القثـم

🦅القثم ثاني والثلاثون🦅

جا هَسة هيچ صفَت
حُبَك وخوفَك چذب!
جا هيچ ماكو صدك!
مو گتلي أنتَ هَلي
مو چنت شابگ أيدَي وتگلي صوتَك عَذب
بيوم الگلتلَك خلص
مو گمت تتعَذر!
وكَضيت أديني وگلت خَليك .... ما أگدَر
جا خلصت مني ولَك!
وشهور عبرَت عَليّ
جا خوش ما تگدَر

🦅القثم الثاني والثلاثون🦅

بقلم:- الكاتبة غرام ،
-----------------------------------
-أريام:- بسسس عوفووو خلوو
يتقررب يلزمهاا زااادي وخرري
راح يموتوون ثنينهم وخرووووا منهممم
يمعووودين  .

سحلناهه كوة من حضن زادي
المتخبلة عبالهه ماتت بيدها
امي حضنتها تهدي بيهه
وقثم خلة سَنمار بحضنـة ينكث بيهه
نفسهه راح يصيح بعلو صوتـة

-قثم:- خرررب بسس اتنفسي بس اتنفسي
راااح تموووتين

-صَهيد:- دكوووم ناخذهه صاارت زركةة

صارت هوسه دموعي ع خدي وعيني
عليهم حرت وين اروح صريخ سارة
متخبلة من الاصوات
بجي الحسن خوف قثم ع سَنمار انهيار
زادي كلهن التمن ،
نترت بكلارا تركض الحسن ومأمن السارة

اخيرًا تنفست سَنمار ودموعهه يجرن
ووجهه احمر دم
سحبهه قثم الحضنـة يمسح ع ضهرها
دفعتة ورجعت الحضن زادي تشهك

-ام ضَيرم:- كووم صَهيد وصلهن البيتهن
والي حجااااية ويااك قثم العب واطيها على راسك

صار صياحه ماقابل تطلع وزادي
تصيح اشرد بيها المكاان بس الله يعلم بي
صاح ضَيرم يدفع بقثم برة

-ضَيرم:- بسسس خلينة نفتهم
شبيك تخبلت اسمعني بس اسمعني

-قثم:- شسمعع تريددد تطلع من البيت
شسمع كتلهه مااعوفچ مااعوفها لو تمووت

-ضَيسن:- بس خليها ترتاح جم يوم
ونرجعهه شبيك باوعلها حرام عليك
انتهت

-صَهيد:- لاتفكر بس بنفسك فوك ماغلطان
جاي تصيح قثم ارحم بيها وخليهه تروح
ومحمد بس يصير شي بيها مَهد يحرك
البيت فوكنة .

بعد صياح وتهديد من قثم الهم
قبل اخذه ضَيرم ونزل من شاف حالة سَنمار
ماتساعد على  كل هذا صياح

-زادي:- ماراح اخذ شي أريام باجر
جيبيهن انتي وتعالي بس جهزيلي جنطة
الحسن وسارة

-ام ضَيرم:- يمة اتهدن اروحلج فدوة
خلينة نفهم القضية شنهي

-سَنمار:- كمت مسحت دموعي وحجيت
بصوت مبحوح ،

خالة قضية ايش؟ متزوج ابنج متزوج
ترديني اكعد واسكت لمن يجيبها للبيت
اباوع شلون يفوت عليها للغرفة رحمة الاهلج

سكتت هزت راسهه بأسف
كمت بية مابية جسمي كلة يأذيني
لفيت شالي ايدي ترجف جنهه ايد مهد
لبست البشت ونزلت
كلشي مماخذة وياي بس مبايلي بيد زادي
اخذت الحسن حاضتنة الكلبي اشم بي
ريحة اخوي محتاجتهه
وزادي شايلة سارة ومأمن كطعت روحهه من البجي
عفت كلشي وراي اريد اشرد بروحي
جذب اليكول وجع المرض يأذي كد
وجع الروح من تتأذة