💜 11.1 💜
အရေးကြီးတဲ့ အတန်းချိန်မို့ Jimin ဂရုတစိုက်နဲ့ ဆရာသင်တာကို နားထောင်ကာ note တွေကို သေချာ လိုက်မှတ်နေမိသည်။
ဘေးနားက Hobi တစ်ယောက်တော့ ဖုန်းတစ်လုံးနဲ့ ဘာတွေ အလုပ်ရှုပ်နေရယ် မသိ။ ဆရာ မြင်မှာလဲ စိုးကာ ဖုန်းကို ဖွက်ပြီး သုံးနေလေသည်။
Jimin ခဏတိုင်း သတိပေးနေလဲ မရ။ စာသင်တာ လိုက်မကြည့်ဘဲ ဖုန်းတစ်လုံးနဲ့ ဂဏာမငြိမ်နေတဲ့ Hobi ကို ပြောမရတဲ့ အဆုံး Jimin ပစ်ထားလိုက်တော့သည်။
စာတွေကို သေချာ သင်ယူပြီး ကျောင်းမြန်မြန်ပြီးချင်တာလဲ Jimin မှာ အကြောင်းပြချက်တစ်ခု ရှိနေပါသည်။
သူ ကျောင်းမြန်မြန်ပြီး ပြီးတော့ လုပ်ငန်းခွင် မြန်မြန်ဝင်ချင်တယ်...
ဒါမှသာ ယောင်း စိုက်ထုတ်ပေးထားတဲ့ ငွေကြေးတွေကို မြန်မြန် ပြန်ဆပ်နိုင်မယ်မလား....
ယောင်း ကတော့ ဒါတွေဟာ ဘေဘီ့အတွက် ကိုယ် ပုံအောပေးထားတာဖြစ်လို့ ပြန်ဆပ်စရာမလိုဘူးတဲ့
ဒါပေမယ့်လဲ ကျေးဇူးတရား ဆိုတာ ပြန်ဆပ်တတ်ရမယ်လေ။
ငွေကြေး အကူအညီတွေ ဖြစ်နေတော့ ပိုဆိုးတာပေါ့။
အိမ်က မိသားစုကိုလဲ ဘယ်သူ့အထောက်အပံ့ အကူအညီမှ မပါဘဲ လွတ်လွတ်ကင်းကင်း နေစေချင်လှပြီ။
သူ့အကူအညီ ယူနေရသမျှ သူ့မျက်နှာကြည့်ပြီး သူ ကျေနပ်အောင် နေပေးနေရမယ်။
ကိုယ်က ဘာမှ မဖြစ်ပေမယ့် မေမေ့ကိုတော့ဖြင့် သူများမျက်နှာ ကြည့်နေရတဲ့ ဘဝမျိုးနဲ့ မနေစေချင်တာ အမှန်ပါ။
ပထွေးလုပ်ပုံတွေ မဟုတ်တာကြောင့်လဲ အိမ်က စီးပွားရေးက ပြောသလောက် တိုးတက်မလာခဲ့။
ထို့ကြောင့် Jimin အိမ်အတွက် တစ်ထောင့်တစ်နေရာကနေ ပါဝင်အားဖြည့်ပြီး အကူအညီပေးချင်လှပြီ။
သူက ဒီလို လုပ်ငန်းလုပ်ချင်ကြောင်းတွေပြောရင် ပထွေးက သူ့ကို ခြေရာတိုင်းတယ် နေရာဝင်ယူချင်တယ်လို့ ပြောလေ့ရှိပေမယ့် သူပြောတာတွေကို ဂရုစိုက်နေရင် သူ့လုပ်ပုံနဲ့ ကြာရင် တစ်အိမ်လုံး လမ်းဘေးဆင်းနေရမယ့်အဖြစ်။
