رجعت زهجانة و ما عاينت بيتهم الجديد زاتو و طوالي رقدت في السرير... رقد هو بعيد منها...
_ شوفي كان مبسوطين ليك كيف... ما تزعليهم و تخربي البينا...
_مافي بينا شي غير الكضب الكنت بصدقو...
_ كل الوقت داك كان بالنسبة ليك كضب بس؟
_ اي...
_عايني طيب زي ما اتفقنا بس نعدي الليلة دي و بكرة انتي حرة... لو عايزة نتطلق و لا نقعد سوا...
_.... خلاص خليني انوم...
_ ما دام اخر ليلة...
قاطعتو...
_ لا...
_ ما تمشي بعيد بس عايز انوم جمبك لأخر يوم...
_....
قرب منها وهي نبضها بيدق و يدق لحدي ما اتلصق معاها... بقت بترجف و تحاول تتلمى في صدرو...
باسها في راسها طوالي قعدت تبكي و اتدست في صدرو زيادة...
_ الا دموعك...
_ انت كلب...
_ كلب و حقير و خاين و كلو بس خليكي هنا...
...
....
في اللحظة ديك امجد وشو قلب احمر... و ما كان قادر يتحرك... انا ما قدرت اقعد دقيقة و جريت طوالي البيت...
كيف نفسي سمحت لي اكسر كل الحذود و اعمل كدا... كيييف... كيف سويت حاجة زي دي... انا غبية... ياااربييي دا شنو العملتو دا... كيف ممكن حاجة زي دي تطلع مني... انا بست ولد ولد في خشمو ياااا... كيف خليت نفسي تطاوعني و اعمل كدا... كيف الشيطان خلاني اسوي كدا... امجد... ما اي ولد كمان... لا لا لااااا هسي اقيف قدامو كيف... هيقول ناديتو عشان ابوسو... استغفر الله ي ربيييي...
قعدت ابكي الليل كلو و اصلا ما نمت.. قعدت اصلي و استغفر لحدي ما الصبح اذن...
تاني رجعت ابكي و اصلا ما قدرت اوقف دموع كل دقيقة بتذكر العملتو و ببكي زيادة...
يااارب سامحني انا كيف قدرت اعمل حاجة زي دي...
امجد واااي ي امجد... حتحبني كيف تاني؟
قعدت ابكي و ابكي...
....
من الليل لي الصباح ما قدرت انوم... دا شنو العملتو تهليل دا... ما اتوقعت حاجة زي دي منها نهائيا... للأن انا بحس بي خشمها و ما قادر انسى الحصل ... كيف قدرت تعمل كدا انا الولد ما بعملها... مليون سؤال جاني في راسي.. تهليل دي بيكون شربت شي اكيد...
_ ي ولدي مالك من الصباح تسرح كدا الشايل بالك شنو اصلو؟
_....
انا ما مع زول بس بالي كلو تهليل...
وبعدين هي اكيد بتحبني... لو ما بتحبني ما كان عملت كدا...
لا امكن عشان انا سمح بس... لا لا هي ما من النوع دا...
_ امي...
_ نعم ؟
_ داير اخطب تهليل...
امي اتخلعت لمن تفت الاكل الفي خشمها...
_ تخطبها ؟
_ اي الليلة...
_ الليلة ؟
_ اي...
_ ي ولدي كدي بسم الله شربت شي امبارح انت و لا شنو؟
_ امي انا جادي... انا داير تهليل دي والله و عايز اخطبها الليلة قبل بكرة...
_.... ي امجد ما تتسرع كدا كدي استخير اول... تهليل بت ناس و ماشاءالله عليها مغتية و تخاف الله....
........
....
رحيق: يا قليلة ادب يا ما نافعة....اخر ما توصلنا اليه... تبوسيهو عدييييل... لا انا خلاص ما بعرفك... انا ماشة بيتنا...
_ يا رحيق... ما تحسسيني بالذنب زيادة علي العلي...
_ ي بت السويتي دا ما هين... دايراني اضحك ليك و اشجعك و لا شنو...
_ لا بس يعني وريني اسوي شنو...
_ عايني سقطي من عين امجد سقوط حاااد...
_ لا يا رحيييق ما كدا...
_ اها ي بت دي الحقيقة...
_ هو بيحبني اكيد حيطنش الموضوع...
_ برضو في النهاية راجل و ما بيرضي بت تهبشو كدا و هم ما بينهم شي...
