..
الساعة ٨صباحا... في حوش الجامعة...
_ تهليل مالك الليلة؟
اتكلت عليها...
_ مافي شي بس تعبانة شوية..
_ ساهرتي امبارح و لا شنو؟
_ اي...
_ ي جماعة انتو ما جادين... ؟حتمتحنوا كيف...
ليان كان نايمة في كتف رحيق و تهليل في الكتف التاني..
_ قومو كدي مني...
دفرتهم و مشت تقرا...
....
حسام طلع من البيت لقا امجد طالع سلم عليهو...
_ اهلين..
امجد استغرب ووقف مسافة...
_ اهلا...
قعد يتونس معاهو و امجد حاسي انو في شي..
_ معليش علي المرة الفات لمن شاكلتك
_ لا لا ياخ ما تقول كدا.
_ انا بس انفعلت و كدا انت برضو كان حتعمل كدا لو اختك حصل ليها كدا صاح...
_ اي م...
طوالي قاطعو...
_ هيلين صح جاية بعد يومين...
_ اي في شي؟
_ لا لا مافي شي...
_ بستأذنك ماشي الجامعة..
.......
..
مدريد اسبانيا :
طلعت من الحمام بعد ما استحمت و لفت شعرها... جا عليها طوالي زحت منو و مشت بقا ساكيها...
_ هيلين... هيلين... اقيفي دقيقة اسمعيني...
_....
_ هيلييين..
مسكها و لفتها عليهو...
كان بتبكي و مغمضة عيونها ما عايزة تعاين ليهو...
_ عايني لي...
_ ليييه؟
_ كدي بس افهميني...
اتلفتت بي نفور و مشت من جمبو...
جرا و راها و مسكها قوي بقت بتفك منو...
_ فكنيييي....
_ ما بفكك...
_ فكنييييي....محمد...
_ هيلين... خليكي وحدة عاقلة و خلينا نتفاهم...
_ كل مرة نتفاهم نتفاهم... اها اتفاهمنا حيحصل شنو... حتغشني تاني و تمشي لي حبيبتك رغد...
_.....
بقت بتدفرو و تكورك...
_ زح مني و اوعى تلمسني...
_ ي هيلين اها انتي دايرانا نصل لي شنو؟
_ اتطلق منك و دا وااااضح و كان اعمل كدا من البداية زاتو...
_... يالله... انتي لي جارية طوالي تطلقي... كدي اهدي شوية...
_ اهدي، اسمعي، نتفاهم دي بس الكلمات البتعرفها؟ زح مني كدي...
دخلت الغرفة جا بي وراها...
_ عايزة اغير...
_ ما طالع...
_....
اتفلتت عليهو و هي بتعاين ليهو بي قرف...
_ شنو ما بتطلع دي كمان بقا فيها مقاواة؟
_ ما معرسك انا و لا شنو؟
_ معرسني بي الورقة بس ما اكتر و دا الشايفاهو...
_....
دفرتو برا... و قفلت الباب...
عبت شنطتها و لبست عبايتها و جات طالعة...
_ هيلين ماشة وين؟
_ شايف شنو؟
مسكها و بقا بيحنسها... فكت يدها منو و طلعت... بقا بيدخلها جوا... و يحاول يحضنها بس هي بتلزو... مسك وشها و قربو من وشو و هو بيحاول يبوسها... لزتو منها بي عنف لمن وقعت... شالت حاجاتها و بقت بتقش في دموعها...
_ انت ما فكرت لحظة في جناك المات دا؟ ما ختيت في بالك انك تكون سبب موتو؟
_ دا قضاء و قدر ي هيلين و بعدين انا مسافر و انتي عارفة الشي دا... براكي اهملتي روحك...
_ اهملت روحي؟ انت الخليتني و انا حامل مجدوعة براي هنا في بلد ما بعرف فيها الحرف... و مشيت بي حججك الفارقة دي لي حبيبتك و انا مستنياك زي الهبلة اسبوع...
_ هيلين... هي ما خلتني ارجع و اجبرتني اقعد معاها...
_ لا ياخ معقولة تكضب كدا... تجبرك ليه؟ تقول لي ماشي تطلقها و تجي تقول لي جبرتك تقعد؟ انت ماشي تتونس معاها و لا تطلقها؟
_.....
_ مالك سكتت؟
_ هي حامل...
_.....
_ ما خلتني ارجع و ابت تطلق مني... ما قدرت اعمل شي و قعدت معاها...
