[[ 01:010 ]]
_ انا.....
" قولي عليك الله، سمعيني العايز اسمعو"
_ امجد انا شينة وانا نايمة؟
_ 🌚....
_ 🌝....
_ 🌚....
_ انا جادة ياخ جاوبني.
_.....
_ امجدددد
_ يعني ما ممكن تقولي لي حاجة زي دي، بي كل البساطة دي وعايزاني اجاوب.
_......
_ والله ما حصل زول سألني سؤال زي دا.
حك رقبتو وعاين ليها لقى الدموع في عيونها، استغرب و اتفاجأ من ردة فعلها قرب من تحت بلكونتها و سألها من قريب : مالك يا تهليل؟
_ لا ماففف... ييي.. شيي.
_ لا في شي انتي ما بتبكي كدا ساي.
_ اتذكرت امي بس.
_ قلت شنو خلاك تذكريها عشان ما اقولو تاني.
_ لا ما قلت شي بس ساي.
" بدا لي كييف انه قد اشمئز مني حين رآني، لقد كان فعلا عاجزا عن الرد، لقد تلاشى دعمك المعنوي كله يا رحيق، لا اعرف كيف صدقت انه قد يسحر بي او انه سيحترم مشاعري له يوما، انه ابعد من آمالي و توقعاتي، انا فقد مجرد يتيمة مشردة، تعيش مع عمها و ابنه، لقد افتقدت حياتي و عائلتي، افتقدت امي التى ترعاني و تحرص على تهذيبي و اكتفائي، و فقدت حسام القديم الذي يقضي معظم وقته معي ليس حسام الذي يأتي ليلا عندما اكون نائمة فيوقظني بقبلته التي يلصقها على خدي، و هيلين صديقتي و اختي التي كانت دوما بقربي... في مواقف مثل هذه... كيف لا ابكي"
بقت بتبكي بي حرقة.
امجد استغرب من بكاها و بقا ما عارف يعمل شنو، قال ليها : تهليل عليك الله مالك، انا اسف لو قلت ليك شي زعلك و لا جرحك والله ماقاصد.
_ لا لا ما سويت شي.
كنت ببكي بي حرقة شديدة و من التوتر ما كنت قادرة اعاين ليهو في وشو.
_ تهليل خلاص.... ما تبكي.
_......
بلعت ريقها بعد ما قال آخر جملة بي نبرة وجع و حزن عميق، سكتت مسافة و قعدت تعاين ليهو.
_ تهليل انتي عارفة، لمن كنتي نايمة في السطوح، انا ما قدرت ازح عيني منك، ممكن تقولي اني فقدت الوعي بالدنيا في لحظة.
ماعارف كيف الشجاعة ديك جاتني عشان اقول ليها الكلام دا، بس لاكين لمن بكت ما قدرت كان في شي خانقني بيقول لي انت سبب بكاها و المها انت السبب، ما كنت قادر اشوفها بتبكي زي داك و اقيف اعاين ليها، صورتها يوم وفاة امها لي الان مطبوعة في راسي وهي بتبكي، كنت في اللحظات ديك عايز اشيلها و ادخلها جواي، اخليها معاي، اواسيها و اسكتها، احضنها بي كل قوتي، اقش دموعها بي قميصي و اقول ليها ما تبكي انا جنبك.
_ انا اسف ما كان مفروض اقيف اعاين ليك وانتي بدون طرحة انا غلطان.
_ ما ضروري تعتذر قدر دا اصلي سامحتك في وقتو.
_ خلاص طيب تاني ما اشوفك بتبكي.
_ طيب.
_ خليك واثقة من نفسك، انتي لو عارفة روحك سمحة ما تستني راي زول فيك.
_ طيب... شكرا..
_ العفو.. ساهرت بيك.
_ بالعكس فضفضت معاك.
_ انا موجود في اي وقت.
_ تسلم، بكرة الساعة ٩ طيب؟
_ هههه اي تمام.
كان واقف استناها لحدي ما خشت بعدها جا داخل جوا.
اول ما قفل الباب حق غرفتو رقد في السرير و قلبو بيدق بي سرعة، مسك صدرو و هو بيتذكر الحصل و بتخلع من كلامها.
" البت دي يوم بتوقف قلبي".
...