_....
_ تهليل ما معقولة تكوني كدا... الناس دي كلها بتحب و عادي جدا... ما بيقعدو يفلتو زيك كدا...
_ قال لي عايز اخطبك...
_ بالجد....
_ اي...
_ يلا شايفة دا زول عديييل و ما عايز يتعدى حدودو و انتي يبا جيتي سودتي وشو بي عملتك دي...
_ ليان رحيق دي ما مساعداني...
ليان : اسوي ليك شنو... بوسة عديل... درعتيها و الله...
_ يا جماعة ساعدوني...
ليان : كان كيف؟
_ الشنو؟
رحيق : عان جنس دي..
ليان : البوسة... انا مستنية اعرس عشان اجرب هناية المسلسلات دي... لكين انتي استعجلتي شديد...
_ ماعارفة اوصف كيف...
ليان : حاولي
رحيق : انتي كمان بتشجعيها؟
ليان : اها؟
_ حاجة كدا سمحة شديد... يتحسي كأنو ادوك مخدر في لحظة كدا... لكين الاحراج الدخلت فيهو بعداك خلاني ادخل تحت الارض...
ليان : امجد كان كيف... ؟
_ كان بس جامد من الخلعة...
ليان : واااي ي تهليل امجد كيف خلاااك...
رحيق ضربتها في راسها...
_ دي قلة ادب منك و ما مفروض تكوني فرحانة اصلا و بعدين انتي متخيلة حيشوفك تاني و لا يقرب منك...حيخاف فلتاتك دي تتكرر و ما حيحتك بيك تاني... حسي لو اخوك حسام عرف؟ لو عرف بي الشي السويتي في ود الناس... انتي البت يا تهليل تعملي كدا؟...
_....
ليان: يا رحيق ما كدا لاكين البت زاتها حاسة بي غلطتها...
_ خليها تحس زيادة...
_....
كلام رحيق جاني زي الشوك لمن عيوني ملت دموع... شلت روحي و طلعت من الغرفة...
.....
....
_ بس ي ولدي هي عندها ولد عم و هي عايشة معاهم فمستحيل يعرسوها لي غيرو..
_ القرار بيرجع ليها لو وافقت بي ولا لا...
_ ما تستعجل ي امجد..
_ امي والله انا عايزها...
_ خلاص ي ولدي علي بركة الله...بس خليهو كم يوم كدا ما الليلة ....
_ طيب...
مشيت الغرفة لبست هدومي و لسع الحصل بينا في بالي... مشيت لي النادي الفي حلتنا... سلمت علي اصحابي و قعدت معاهم... كان عندنا مباراة قعدت العب... اثناد ما انا بلعب كنت بسمع صوت بت بتهتف بي قوة...صحبي لكزني عشان اشوفها لقيتها نغم... طوالي عملت رايح وتابعت لعبي... في النهاية خسرنا...
_ امجد...
عاينت ليها بي طرف عيني و طنشتها...
_ امجدددد اسمعني بس...
_ عايزة شنو ؟
قعدنا في وحدة من المدرجات... بس حاولت ابعد منها قدر ما اقدر...
_ انا اسفه علي العملتو المرة الفات لو انا لو وائل... قاعدة اغلط في حق ناس كتيرة و بورط ناس بدون سبب... زيك و زي وائل و البت المعاك ديك...
_....
_ وائل اتشكل مع احمد صحبو بي سببي و لمن اتضاربو... و اخرتها عملت حركة بايخة مع وائل و هسي هو كمان ما طايقني...
_ و المطلوب مني احل مشاكلك يعني؟
_ لا ما قصدي كدا بس سرحت في الكلام...
_ انتي هسي ماسكة في تلاتة اولاد ليه؟
_ انا ما... ماا... ماسكة في تلاتة...
اخدت نفس و قمت منها...
_ المهم حاولي حلي ماشكلك دي و الله معاك...
_ معليش عذبتك
_ ما فارق...
مشيت من جمبها سريع عشان ما يشوفني زول بعرفو معاها... وقفت في الدكان لاقيت فؤاد طوالي عملت ما شايفو و قعدت اتكلم مع بتاع الدكان... ما اتكلمت معاهو من يوم اتشكلنا في الجامعة قدام تهليل و حسام... وقف بي وراي ما اشتغلت بيهو و شلت حاحاتي سريع...