_ و انا ماكان حامل؟
_ ما كنت عارف...
_ لو عرفت ما كان عملت فايدة...
......
..
_ ي وائل شوف نغم دي مالها ما طلعت للجامعة ؟
_ تعبانة اظن...
_ سلامتها كدي اشوفها...
طلع سريع عشان ما يشوف وشها لانو حبتذكر العملتو...
.....
..
طلعت من الامتحان و كان همي كلو ما الاقي امجد مشيت بي قسم طب عشان اشوف رحيق و احكي ليها الحصل بس ما لقيتها فجأة عاينت امجد من بعيد جايي طوالي اتدسيت... بقيت بعاينو لمن مشا بعداك طلعت.... اتأكدت انو فات اتنفست...
_ يعني كدا انا ما شفتك؟
اتلفتت و انا مخلوعة لقيتو مبتسم وواقف طوالي اتوترت و ما عرفت اقول ليهو شنو زاتو...
_ ما داير افتح ليك موضوع امبارح...
_....
_ تهليل..
_ نننعم...
_ عايز اتكلم معاكي ممكن؟
_ اي ممكن...
بقيت ماشة معاهو و انا برجف بي كلو... و بحاول ما اتوتر...
_ اسف علي امبارح...
_ شنو؟
_ المهم الشي الخلاك تزعلي امبارح عموما اسف.
_ لا لا عادي داك ولا شي...
_....
اخد نفس مسافة و انا قعدت اعاين ليهو بي طرف عيني... شكلو و طولو و مشيتو كلو بيدمرني... انتبه لي و اتبسم...
_ عايزة اسألك شي...
_..... خير؟
_ رايك شنو...
طوالي قلبي دق و حسيت انو خلاص اتخنقت...
_ فففيي... شنو ؟
_ في المجنون البحبك دا؟
بقيت سرحانة فيهو مسافة و بعاين ليهو من عين لي عين.. دنقرت راسي و ذرة السيطرة الفيني كلها طارت...
_.... بتقتلني من جوا
وقف مسافة و انا اتقدمت عشان ما يشوف وشي... بقا ساكت و بس بيفكر
مشيت سريع عشان ما يسألني...
.....
_ عايني ي سارة انا امشي اشوف الدكتور لو قاعد طيب؟
_ خلاص انا برجع قبليك...
_ طيب...
دخلت المكتب و هي بتودعها طوالي اتضربت بي زول رفعت راسها لقتو احمد...
_ اخخخ.
بقت بتعاين ليهو نظام بتسوي شنو هنا؟
طوالي سد خشمها بي يدو... زحت يدو بي قوة..
_ ما تلمسني...
_ خلاص اسكتي..
_ بتسوي في شنو؟
_ داير اعدل الاجابات حقتي...
_ انت جادي؟
_ اسكتي انتي...
_ الدكتور بيشوفك...
_ ما بيشوفني ياخ...
_ يا احمد كدا ما صاح...
_ بالنسبة ليكي...
_ يا احمد...
فجأة جا داخل الدكتور...
_ المدخلكم هنا شنو...
طوالي رحيق بقت تتلفت و دست الورقة...
_ ي دكتور الولد دا دخلني هنا بي القوة.
احمد: شنو؟
الكتور : الكلام دا صاح...
احمد : والله ما عملت ليها شي... رحيق انتي غبية...
رحيق : بتكضب كمان...
الدكتور : حأكتبك تعهد و تاني لو سمعت منك شي زي دا بتتفصل...
طلعو برا طوالي مسكها من رقبتها و قعد يضحك..
_ انقذتيني...
_ زح يدك مني...
_ شكرا ليك ياخ
_ دي اول و اخر مرة توعدني ما تسوي كدا... ولا بكلم الدكتور...
_ ما بوعدك بس بحاول...
_ احمد...
_طيب خلاص...
طوالي لقت تهليل جاية عليها و هي بتكورك...
_ رحييييييق
_ خير ي بت مالك...
عاينت لي احمد المعاها و عاينت ليها... و رفعت حاجبها...
رحيق: يلا ياخ نمشي من هنا
قعدو تحت الشجر...
_ ي رحيق قلت ليهو كلام عوير... زي الطالعة من رواية و لا شي...
_ قلتي شنو انتي؟
_ سألني رايك فيّ شنو؟ قلت ليهو بتقتلني من جوا...
رحيق قعدت تضحك...