رببب رقدت في السرير بعد ما عاينتو لو فات ولا لا، لقيتو مشا، مسكت قلبي و انا بتذكر اسألتي الغبية، وكيف جاتني الشجاعة اني اسألو سؤال زي داك، لحظة صمت وحدة بس منو بتخليني افقد برودي، بكره الفاصل البيجي بين السؤال و الجواب، في الفاصل دا اعصابي بتغلي و قلبي بيدق بي سرعة و انا مستنية الرد، لي كان طيب معاي الليلة كدا، انا ما متعودة امجد دا، لكين حبيت امجد الليلة اكتر، حسيتو خاف علي، خصوصا لمن بكيت، امكن وقت شافني في وفاة امي الله يرحمها، ببكي قدر داك حس بي، لانو هو برضو ابوهو متوفي ، لكين حسيت بنبرة حنية عجيبة و حزن في صوتو لمن قال لي ما تبكي. امكن هو كمان بيحبني، احنا الاتنين بنحب بعض، و بعدين كلامو لمن قال لي كرعيني الجابتني هنا، و لمن قال فقدت الوعي بالدنيا، هل هو بيحبني، مستحيل مستحيل تحصل حاجة زي دي، بس بيكون حاسي بي نفس الوجع البحس بيهو، او جاني عشان عايز يفضفض مع زول و يقضي وقت.
فؤاد كان واقف بعاين ليهم من ورا عربية في الشارع و كان بيغلي من جواهو، كيف تهليل بتتونس معاهو كدا نص الليل و بتبكي ليهو، و كيف هو بيقول ليها كلام زي داك، كان مراقب من البداية لحدي ما دخلو، صلع برا بي صوت فليق الحجارة وجا راجع لمن شاف تهليل طلعت ليهو.
........
مطار مدريد الدولي :
محمد : يلا مع السلامة، ما تتأخري هنا اول ما اركب ارجعي طوالي، استأجري ليك عربية بي سرعة ما تسوقي براك طيب؟
هيلين : ما تشفق علي كدا، ان شاء الله تصل بالسلامة و ينتهي الموضوع دا سرعة.
_ أن شاء الله ي رب.
_ حأفقدك والله.
_ بقعد هناك يوم يومين في الرجعة و بجي.
_ خلاص طيب يلا تصل بالسلامة.
حضنتو بي قوة و هي بادلها الحضن و باسها في راسها، جر شنطتو و هي بتحاول تمسح دموعها، ركب طيارتو، وهي قعدت تبكي مساااافة بعدها رجعت.
في طريق رجعتها مشت المستشفى و عملت فحص جاتها نتيجة ايجابية بكت شديد من الفرحة و حبت لو هو يكون معاها في اللحظة دي بس، وعدت روحها انها تفاجئه لمن يرجع.
هيلين قعدت في البيت تتلفت يمين و شمال حست بي فراغ كبير جواها دقيقتين بس ما قدرت تقعد بي دونو. قعدت تبكي تاني، بعدها اتصلت لي الشركة الشغالة فيها في الدوحة و كلمتهم انو يمددو ليها الاجازة، وصورت ليهم ورقة الكشف، مددوا ليها اجازتها اسبوعين تاني بعد تحنيس، ضربت لي ناس امها و كلمتهم انها حتجي بعد اسبوعين تاني وافقو ليها اتكلمت مع امجد شوية و قفلت منو و قالت ليهو: سلم لي علي تهليل و قول ليها اوعك تهملي ، قعدت في البيت الموحش داك براها بعدها حست بي الوحدة شديييد دقت لي صحبتها نسيم عشان تجيها، نسيم طوالي جاتها :
هيليييييييين مشتاقيييين ي بت.
_ بالاكتررر ياخ لي طولتي كدا الا يضربو ليك يعني.
_ اي و بعدين تفقديني بعد راجلك يمشي يا واطية.
_ ما كدا والله بس ممكن تقولي كنت ملخومة بيهو 🙆♀️.
_ اهااا ما شاء الله عامل ليك لخمة.
_ اكيد 😉.
_ اها احكي لي ودعتيهو كيف بستيهو في المطار و لا هو الباسك، احيييي متين اعرس.
_ تعالي ادخلي جوا 😂.
قعدو يتونسو و حكت ليها الحاصل و نسبم مع كل كلمة بتتوحم ورتها خبر الحمل طوالي زغرتت ليها زغروتة طويلة وباركت ليها، قعدت معاها لحد الساعة 12 فطرت و طلعت عشان عندها شغل .
........
6:30-صباحاً :
_صباح الخير خالتو.
_ صباح النور ي بتي اصبحتي كيف؟
_ كويسة.
_ البسي سريع عشان ما تتأخري من الجامعة.
_ طيب.
