INDEX [Complete] U+Z

Finale

U+Z

"နေ့လည်ကျရင် သားနဲ့လိုက်ခဲ့နော်"

"အင်း"

"ဘာဖြစ်နေတာလဲကွာ"

အပြင်ကိုခေါ်ထုတ်နေတာကို မဖြေချင်ဖြေချင်နဲ့ဖြေနေတာ။

"ကုမ္ပဏီမှာမတွေ့ပဲ အပြင်မှာတွေ့ကြမယ်လေလို့"

"ဘာဖြစ်လို့လဲ"

သူ့အလုပ်ကိုလိုက်မသွားချင်ပါဘူး။ တစ်ခါမှလည်း လိုက်သွားဖူးတာလည်းမရှိဘူး။ သူနဲ့တောင် အပြင်ထွက်တာရှိလို့လား။ city mart တစ်ခါသွားတာရယ် အိမ်နဲ့အန်တီတို့အိမ်ကို ခေါက်တုံ့ခေါက်ပြန်သွားတာပဲရှိတာကို။ သူ့အလုပ်လိုက်သွားရင် အားလုံးဝိုင်းကြည့်နေရင် ဘယ်လိုလုပ်မလဲ။

"အိမ်းလို့"

အညွှန်းကိန်း အတွေးများနေသူကိုချီလိုက်ကာ စားပွဲပေါ်တင်လိုက်သည်။ သူ့ပုခုံးပေါ်လက်နှစ်ဖက်တင်ထားပေမယ့် သူ့ကိုမကြည့်ပဲ အောက်ကိုငုံ့နေ၏။

"အိမ်း!"

"အင်း"

ပျင်းတိပျင်းတွဲနဲ့ထူးနေတာ။

ဟင့်!

"စူးတယ်"

မေးစေ့ကအမွှေးနဲ့လိုက်တို့နေပြန်သည်။ ဒီအမွှေးတွေကရိတ်ပေးလည်းခဏပဲ ချက်ချင်းများပြန်ထွက်သလား မသိဘူး။

"သားကိုနှိုးပြီးမင်းတို့သားအဖကိုတစ်ခါထဲခေါ်သွားရမလား"

"သားအိပ်နေတာကို အိပ်ရေးမဝဖြစ်မှာပေါ့ နောက်မှလိုက်ခဲ့မယ်"

"မောင့်သက်ဆိုင်သူက ယောက်ျားတစ်ယောက်ဆိုတာလူတိုင်းသိတယ်၊ ဒီကိစ္စကဖုံးကွယ်ထားဖို့မလိုဘူး"

"အိမ်အိမ်းသိတယ်"

"ပြောတော့သာသိတာ မင်းကိုအပြင်ခေါ်ထုတ်ဖို့ကို အတင်းပြောနေရတာလေ"

"သွားနေမကျလို့"

"မောင့်ဆီကျလိုက်မလာချင်ဘူး မင်းသူငယ်ချင်းဆီကျ သားနဲ့အလည်သွားတယ်"

နီနီက သူ့အကြောင်းကိုအရင်သိပြီးသားလေ။ မောင်နဲ့မတွေ့ခင်ထဲက နီနီနဲ့ကခင်နေတာကို။ နီနီနဲ့လိုက်ကိုင်ပေါက်နေတာ။ သူ မောင့်နောက်လိုက်မသွားချင်ဘူးဆိုတာ မောင့်ကိုမကောင်းပြောမှာရယ်၊ တစ်ခုခုကိုသားဆီလာရိုက်ခက်မှာကိုစိုးလို့လေ။ တခြားအကြောင်းကြောင့်မှမဟုတ်တာ။