_ عليك الله ياخ ما تضحكي
_ كيف ما اضحك؟
_رحيييق؟
_ ردة فعلو كان شنو؟
_ ما عمل شي...
_ انت لي دايما بتتهوري
_ ما بقدرررر والله في شي من جوا بياكلني و بيخليني اطلع الكلام دا...
_ الشي دا لي ما اكلك و خلاك تعترفي ليهو..
_ ما بقدر دا الشي الوحيد الغالبني...
......
...
سارة لاقت كريم الصباح و كان وشو مغبر و هدمو مكرفسة...
_ كريم مالك الليلة؟
_ تعبان والله...
_ مالك ؟
_ ماف شي بس تعبان.
_ كيف مافي شي الا تحكي...
_ بس كان عندي شغل...
_ شغل اذان الصبح دا ياتو كضب؟
_ انا جادي...
_.....
سكتت مسافة وهي بتعاين ليهو في عيونو الملت دموع...
_ي زولة ما شي مهم...
_ كريم...
_....
_ احكي لي...
_ سارة خليني في حالللي...
كورك فيها و مشا بدون ما يعبرها زاتو... وقفت مسافة و هي بتعضي علي اسنانها و ساكتة...
....
عدت الامتحانات بي خيرها و قررنا نتلمى في اخر يوم في بيت ليان... احنا التلاتة عملنا حفلة صغيرة و قعدنا نغني و نرقص...و طلعنا التعب حقتا كلو... لمن رجعت البيت كنت فترانة و كان الدنيا مغرب... دقيت الباب فتح لي فؤاد... طوالي لا اردايا رقدت في صدرو... بقا مخلوع و بيحاول يزحني منو... حسيت كرعيني مكسرة عديل ووقعت في الارض...
صحيت الصباح كان واقفة جمبي ام فؤاد... وهي بتقيس حرارتي...
_ صباح الخير...
_ صباح النور...
_ اها حاسة روحك احسن؟
_ ليه انا مالي؟
صنقرت طوالي و انا بتلفت...
_ ارقدي ي بتي ارقدي... وقغتي امبارح اول ما جيتي... شكلو تعب الامتحانات طلع...
_......
_ والله خوفتينا ي بتي الحمدلله صحيتي...
_ شكرا ي عمتي...
_ انتي لي بتقولي لي عمتي؟ قولي لي امي زييي فؤاد....
_ ما قصدي شي ي عمتي بس امي واحدة و مافي زول بيشيل مكانها...
_ ما قصدي اشيل مكانها ي بتي بس المانع شنو لو بقا عندي بت كمان؟
_ فؤاد بيدقني...
قعدت تضحك و حضنتني....
...
رقدت بالجمبة و فتحت صورة امجد... و اظن الحمة حقتي وصلت راسي في اللحظة ديك كنت ببكي بي شدة و انا بعاين الصورة... بست صورتو مسااافة... فجأة جدع الحجارة بي البلكونة... طوالي لبست طرحتي ومشيت شفت... وقلبي دا بيدق دق من جوا... كان شكلو ماظاهو دققت لقيتو حسام...
طوالي رجعت...
_ تعالي يا تهو... تعالي... كنتي قايلاني هو.....
_....
_ تهليييل... مالك دخلتي... لو كان دا امجد كان قعدتي ليهو مش؟
_.....
_ ما تردي.... ؟... يا شقية ما قلتي ما بتحبيهو....
_....
_حالتك عيانة لو نصيحة كان تلبتي ليهو؟
_....
_ تهليييل...
جريت قفلت باب البلكونة و طفيت النور و قلبي دا بيضرب من الخلعة...
هسي اقول لي حسام شنو لو سألني الصباح واااي من الاحراج..
صحينا الصباح بي صوت عمتي...
_ ي بتي قومي...
صحيت لقيتها حضرت لي كباية عصير و شوية اكل...
_ بقيتي كيف؟
_ احسن الحمد لله
_ طيب قومي جهزت ليك حاجة ظريفة كدا من الصباح عشان تبقي احسن...
_ ما كان في داعي...
_ ما تقولي كدا.. انا زيي زي امك...
_ تسلمي...
قمت و مشيت اتسوك و جيت قعدت في الغرفة...
خلصت اكلي و لبست اسدال الصلاة و طلعت برا عشان اطمن ناس البيت علي...
قعدت في المجلس كان قاعد ابو فؤاد و فؤاد و حسام معاهم كان حسام بيحمر لي عملت رايحة و فؤاد الوقعت في صدرو لي الان مستحي مني...