_ استني وائل يمشي معاك.
_ خلاص طيب.
لبست بي سرعة عباية رمادية بي خطين بي الطول لماع و في الاكمام برضو و طرحة رمادية، العباية مفتوحة و بي جوا بنطلون جنز اسود مع جزمة بيضة، لبست سن قلاس، و شالت شنطة سودا.
_ إشي إشي علي الكشخة.
_ شفت شنو دي حالتي مستعجلة.
_ قال مستعجلة، انا لي نص ساعة واقف هنا.
_ ما انت ياهو التشيرت بتاعك دا و اي بنطلون قدامك.
_ لو كان كدا ما كان شفتي السماحة دي كلها.
_ يلا ياخ خلي الوهم.
.......
امجد ما نام الليل كلو وهو بيفكر في تهليل اول ما المنبه دقا قام من السرير سرررعة كان مستني بي فارغ الصبر لبس و اتعطر و رجع شعرو لي ورا بعدها عاين لي نفسو " بتقول جايي يخطبني دا ما جايي يقرا، اخير البس لي شي عادي، فتح الدولاب شال ليهو تشيرت اسود بس لبني شالو و لبس معاهو بنطلون اسود و شب شب البيت اتعطر وخرب شعرو و خلاهو عادي، عاين بالمراية ما اقتنع برضو، جات امو دقت ليهو الباب.
_ امجدددد.
فتح الباب.
_ نعم خير.
_صحبك جا.
_ منو.
_ فؤاد.
_ استغفرالله العظيم، فتحت ليهو الباب لي يا امي.
_ ي ولدي عيب الولد كتر خيرو جاييك من الصباح و شايل شيتاتو و دفاترو معاهو.
_ شايل دفاترو ؟
_ اي.
_ امي امشي قولي ليهو نايم ولا عيان و لا اي سجم واحد.
_ لي ي ولدي انتو متشاكلين؟
_ لا لا، بس الليلة انا مافاضي ليهو.
امو نهرتو.
_ ما فاضي لي شنو؟ يهو دا من الصبح راقد في السرير بلا شغلة، انت واحد مستهبل، عليك الله وريني ماشي تعمل شنو مالي البيت بي عطرك دا؟
قوم امشي قدامي اقعد معاهو.
_ خلاص اها مشيت.
مشا ليهو ،اتبسم طوالي لمن شافو، امجد ما اداهو اهتمام ابتسم تاني بي خبث، امجد ولا سلم عليهو شال الشيتات و الدفاتر و بقا بيلز فيهو،
_ قوم .. قوووووم.
_ ي ولد انت نصيح؟
_ قوم امشي بيتكم.
_ انت كويس، انا ضيف علي فكرة.
_ امي حتتضايق لو انت قعدت.
_ اه ما شاء الله، انت اكبر سبب لي الضيق.
_ ي ولد كلامي دا ماواضح، امي دي حجة وعايزها ترتاح قوم امشي اهلك شنو شايل لي كتبك و جايي.
_ يا زول انت ما نصيح؟
_ و الله الا تجنني انت.
_ خلاص يا زول قمت بس يعني زوقك جدعتو وين الليلة.
_ الزوق معاك ما نفع، طلعت واحد سغيل.
_ خلاص ضيفني علي الاقل.
_ ياها موية الماسورة دي ما عندنا شي في البيت، اطلعع.
_ ي ولد انا جايي اتونس معاك.
_ ما ياهو دا امبارح انا كنت معاك، يلا اطلع يااخ.
_ اها طلعت خلاص.
لزاهو و طلعو برا البيت، و بقا ماسك الباب عشان يقفلو.
_ يلا الف سلامة سلم علي الوالد و ناس البيت.
_ بجيك نقرا بعدين.
_ ييييلااااا مع السلامة.
_ الساعة..
قفل الباب في وشو.
_ بلا لخمة.
جا داخل جوا امو قالت ليهو : ي ولدي ودي ليهو الشيال.
_ مشا.
_ سجمنا ما تكون طردتو.
_ لا ياخ كيف.
_ اها خلاص مالو قال.
_ قال لي شكلكم مشغولين بنجي بعدين.
_ ما حنستو ولا حلفتو يقعد؟
_ لا لا ما اتفاهمنا كتير و طوالي هو طلع.
_ بتفضحنا يا امجد بتفضحنااااا.
" الحمد لله مشا ياخ، التقول قاصدني، بس اول ما بقيت ماشي ليها جاني متلب"
امجد رقد شوية بعدها قام سوا مع امو الفطور و فطر و شال حاجاتو وطلع.