طلعت المضبقة عشان ادفع اتذكرت اني نسيت قروشي قعدت اتلفت زي الاهبل... طوالي طلع فؤاد قروشو و دفع لي.... رجعت الحاحات و طلعت و انا بتنفر... سكاني و اداني الكيس...
_ مالك؟
_ امسك...
_ ماعايز رجعو...
_ بطل الحركات دي يا امجد هاك...
_ بجدعو في الشارع امشي رجعو...
_ اعتبرها عزومة...
_ ما ناقصني الا انت... يا ولد رجعها انا ما بشيلها منك...
مسكني من رقبتي و جراني...
_ فكني ياخ...
فكيتو و انا بتنفر... عاين لي و كان ظاهر عليهو زعلان...
_ ليه عملت ليك كدا؟
_ شنو؟
_ امبارح بليل... ليه ؟
_.....
_ شفتكم خلي المغاباة...ليه لييييييه...
وجدع قزازة البارد في الارض وهو بيكورك...
_ فؤاد...
_ ليه بس اصلو سويت شنو انت عشان تحبك كدا...
_ ما بتحبني تهليل منو القال...؟
_ ما تتغابة لي... انت عارف انها بتحبك... بس انا كنت طاشي في دا كلو...
_.....
_ واطي... كلبببب... اكيد فرحان من العملتو ليك ي ود****....
_ حسن الفاظك دي... و بعدين مجنون كدا انا ما بتناقش معاك...
مسكني و جراني...
_ سويت ليها شنو عشان تحبك اصو؟ لييييه ليييه بس انت بس... انا العايش معاها في نفس السقف بي عينها ما بتعاين لي... لييييه...
و رما فيني الكيس...
طوالي نجضتو بي بنية في وشو اصلي كنت منتظر اضربو... براهو بيشوف حاجات ما مفروض يشوفها...
_ كونها اختارتني دي حاجة مفروض تقتنع بيها...
ضربني في وشي هو برضو...
_ انت ما لقيت الا تتسلط في البت دي... البت دي اتقسم ليها انو اكون انا ليها بس... انت جايي خاربها مالك...
قعد يكورك و يضرب... و انا ما رخيت ليهو و ما خليت ليهو دق...
الناس من جمب النادي جو يوقفونا... فؤاد قعد يضرب اي زول يمسكو...
_ انعل صحبتك زاتو... استغليتني عشان توصل ليها ي واطي...
_ انت براك بتفسر لي روحك... قاعدة معاك كم شهر و بتعرفك قبل ما تعرفني... ليه ما حبتك؟ ... اقتنع بي الحاجة دي خلااااص تهليل بقت ليييي و بعد كم يوم حتسمع خطوبتنا...
_ يااااا****
طوالي جا عم تهليل اللي هو ابوهو مسكو... قعد يكورك فيو طوالي انا انسحبت و مشيت بيتنا...
اول ما دخلت لقيت هيلين قاعدة... استغربت و سألت امي مالها اشرت لي اسكت... كان عيونها ملانة دموع...
اتبسمت لي و قالت...
_ امجد... مالك مضرب كدا... انت لسع بتتشاكل مع الاولاد...
_ لا بس واحد هظارو بايخ...
جات علي و بقت بتهبش لي ورماتي السواها لي فؤاد... طوالي حضنتني...
_ لي زمن من حضنتك كدا...
ربتت علي راسها... كنت حاسي بي دموعها البتنزل في قميصي... كان اقصر مني شديد... فرق الطول واضح بينا...
فكتني و قعدت تقش دموعها... عاينت يدها لقيت الخاتم مافي...
_ هيلين... ما تقولي لي اتطلقتي؟
_.....
_ مالك ي بت ما يكون محمد دا زعلك و لا سوا ليك شي...
امي : ي امجد خليها تهدى شوية...
_ هيلين عايني لي مالك؟
_ اي اتطلقنا... بس ما عايزة زول يسألني من الموضوع دا... انا خلاص اتخذت القرار دا...
_.....
دخلت غرفتها سريع... وقفت محتار... عاينت لي امي عشان تشرح لي..
_ ي ولدي خليها علي راحتها.. دا راجلها و هي شايفة الصاح ليها شنو...
_....
دخلت غرفتي و رقدت و انا مستغرب في الحاصل دا... طوالي اتذكرت تهليل... طلعت الشارع في العتبة عشان اشوف بلكونتها منورة و لا لا... بس عشان اتأكد انها صاحية و لا لا...
