القثـم

🦅القثم ثالث والعشرون🦅

هواي هنـة وماعدنة اهل شايلين المحنة
نبچي ختلة والجرح ينزف هواي هنـة .
_غرام عمار

🦅القثم ثالث والعشرون🦅

بقلم: الكاتبة غرام .

-------------------------------------
كلارا:- سحبت نفس عميق وكلبي
اسهام نبتت بي مسحت وجهي من الدموع
ودفرت الباب ودخلت اصيح عليها
وهيه انصدمت مني

::- كلشييي اتوقع منج بس مال تبيعيني
الأبن اختج ال*****وسرسري
تحلمين والله تحلمين ،

::- لعد اطلعين من بيتي ماتبقين عندي
دقيقة منين اجيبلج واعبي بحلكج احد
كلج كاعدة ع قاصة الخلفج؟

::- شلت شعري بقهر ونترت بيها ،
لچ شحجي وياج كليلي؟
دمرتي ابنچ بيدچ ،
خليتيني اشتغل ،
دخلتي سرسرية للبيت وسكتت ،
لج شحجي كليلي وهسسسه وصلت بيج
تبيعيني؟ مو اناااا بنتج
كليلي اذا انتِ مرت ابوي
هم مرت الأب متسوي هيج مثلج ،

كامت ع العكازة تعلج وهمست
: للأسف انا امچ والحقيقية
وعوفي البجي والدراما ياطلعين من بيتي؟
يا تقبلين يجي ابن خالتج يشتريچ ،

::- هزيت راسي بأسف عليها
مشمئزة اني طالعة من بطنها
ودمي من دمها
صرت طول بطول وياها ورديت

راح أضحك علىٰ جرحچ ،
واباوع بخساراتچ واني اضحك وكلبي بارد !
راح اشوفچ شلون تتوسلين بيه اساعدج
لو اسامحچ نجوى ،

عفتها وصعدت دموعي ينزلن
يحركن بوجهي كلبي يمزق بية تمزق
اخذت اجهزتي وكتبي ،
وجنطة صغيره بس ملابسي مالات دوام
وتراكين
، ركضت الغرفة مالك شهكة اباوع بيها
وصحت بصوت عالي:-
شوووفني انذليتتت ماالك شووفني
راح اخذ اشواارع بعدك ليش عفتني ،
وين وعدك يااخالف الوعد وينةةة وينةة

بجيت اشهك امسح ع كلبي.
مخلية ايدي ع أذاني
اخذت تيشرتة وعطر وقمصلتة ،
انتَ رحت بس ذكرياتك شنو اليروحها من بالي
ياخوية

"والله غربة بنص أهالينة"

طلعت اخذت الجنطة لبست كبوس
ونزلت
اجت ازمتني من متني
الدنية ظهرية بس عبالك صباح
دفعتني وشالت ايدها تهدد

-نجوى:- اياچ ترجعين اياااچ
بنت عاااق ،

غمضت عيوني من ركعت الباب
كعدت ع العتبة اشهك وين اروح هسه؟
اليا بيت يحتويني ويداوي جرحي وين
اروح ،
اخذت الجنطة وطلعت من المنطقه كلها
رحت للحديقة ساكتة وبس دموعي
يجرن ،
شوية ووكفت سيارة كبالي ضليت
اباوع بيها نزل منها ضَيرم وويا بنية
كمت مصدومة وفشلانة شعرفه انا هنا
صدفة لو مراقبني؟ ،
اجت البنية حجت بهدوء شلت راسي
ضَيرم منتجي ع سيارة يدخن ،

-سَنمار:- شلونچ يحلوة ليش تبجين؟

-كلارا:- احم ماكو شي تسلمين
شلت الجنطة ردت اروح ولزمتني مبتسمه
وجهه صاير احمر ،