_ ماشي وين ي ولدي.
_ ماشي لي فؤاد دا بيكون زعل.
_ اي ي ولدي خليك كدا الكعوبية والافتراء ما سمح.
_ يلا مع السلامة.
_ سلم علي تهليل و عمتها.
_ يصل.
قفل الباب و اخد نفس و بقا بيمشي و مع كل خطوة نبضاتو بتعلا دق الباب الصوتو كان اوطى من صوت نبضو. فتح ليهو الباب فؤاد، طوالي كشر، و هو عاين ليهو بي ضحكة مصطنعة.
_ سلام
_ اهلا.
_ انا ماهسي كنت عندك.
_ جيت ياخ اعتذر ليك.
وحضنو.
امجد : الكلام دا ماصاح ياخ و الله متأسف شديد ياخ مرحب بيك عندنا في اي وقت.
و قفل الباب و دخل جوا، فؤاد ساقو وداهو غرفتو.
_ ياخ القفص دا يقرو فيو كيف تعال السطوح.
_ لا لا الجو حار نمشي بعدين.
فؤاد كان فااهم حركاتو وعارف الهدف الجايي ليهو بس ماعايزهم يتلمو او يشوفو بعض حتى.
........
اخدت محاضراتها و طلعو بريك، وقت البريك مشت الكافتريا مع صحباتها و قعدت تتونس، فتحت الواتس لقت رسايل من احمد بالميات ليخا اسابيع سفهتو، جاتها مكالمة منو طوالي قفلت الخط.
_ دا احمد؟
_ اي ياخ زهجني عديييل.
_ انا ماعارفة كيف تابي ليك واحد زي داك.
_ كل مرة بتقولي لي الكلام دا، انا ما بطييق الولد دا نهائي.
_ خلاص احظري الرقم وارتاحي.
_ هي ي بت اخير لي بالتلفون، ما معروف لو حظرتو يعمل شنو.
رجعت من الجامعة بعد اخدت اخر محاضرة لاقاها وائل في الطريق، بقت بتتونس معاهو لحدي ما وصلو.
........
_ فؤاد انا طالع دقايق اشرب لي موية.
_ ياهدي الكولر.
_ بحب موية الحفاظة.
_ ما عندنا حفاظات.
_ ي ولد انا طالع برا ياخ.
_ ما بتمشي لي تهليل.
امجد اتحول استهبالو لي جدية، بقا بيعاين ليهو بي استفهام فؤاد اتبسم و تما كلامو :
_ عارفك بتحبها وميت فيها، و عارفك لا بتجي هنا ليو لا لي حناني، بتجي عشان تشوفها، بس عايزك تفهم شي واحد انو البت دي حقتي و انا ولد عمها انا الاحق بيها، انت مالك جايي محشور و جايط الامور، تاني ما اشوفك معاها الساعة وحدة بالليل.
اتفاجأ من كلامو و كيف هو عارف دا كلو، و حس بالخوف من نبرتو الجادة،بس حس انو تهليل حتروح منو :
_ البت دي حقتي انااااااا و مستحيل اخليك و لو كنت منو انك تعاين ليها زاتو.
صرخ بي أعلى صوتو لمن عروقو ظهرت، فؤاد رجف لي لحظة بس طلع طوالي من الغرفة امجد سألو ي ولد انت ماشي وين، ما رداهو وجرا علي باب الشارع امجد سكاهو، طلع برا لقاهو وقف قدام البلكونة، و بقا بيكورك بي اعلى صوت :
تهلييييييييييييل..... تهلييييييل.
امجد استغرب من حركتو وجرا عليهو طوالي و مسكو :
_ ي ولد انت جنييييت؟
لمن ابت تطلع كورك بي أعلى صوتو لمن ناس الشارع بقو بيتلفتو :
_ انا بحبببببببببببببببببك.
_......
امجد قلبو وقف لي ثانية و حس الدنيا معاهو وقفت، جرا مسك خشو و بقا بيسكتو، وهو كان في حالة غضب و ما اتفاهم معاهو، امجد بقا بيكورك هو زاتو :
فؤاد : تهلييييييييييييل.... انا بحبببببببببببببببببك.
امجد : تهليل..... انا اكتر واحد بحبببببببببببببببببك في الدنيا دي.
و بقو بيعترفو ليها الاتنين بي اعلى صوتهم كل واحد بيعلي صوتو اكتر من التاني، ما فاكرين في الناس البتعاين ليهم.
..............
