القثـم

🦅القثم سادس والثلاثون🦅

انا ذيچ الماحضت بواحد يضحكلهه
ذيچ الكضت كل الياالي تنحبلهه ،
-غرام عمار , ,

🦅القثم سادس والثلاثون 🦅

بقلم الكاتبة: غرام عمار ،

----------------------------------------
-أريام:- يوم يووم وينچ

-ام ضَيرم:- هاا هنا شبيچ

::- يوم قثم رجع سَنمار بس شنو
جبر قفل عليهه باب الغرفة

-ام ضَيرم:- يااا دهر فره يريد يموت
البت

-منتهى:- عليمن يموت البت شني هاي
العيارة عود شوفني يحبني وجابني شدعوه
هذا الصريخ،

-اريام:- درت عليهه مبتسمه ورديت
. چا صدك مايحبهه؟ اشو يموت عليهه
والدليل راح وجابهه غصب وسجنهه بلغرفة

-متهى:- اي شتريد بعد بلمبارك رجلي واخذتـة
بواكة زلم

-ام ضَيرم:- استغفر الله ربي واتوب اليك
ولچ يمة عليش هاي الحجاية حتى عيب
شني بواكة زلم يايمة

-منتهى:- لعد اجذب ماباكة رجلي مني
واخذتة من ابنـة عمة

-ام ضَيرم:- ياهوو جان يدري برجلج متزوج
وعده طفل اشو فجأه ظهرتي يمة
عيب عليج واحترميهه البنيه لايمچ
ولا بطيخ،

-منتهى:- اي هاي لأن تحبونهه دافعولهه
خوب هذيج ام قثم حتى مااجت شافت
حفيدهه كلهه اجت الى هيه ،

كولبت عيوني بقلة صبر مايجي وياهه
شي لا زين ولا شين حاولت وياهه
بكل طرق اجيبهه واكسبهه بس ماكو ماتوب
صعدت للغرفة اجيت افتح الباب
اشوفها بس ماانفتح الاخ حابسهه خليت ونزلت
بعدهه تلعلع ست انتهاء
ولو ماشوف ننتهي منهه
دارتلي امي تريد تسد الموضوع وكالت

::- البسي عباتج وروحي جيبي معجون
ونومي وبهار بسرعة

::- شطيح حظي غير المعجون والبهار يربي
موعدچ ولد شنو الى انا والحرس بلباب

::- سدي حلكج وروحي هسه مخلصين اليوم
لمن يجي صَهيد اودي للسوك
بسرعة يلة بدون دهره

نفخت بملل لبست عبايتهه وطلعت
شافوني الحرس وسئلو وين رايحه
كتلهم

::- معجون ونومي وبهار هاي امي مسويتني
دلاله بعد اختكم

ضحكوا وكال واحد بيهم

::- ارجعي خوية احنـة نجيب هسه

::- ماتقبل خوية الى انا اروح عدهه عداوة وياي
يلة اشو هيه مرية التبيع عيب
كشختكم تروح بنومي والبهار

ضحكوا تلاثتهم عفتهم ورحت اعبر شارع
اشتريت من المرية وضليت اسولف
وياهه تسئلني واجاوب حسيت نفسي
انطي افاده ،
بس درت وجهي نزيت صار بوجهي

-كمت احسك مراقبني وين ماطلع
تجي بوجهي

-أگثم:- وهيچ اني فارغ واراقبچ
اجيت للولد وشفتچ عبرتي