما عندك دخل بي البنسويهو الجامعة حقتك؟ لا.. بسوي البسويهو اختيني...
تهليل : ما بسمح ليكي تعملي كدا معاهو... صياعتك دي سويها مع غيرو.
نغم : قفلي مني هو اعترض ليك...
تهليل : ما بسمح ليكي تعملي ليهو كدااااا...
نغم : الغراب المتخلفة دي كدي اختينا عليك الله... عاملة لي كدا زي الخيمة.
حمر ليها امجد طوالي
امجد : ما بسمح ليكي تقولي ليها كدا....
نغم : امجد... دي منو الغبية دي اصلا؟
امجد : دي وحدة احسن منك و احسن من خلقتك و اخلاقك دي عشان كدا اتكلمي معاها زي الناس...
وائل طوالي قام و مشا علي نغم ووقف قدامها و قصاد امجد...
وائل : هي هي ي اخوانا... زح كدي...
امجد : لم اختك و لا زفتك دا و خليها تلزم ادبها...
وائل : شنو شنو؟
تهليل : خلاص ي امجد خليهو...
وائل : لا لا خليهو يعيد كلامو...
امجد : ربي زفتك دا بعداك سوقها الجامعة....
وائل مشا عليهو عايز يضربو... طوالي مسكتو نغم...
وائل : فكيني...
نغم : خليهو ي وائل...
وائل : انتي غبية ي بت قلت ليك فكيني...
نغم : وااااااائل...
وائل حمر لي امجد و فات امجد ساق تهليل و مشو من الحتة لانو الناس كانو متلمين مبالغة....
... ليان بتاكل في الشاورما الاشترتها و داخلة في عالم تاني....
......
صحا من النوم اتقلب يمين شمال لقاها جمبو و بتعاين ليهو باس خدها و ابتسم... طوالي تلفونو ضرب...
_ دي هي؟
_ اي
_ياخ احظرها بس.
_ كدا بتبقى واضحة...
_ حتطنشها كدا يعني؟
_ اي لمن ارجع...
_ طيب حتبرر ليها بي شنو...
_ الاعذار اتعدمت بخرف ليها اي شي...
رغد : طيب...
محمد: ي مزتي بكرة حأرجع...
رغد :حتخليني براي؟
محمد: اصبري كدا قريييب حنبقى التلاتة سوا...
رغد : التالت منو؟
محمد : ولدنا...
رغد : انت ناسي اني ما بحمل؟
محمد : ولدنا من هيلين..
رغد : لا لا ما تقول لي!
محمد : اي دا ياهو هدفي من اني اتقرب ليها من البداية...
رغد : واااي طلعت مجرم خطير ي محمد...
محمد : بس اول ما تولد حأطلقها و اشيل ولدها بالقوة و نربيهو و يبقى ولدك وولدي ي رغد...
_ كيف حتشيلو ي شاطر؟ ...
_ارشي القاضي و ناس المحكمة دا شغلي زاتو...
_ واااي ي محمد حيبقى عندنا اولاد...
_ اي ي حبيبتي عشان كدا اصبري...
_ بحبك ي حمودي...
_ انا بحبك اكتر ي رغودتي...
و حضنتو ورقدو تاني...
......
_ ساااااارة!
_ كريم ما تنبح انا جاياك...
_سااااااااااااااارة!
_ ي غبي اسكت...
وصلتو و ادتو ضربة...
_ تنبح كدا مالك...
_ بحب اغيزك...
_ استغفرالله اصبحنا بيك ي الله....
_ اشتقت ليك ي سارة من الصباح ما ظاهرة...
_ اتأخرت في المواصلات بس..
_ ما رديتيني...
_ شنو؟
_ اشتقت ليك...
_ اممم انا برضو...
ودنقرت راسها من الخجل ضحك وقال ليها
_ عاين دي صدقت نفسها... الدايرك منو؟ عاشت الدور الوهمية...
_ كرررريييم... اختاني عليك الله...
_ معليش هاي ما تعصبي...
_ زح مني عليك الله.
دخلت قاعتها قام دخل وراها وقعد في الكرسي جمبها ما اشتغلت بيهو وفتحت التلفون بتاعها قعد يعاين معاها... كان فتحة الواتساب و بتتراسل مع صحبتها رحيق... رقد في البنش و قعد يعاين ليها...
هي اتوترت بس لسع كان بتعاين في التلفون... رحيق رسلت ليها :
_ قاعدة معاهو ولا شنو؟😉
طوالي سارة قفلت التلفون و قعدت تعاين لي ضفورها...
كريم : منو هو؟
عاينت ليهو لقتو بعاين ليها وجادي شديد... قالت ليهو؟
_ شنو المنو؟
_ شفت الرسالة....
_....
_ طيب ي زولة لو ماعايزة تقولي...
