💜 39 💜
" သူက ဘယ်လိုလုပ်ပြီး..."
" Jimin ကို မြင်လိုက်တာနဲ့ မျက်မှန်ပင့်တင်နေတဲ့ လက်တို့ လေထဲမှာတင် တန့်သွားကာ ထိုင်ရာကနေ ပြန်ထလာတဲ့ Dr. Jung ။
စကားတဝက်တပျက်နဲ့ ရပ်သွားပြီး အံ့သြ မှင်သက်နေဟန်ဖြင့် Jimin ကို စိုက်ကြည့်နေလေသည်။
Jimin က အခုချိန် အိမ်မှာပဲ ရှိနေရမှာ မဟုတ်ဘူးလား...
ပြီးတော့ ယခုထွက်လာတာလဲ CEO ပါလာဟန်မတူပါ။
မိနစ်ဝက်လောက်ထိ စိုက်ကြည့်နေပြီးမှ မျက်လုံးအစုံက သားဖြစ်သူဆီ ရွေ့သွားကာ...
" သားငယ် သူတို့က... "
ယခုထိ အံ့ဩရှိန် မပြေသေးဟန်ဖြင့် Dr. Jung ဟာ Jimin ကို ကြည့်လိုက် သူ့သားကိုသူ ပြန်ကြည့်လိုက် စကားတဝက်တပျက်တို့ဖြင့် မေးခွန်းကို အဆုံးသတ်လိုက်ဖြင့် ရှိနေလေ၏။
ဒါနဲ့ပဲ Hobi က အဖေဖြစ်သူကို
" ဟုတ်တယ် ဖေဖေ.. ဖေဖေ့ကို တွေ့ချင်တဲ့ သား သူငယ်ချင်းဆိုတာ Jimin ပါပဲ... ဖေဖေနဲ့ တွေ့ပြီး အတည်ပြုစရာလေး သူ့မှာ ရှိနေတယ် "
" Jimin မှာ ဘယ်လို အရေးကြီးကိစ္စတွေ ရှိနေလို့ Dr အိမ်ထိ လိုက်လာရတာလဲကွယ့်... CEO ကို ဖုန်းဆက်ခိုင်းလိုက်တာတော့ မဟုတ်ဘူး... Dr အိမ်ကို လာမှ မေးလို့လဲ ရရဲ့နဲ့ကွယ်... CEO လဲ မပါဘဲ ဒီကို ဘယ်လိုလုပ်ပြီး ရောက်လာတာလဲ "
" ကျွန်တော် ယောင်း နဲ့အတူ ရှိနေတာ မဟုတ်ပါဘူး Dr... ပြီးတော့ အခု Dr ဆီကို လာတာလဲ ယောင်း မသိပါဘူး "
" CEO မသိဘူး...? "
" ဟုတ်တယ် Dr... ဒီရက်ထဲမှာ ကျွန်တော်တို့ ကိစ္စလေးတွေ နည်းနည်း ဖြစ်ပျက်သွားလို့ပါ... ပြီးတော့ တစ်ခု ရှိတာက ကျွန်တော် ဒီကိုလာတာကို Dr ဘက်က ယောင်း မသိအောင် ထိန်ချန်ထားပေးဖို့ပါပဲ "
" ဟေ... ဘယ်လိုတွေ ဖြစ်ကြလို့လဲကွယ်... Dr လဲ Jimin ကို ဆေးစစ်ပေးရက် မဟုတ်သေးလို့ အိမ်မရောက်ဖြစ်တာနဲ့ ဘာတစ်ခုမှ မသိရပါလား "
