حور الجناد

16

-لسه يا عمر محمل بت الناس مسؤولية حاجة هي م عملتها ؟

-سالم ...أظن إتناقشنا في الموضوع دا كتير ..

-أصريت إنك تتزوجها قلنا م مشكلة ...لكن اها استفدت شنو غير إنك بتدمر فيها وفي مستقبلها ..؟

-م عارف هي بتخبي علي ولا فعلاً الحاجات الأنا كنت متأكد إنها موجودة عند أبوها ماف ؟! ...كنت عايز انتقم من ابوها عن طريقها لكن حاسس اني مكتف وم قادر أعمل شي ...لا لقيت الحاجات الأنا بفتش عنها ولا قدرت أستفز أبوها بيها ...شايفها م حركات رجال أبداً ولا حاجة بتليق بي ...لازم أصل لأبوها بطريقة غيرها هي ..لكن كيف م عارف ...

-شفت إنك أقحمت البت في دوامة ماف جدوى منها ؟

-اذا كشفت ابوها هأطلقها ..

-بالله ! واذا طلقتها ..مفتكر هتقدر تكفي حياتها بطبيعية ؟ هتنسى معاملتك السيئة ليها وكيف انك عاملها خدامة تحتك ؟ هتقدر تتعايش مع المجتمع بسلام وتكفي حياتها عادي ..؟

-م بهمني ..

-عمر ..انت الانتقام عامي على عيونك ...مقدر وضعك وانو بتحاول تصل لقصاص أخوك لكن مع على حساب غيرك ...مرتك تعتبر طفلة ...فاهم .؟ دي طفلة ياخي ؟

-خلااااص ...أعمل ليها شنو يعني ..؟ كل م أشوفها بتذكر شكل ابوها وهو ماسك السكين وكيف ق*تل علي بوحشية من غير م يرف ليه جفن ..م قادر أنسى ولا أتجاوز ..صح مرت 14 سنة لكن لسة انا عايش في اللحظة ديك ..

-برضو دا م بينفي حقيقة انها م دخلها في الحصل دا كلو ...ياخي هي الوقت داك بتكون م مولودة ذاتها ..

-شايفك بتدافع ليها كتير ..

-لا حول ولا قوة إلا بالله..ياخي أنا في شنو وانت في شنو ! اي بدافع عنها لانها بريئة .

-ساااالم ..م تنسى انها مرتي ..

-(ضحك)..يداب عرفت انها مرتك !

-المهم أنا طالع ..

-على وين ..؟

-ماشي المحل ...طولت م مريت على الشباب هناك ..قلت امشي اشوف الوضع كيف والادارة ماشة تمام ولا لأ ..؟

-انتظر طيب أمشي معاك ..لأني عايز أشتري لأختي تلفون ..

-دي البرلومة ..؟

-يسسس ...ياخي موجعة راسي بطلباتها الأيام دي ..تقول أول وحدة تدخل جامعة ..

-إنت ذاتك مدلعها شديد ..

-ايوة ..مفتكرني زيك ؟

-موفر ليهم اي شي تاني في شنو ؟

-الحنية يا عمر ..

-انت عارفني م لي في المواضيع دي ..

-عارف يا عمر انو البنات ديل أقل كلمة بتفرحهم ..من الدنيا دي م عايزين شي غير أب أو أبن أو أخ أو زوج حنين ..حاول خليك لين معاهم بدخلوك الجنة بعدين ..