و اتلفت وهو لسع ظاهر انو زعلان و ما علي طبيعتو... شال روحو وفات برا القاعة... قلبها وجعها علي الشي السوتو الخلاهو يتقلب كدا مع انها شايفة انها ما سوت شي...
.......
قعدو يعاينو بعض ساي بعد ما حسو انهم بعدو من التجمع داك...
ولا واحد كان قادر يطلع كلمة...
امجد:.....
تهليل :.....
امجد :...
تهليل غطت وشها بي يدينها وقالت ليهو:
_ والله ي امجد ماعارفة اقول ليك شنو... معليش خليتك تتشكل معاهم... دا كلو مني... بس انا ماعارفة زاتي لي عملت كدا...
قاطعها...
_ ي تهليل دا كلو شنو... انا اصلا كنت حأتشكل معاها من السوتو... عارفك ما بتسكتي علي الغلط... ما تعتذري انتي ما سويتي الا الصح...
_ والله ما تفهمني غلط بس... والله ماعارفة زاتي لي عملت كدا...
اتبسم و قال ليها :
_ م سويتي شي غلط.
_.....
قعدت تحدق في ملامحو الذكورية...و هو لسع بيتبسم و بيعاين ليها... سرحو الاتنين بدون ما يحسو بي الحولينهم...
_ امجد انت سمح....
_!!!!!!!!!!
الصدمة الكان علي وشو صدمتني اكتر.. لمن استوعبت القلتو... يعني كيف طلعت حاجة زي دي مني... وااااي لا لا... طوالي بتحرج معاهو كدا لي...
غطت وشها بي يدينها و استعدت انها تهرب...
_ سمحة الشافتو...
دخلت في الفتييييل زاتو... كييبف انا قلت كدا انا عارفاهو بيحبني.... طيب لي قلت الكلام داااا.... عارفة انو في اي وقت هو مستعد يقول لي اي شي... دا شنو الموقف الدخلت فيهو دااا...
...
_خلاص ما تتوتري قدر دا قبل الامتحان ما كويس😂.
_.... انا ماشة... يلااا س.. لام..
_ بالتوفيق...
ابتسم ابتسامة جانبية... جاذبية....
ما قدرت اعاين ليهو و لا اردو و شردت طوالي...
......
_ استغفر الله منها الوهمية دي ما قدرت اتكلم مع امجد زاتو...
_ و انتي علاقتك شنو بيهو...
_ دا حياتي كلوووو...
_ الظاهر بيكرهك ي حلوة...
_ ما بيكرهني كنا اصحاب شديد من زمان بس بيكون حركتي ازعجتو شوية...
_ دا كلو شوية؟
_ سويت غلط؟
_ هاي بسم الله ..
_ انت كمان ما ناقصاك...
_....
_ الولد دا ويييين...
_ بيكون ما جا الجامعة....
_😀..
_😀..
نغم :لي ما فكرت في احتمال زي دااا
وائل : ضيعتي زمني ساي...
نغم : كدي جرب اضرب ليهو؟
_ما بيرد.
_ كدي انت حاول...
......
( بعد نهاية الامتحان)...
_ ليان انا خلاص راااسبة....
_ ي بت انا شكلي كتبت اسمي بس صاح في الورقة ديك...
_ دا حالتو اول امتحان...
_ الله يسترررررر...
_ تعالي نمشي لي رحيق نشوفها امتحنت كيف...
_ والله بتحبطني زيادة البت ديك...
_ عندك شنو؟ ما تنحبطي...
.....
_ الو..
_ احمد اهلا...
_ اهلين عايز حاجة؟
_... بسسس... بسألك لو جيت الجامعة الليلة؟
_ اي جيت عايز شي؟
_ اي لو قريب لاقيني جمب مبنى الطب...
_ طيب..
آن : دا منو؟
احمد : وائل قال عايز نتلاقى...
آن : شوفو عايز شنو؟
احمد : اي ماشي ليهو...
آن : عايزة امشي لو ما عندكم شي خاص؟
احمد : ما فارق ي زولة يلا...
مسكتو من يدو و مشت... كان لابسة بنطلون مطاطي ضيق اسود مع قميص ضيق بمبي ما عندو اكمام نص و بوت اسود طويل و فاكة شعرها...
عاين ليها مسافة بس ما اشتغل بيها... كان حالتو صعبة و لابس هدوم مكرفسة و شعرو منكوش ظاهر انو متأثر بي فراق نغم... و ما شغال بي الدنيا حولينو...
" لسنا سلعا و لا منتجات... تعرض ليختار منها الافضل فتباع... بل نحن ارواح... تنتقى كل روح زوجها... لكي يتناسب ذاك المفتاح مع ذاك القفل... لكي يصبح ما خلق ليس كما اختلق..."
....
...
..
سيو 🙋🏻♀️✨