لقيت الانوار مطفية و البلكونة مقفولة... مسكتني خيبة امل عجيبة....
فجأة سمعت صوت زول ناداني...
_ امجد...
اتلفتت لقيتها واقفة في الشارع و لابسة عبايتها...
ما قزرت اتنفس عديل و بقيت احس بي صنة كدا بس و انا بعاين ليها بس دق قلبي السامعو... اتذكرت طوالي الحصل امبارح و ما عرفت اودي وشي وين...
_ عارفة العملتو غلط... عارفة اني اتعديت حدودي و غلطت معاك... و احلف ليك ما تتكرر العملة دي تاني...
_ تههليي.. ييل....
_ ليه ما جيت خطبتني؟
_ شنو ؟
_ انا راجاك اليوم كلو...
ضحكت لمن دمعت و اتبسمت ليها
قالت لي...
_ اخر فرصة ليك بكرة....
اتبسمت و عملت ليها بي راسي طيب...
......
...
نغم رجعت البيت براحة عشان ما يلاحظ زول لقت وائل واقف جمب الباب طوالي نطت...
_ كنتي وين؟
_ مشيت اشتري حاجات و جيت...
_ ليه ماشايف حاجات؟
_ امممم....
_.... ادخلي خلاص...
_ اسفه...
اتلفت منها و طلع بقت بتناديو...
_ وائل والله انا اسفه...
_ يا نغم خلينا كدا احسن... انا ما راجي اعتذارك...
_ وائل عليك الله اسمعني... انا اسفه والله ما قصدي اعمل كدا...
_ اها ؟
_ انا بس..
_ مالك ؟
_ بس كانت هفوة مني...انتي بتعرفني ي وائل انا ما بعمل حاحات زي دي... بس...
_ هفوة؟ انتي ناسية اللبس الكنتي لابساهو و البوهية الساواها في وشك ديك كلها؟ كنتي حاسي بيكي ناوية لي حاجة... بس عشان ما ازعلك سكتت طلعت معاك... و اخرتها تعملي شنو؟... لا يعني انا لو كنت ولد تاني كان عملت ليكي اي شي في اللحظة ديك... ما ترخي كدا قدام ولد... و بطلي مصاحبة الاولاد... هسي انتي عندك صحبة بت؟... المهم بس اعتذارك مقبول لكين ما ترجي مني اكون وائل داك...
_ امم طيب...
_ تصبحي علي خير...
_ انت... من... اهلو
....
كانت راقدة في غرفتها القديمة... بقت بتقلب حاجاتها القديمة و هي بتتبسم... بقت بتهبش الدرج لقت كتاب... قعدت في السرير و فتحتو....
" انا ما عارفة متين حيوقف قلبي دا من محمد....
طوالي جدعت الكتاب و دموعها بتنزل... رقدت في السرير و قلبها بينبض بي قوة لمن اتذكرتو تاني... مسكت التلفون لا اراديا و بقت بتشوف محادثتهم... لقتو متصل... قعدت تشوف صورة البروفايل حقتو... و هي كان نفسها يرسل ليها... لا اراديا لقت روحها بتكتب ليهو...
_ محمد....
طوالي رداها بي رسالة صوت... نطت قعدت و طوالي قرتها و هي بترجف...
_ انا زاتي فقدتك...
كان صوتو حنين و بيقطع القلب... طوالي قفلت التلفون و قعدت تبكي بي شدة... كيف عرف انها مشتاقة ليهو... ليه ليه رسلت ليهو هي زاتها؟ مسكت التلفون تاني لقتو مرسل مقطعين صوتين...
_ مرتي.... يومك كيف؟ ان شاء الله كويسة... لو عايزة تقولي لي عايز ورقتي... ما تخافي انا وعدتك ووعدي في محلو بس خااايف... خاايف افقدك و ما القاك تاني... ما عايز اتسرع... بس لو خلاص دا قرارك النهائي انا ما بجبرك علي...
قعدت تبكي زيادة و هي بتسمع التاني...
_ شكرا علي كل يوم ضحكت فيهو معاك... شكرا انك اتحملتيني و حبيتيني... كانت احلا ايام لي و ما نفسي تنتهي... بس بتحمل غلطي... كوني اتخليت عن وحدة زيك... بس عايز اقول ليك اخر مرة... بحبك...
..
قعدت تبكي زيادة و هي بتحاول تتنفس ما ردتو و رقدت في سريرها...
...
....
.......