كنا قاعدين في اماننا فجأة سمعنا الزغاريد من الجيران...
جريت مشيت اشوف الحاصل انا و معاي حسام النط اول واحد... اظن كان في راسو نفس الفي راسي...
لقيت هيلين مع راجلها داخلة البيت طوالي جريت عليها....
_ هيلييييين....
فتحت يدينها و ابتسامتها المعتادة اترسمت في وشها....
_ تهليييل...
حضنتها و قعدنا الاتنين نبكي....عزتني في امي و عاينت لي حسام الكان باقي غريب و بتمتم في الكلام....
فجأة عيني وقعت علي امجد... كان بيسلم علي راجل هيلين.... سرحت فيهو مسافة لمن حسام لكزني...
_ اتقلي شوية...
اتخلعت و بقيت بخربط... عاين لي بي طرف عينو و مشا يسلم هو كمان علي راجل هيلين....
مشيت علي ام امجد باركت ليها.... امجد طوالي عاين لي و اتبسم... سلمت عليهو سريع و انا خجلانة...
قعدنا كلنا و الناس بقت تجي كتيرة و طول القعدة هيلين و راجلها عينهم ما وقعت على بعض... و كل ما يتكلم هي بتسكت و تدنقر و ما بتعلق في كلامو... الناس كلها لاحظت... دخلت المطبخ اساعد في الضيافة لقيت امجد واقف و بينزل لي وحدة من بنات عمو الكبابي عشان ما لحقتها... حسيت بي طعنة حارة في قلبي... حسيت بي غيرة شديدة هي زاتها كان مبسوطة و بتتبسم معاهو... طوالي عينو وقعت علي... طلعت سريع و عملت رايحة....
طلعت الحديقة حقت البيت لقيت حسام قاعد براهو... كنت عايزة اسألو لاكين خفت يمسك لي الحصل امبارح و يسألني...
دخلت جوا قعدت... فجأة الباب دق و دخلو ضيوف... كان كلهم ناس هاي كلاس و طبقة مخملية... كان ظاهر انهم من اهل محمد... فجأة عيني تلمح آن في نصهم... طوالي قلعت كيوني و نظرات القرف و الاشمئزاز اترسمت علي وشي... هي زاتها اتخلعت ووقفت تعاين لي بقينا بنعاين لي بعض ساي...
قمت طوالي من المحل....
طلعت الحوش لقيت فؤاد واقف....
_ تهليل...
طوالي اتفاديتو و رجعت... ما لقيت محل امشي ليهو... مشيت الحمام و قفلت الباب و انا باخد نفس...
اول ما طلعت لقيت آن اتنفرت و حمرت ليها... مسكتني و دخلتني الحمام...
_ يا بت انتي بتسوي في شنو؟
_ تهليل عليك الله ساعديني بس بنطلوني لستكو اتقطع...
طوالي اتفقعت ضحك و اصو ما قدرت اسكت...
_ خلاص ي بت...
_ واااي ياخ اتقطع عديييل... واااي.. 😂🤣
_ تهليييل... انا لو ما مضطرة ما كان جيتك تضحكي فيني...
_ دا عشان تاني تلبسي بناطلينك دي....
_ المهم ي بت ساعديني عليك الله... انتو بيتكم قريب جيبي لي شي سرعة...
_ و لي اساعدك؟
_ ي تهليل الليلة بس ياخ... دايراهو يقع قدام الناس و لا شنو؟
_ دا غلطك انتي؟
_ تهليل عليك الله...
_ ما تتحلفي لي احنا في حمام... و بعدين اليسمعنا داخلين سوا يقول شنو...
_ خلاص حليني سريع...
_ طيب بمشي بجيب ليك عباية... انا ما عندي بناطلين في دولابي...
_ لا ياخ و الكنتي بتلبسي زمان مشا وين؟
_ دايرة تمشي كدا و لا اجيب ليك؟
_ خلاص طيب جيبي لي اي شي بس سريييع...
_ طيب انتي اقعدي هنا و انا بمشي
_ طيب...
طلعت سريع مشيت بيتنا جبت ليها اقرب عباية لقيتها جيت ليها راجعة اديتها ليها لبستها و طلعت...
_ تسلميييي تسلميييي شدييييد...
باستني في خدي قشيتها بي قرف..
_ تاني عشان تلبسي بناطلينك المعولقة دي...
_ حأتعلم اجيب معاي اسبير...
_ احسن انا ما قاعدة ليك كل مرة...
