القثـم

🦅القثم الثاني عشر🦅

خلِصت بية الليّالي حَيل يا حَيل

🦅القثم الثاني عشر 🦅

الڪاتبة غرام عمار .
--------------------------------
::- باوعتلها مصدومة ونار من عيوني تطلع
كمت ونترت بيها ..

منوو دزج علية؟؟

::- ولد دلاني عليكم اني بنيتي طرحت
ابنها (سقطت) وتخبلت واجة هوة كال
انتِ تردين تبيعين هالوليد

::- اسكتي وضبي الساانج افتهمتي
اني ماكايلة ومن ساااابع المستحيلات افكر
بيها حتى
هذا الوليد التكولين علي اريد ابيعة
عندة أم وعندة أب واني عمتة ..

::- يعني ماتبيعينة؟

::- كل عقلج؟ كل عقلج تحجين ابيع
ابن اخوي؟؟؟ لج شنو بعقلج
اكلج ماكايلة ولا شايفة احد
لا وبكل ثقة تحجيها وجايتني ،

::- تتندمين والله

::- تهدديني شنو؟ لج اني بنت مَهد الحيادر
اهدد ماتهدد اطلعي من بيتي برااا
يلاااا .

::- دعوفي الحنان وبيعينيى لا
يصير شي يخسرچ كلشي .

::- افضل اخسر حياتي وكلشي ولا ابيع
ابن اخوي كتلج براا بيتي
عرفتج وراج شي اخذي زبالتج واطلعي .

::- مو اخلي الذيابة تاكلج وماتطلعين
سالمة منها .

::- هههههه تهدديني مابلحيف اني
اتهدد اخلي اصابعي بعيونچ والله .

::- اتحملي الراح يجرالچ اذا ماخليتچ
تمشرينة علية خوفاً من ذيابة .

::- إذا رميتني ألى الذئاب
سأعود وأنا اقود القطيع .

عيونها كامت تجدح اجت تلزمني
تريد تضربني لزمت ايدها ودفعتها ع
الباب .

اطلعي بكرامتج يازبالة كبل لااتصرف
وياج تصرف زفر واخليچ بنص المراكز
ونصيحة لاتتقربين لهنا بعد
ساعتها اسود عيشتچ واخليج تتندمين .

تقربت مني ترجف تحسب بـبظبة مالت فلوس
وتحجي .

::- شمي ريحتهن يخبلن شميهن
تفضلين الزعطوط عليهن

::- لج برااا شنهاااي القاابلية العندج ،
اجيتي بأحترام اطلعي بأحترام لا احركج
انتِ وفلوسچ .

تقربت علية تريد تشممني الفلوس
بعدت راسي منها جسمي كلة يرجف
لزمت ايدها البيها الفلوس ودفعتها
حيل ردمت بلباب ضلت تصيح ..

::-راسي راسي فشختيني

::- وانهيج والله ..
لزمت الجنطة مالت الفلوس وجريتها من شالها
ثكيلة كوة تمشي تنبت رجليها
بلكاع
واني جسمي انهد من المقاومة
دفعتها وكعت بساحة
وطبيت جوة ركضت سحبت الجداحة .
لزمت الجنطة وركضت للدبة الجوة المبردة
بيها بانزين
رشيت ع جنطة ارجف هيه شافتني وتخبلت