_ باااي... ماشة لي امجد...
مسكتها بي سرعة و نتقتها...
_ ليه؟
_ ي بت بهظر...
.....
كان واقفة جمب الباب بتصلح طرحتها و تحاول تتنفس جا بي وراها و مسكها...
_ هيلين...
اتخلعت طوالي و زحت منو...
_ خليكي طبيعية شوية...الناس كلها حست انو في شي
_ زح مني بتصرف بالطريقة الدايراها...
مشت من جمبو و دخلت تاني... لقتهم مشغلين اغاني و قاعدين يزغردو و يرقصو... محمد طوالي مسكها و حشرها في نص الناس و همس ليها في اضانها...
_ خلي العناد و ارقصي بس...
حمرت ليهو و هي بتهز في كتفها بس عشان تماشيهو... الناس اتلمو حولينهم و قعدو يرقصو و مشغلين غنية ميلي براحة طوالي هو انتهزها فرصة و بقا يقرب منها شديد و هو بيرقص و هي كل ما يقرب نفسها بيتقطع...
....
لقيتهم بيرقصو و رابين قعدت لي في ركن و مسكت تلفوني... امجد كان بيرقص معاهم و حولينو كان في شوية بنات كنت مولعة بالغيرة... آن جات من الدائرة و قعدت جمبي...
_ جاياني مالك؟
_ حالتك تحنن...
_ خليني في حالي...
_ بتحبيهو ؟
_ منو ؟
_ العارفنو دا حيكون منو؟
_ ونتي العرفك شنو؟
_ بتعايني ليهو كل دقيقة...
_....
_ حأعمل ليك معروف الليلة بس...
_ ماشة وين...
_ استني...
مشت دخلت تاني... وقفت جمب امجد و قعدت تتكلم و تأشر علي خفت تقول ليهو انو انا بحبو... لكين انا ما اكدت ليها... طوالي جا طالع و هو بيتبسم و يعاين لي...
_ يلا...
_ وين؟
_ آن قالت لي عايزة تتكلمي معاي برا؟
_ لا... قصدي...
_ يلا ياخ....
مشيت معاهو برا و قعدنا في العتبة الكان بيقيف فيها بالليل لمن يتكلم معاي...
_ انتي عارفة لمن اقيف هنا و افلق الحجارة و تطلعي لي... بكون كأني طرت السما و جيت... بكون مبسوط و بتمنى الزمن دا يمشي براحة... و بحاول انو اخليك واقفة معاي حتى لو ما عندي موضوع بخرف عشان تقيفي معاي اكتر...
_....
خجلت شديد و دنقرت راسي اتبسم و اتلفت علي...
_ اها عايزة تقولي شي؟
_....
_ تهليل ؟
_ ما ترقص معاهم تاني...
ضحك شديد و عاين لي....
_ ليه؟
_ بس كدا...
_ طيب يقلب...
_.....
قلعت عيوني و قلبي وقف في حلقي...
_ معليش والله بس طلعت ما قدرت امسكها...
بحلقت فيهو و اخدت نفس...
_ انت لي لسع بتحبني... ؟
_ ما حاسي اني حأزهج منك...
_....
_ دي آن صاح ؟
_ مالها؟
_ انتي ما قلتي ليها تناديني....
_ اي... كيف عرفت؟
_ مستحيل انتي تسلمي علي عديل ما بالك تناديني اقعد معاك...
_بس كنت الصباح فرحانة شديد و كدا...
اتبسم و رفع راسو وهو بيعاين للسما...
سرحت فيهو مسافة و انا حاسة روحي حتطلع...
_ بتوافقي بي ؟
_ شنو ؟
_ لو جيت خطبتك؟
_... متين ؟
ضحك و قال لي
_ بكرة دا...
_ ا... ااا..
_ جاوبيني...
حسيت نبضي اتوقف و الدنيا دي كلها وقفت... ريقي وقف لي في حلقي زي الحجر و بقيت ما قادرة اتكلم...
_ تهليل... والله بحبك ومستعد اعمل المستحيل عشان القاك...
عيونو بقت يتلمع بالدموع...
قرب مني وهو ماحاسي و بيتكلم...
_ موافقة ؟
كان قريب مني و كنت بحاول امسك روحي و انا بتأمل ملامحو...
كل ذرة ثبات فيني طارت... و عملت المستحيل اعملو لي اي راجل في حياتي... غمضت عيوني و جذبت وشو علي...
و بستو...
...
..
.
Cut😬
